Esdras 5:12 - Wuj Pa K'ubultzij

¹² Xaq xkib'ij chi katit kimam xkimi'saj roywal i Dios aj chikaj, rumali chi Ire xeujach pu'ab' ma Nabucodonosor chi ajawinel ke aj Babilonia, chi aj Caldea, xaq are ire xwulijsaw i rachoch i Dios le, xaq xeuk'am b'i i winaq pa Babilonia.

Esdras 5:12 Referans Kwoze

Daniel 9:5

Oj makunnaq xaq qa'anom i utz taj; lik qa'anom i utz taj; oj k'aslik i at qakojom ti pajil; lik qo'tam kan atzij apixab' xaq i ataqanik.

2 Reyes 24:2

Are uri i Ajwal xeutaq jub'an ili'omab' chrij ma Joacim, chi je aj Caldea, aj Siria, aj Moab xaq aj Amón. Xeutaq b'i pa ch'oj chkij aj Judá chupb'al uwach i tinimit le chrij pacha ub'im i Ajwal, chi xkib'ij i profeta.

JEREMÍAS 5:29

¿Xatab'a kinya ti utojb'alil chke rumal wach kki'ano le? ¿Xatab'a kinya ti utojb'alil chke i winaq chi kki'an keje ile? Yin in Ajwal, xinb'iw ile.

Salmos 106:40

Rumali i Ajwal xpe roywal che utinimit; xaq xuya ti chik chke wach usujum te'eq chke.

2 Reyes 25:1

Xwiri ma Sedequías xuqel i ajawinel aj pa tinimit Babilonia. Che i lajuj ij, che i lajuj ik' re ub'elej junab' rajawinik ma Sedequías, i ajawinel ma Nabucodonosor x-e chu'anik ch'oj pa Jerusalén junam ku' uwinaq chi je yij che i ch'oj xaq xusutij chik rij i tinimit xaq xe'uxlan chrij chwach. Xu'an ik'awb'al re ku'anb'ej ch'oj chkij.

Jueces 6:1

Xwiri ni'pa xki'an aj Israel lik utz taj xe'el chwach i Ajwal, rumali xeujach wuqub' junab' pki'ab' aj Madián.

Jueces 4:2

Rumali i Ajwal xeujach pu'ab' ma Jabín, chi ajawinel ke aj Canaán, chi ku'at tzij pa tinimit Hazor. I ma Jabín le o jun aj-atzil ukojom pkiwi achiyab' chi je yij che i ch'oj, chi ma Sísara ub'i, jeqel chila pa Haroset-goim.

Jueces 2:14

Rumali i Ajwal lik xpe roywal chke aj Israel xaq xeujach pki'ab' ili'omab', xkimaj b'i konojel ub'itaq ke chke, xaq xeuya kan pki'ab' i ajch'oj chkij, chi je o chkij chkiwach. Xech'ak kumal ajch'oj chkij chi je o chkij chkiwach, man i je aj Israel xetiki ti chu'anik ch'oj chkij ike.

Deuteronomio 32:30

¿Wach u'ankil ile chi xa jun chi winaq xe'anmaj b'i lajujwinaq kamo' (1,000) ajch'oj pu'ab'? ¿Wach u'ankil ile chi xa keb' chi winaq xe'anmaj b'i jo'mo' juchiy (10,000) ajch'oj pki'ab'? ¡Ile rumal i Ajwal, chi tol ke, xeujach ajch'oj le pki'ab', rumali chi xech'akanik!

Deuteronomio 31:17

Xwiri woywal ktzaq ni pkiwi ike, man are kki'an ile Yin lik kewo'taj ni kanoq, xaq lik kink'achir ti chik kumal, kpe ni jalajuj taq yob'il xaq jalajuj taq k'ax pkiwi, te'uri kkib'ij na: “¿Moqxa nti chik i Dios qu' rumali kqatij i jalajuj taq k'axi?”

JEREMÍAS 52:12

Che i lajuj ij re ujo' ik' re i b'elejlajuj junab' re rajawinik ma Nabucodonosor, ajawinel re i tinimit Babilonia, ma Nabuzaradán, uwi ujolom i ajawinel xaq aj-ok'al utzam i ajchajinelab' re i rachoch i ajawinel, xupon k'a pa Jerusalén

SEGUNDO LIBRO DE CR%D3NICAS 36:20

Chrijil chik ile xeuk'am b'i i winaq chila pa Babilonia chi xek'asi kan che i kamik chi x-anik le, chila x-an winaq chke chi je o pu'ab' i kajaw junam ku' kak'al k'a xkijeq ni ajawinik aj Persia,

ISAÍAS 47:6

Are xmi' woywal che i nim laj intinimit are uri xinjach pa k'ixb'alil, xaq xinya che xtzaq pa'ab'. Yet lik xawil ti tob'al kiwach, xaq xaya i k'ax laj chak chkiqul i rijab'.

JEREMÍAS 51:59

Che ukaj junab' re rajawinik ma Sedequías, ajawinel re Judá, i profeta ma Jeremías xuya jun tzijonik che ma Seraías, chi uk'ojol ma Nerías xaq ri umam ma Maasías. Ma Seraías rachi'ilam b'i ajawinel ma Sedequías che u'enam pa tinimit Babilonia, chi o chuqul kuyijb'a ipa kwar wi i ajawinel.