Esdras 4:7 - Wuj Pa K'ubultzij

⁷ Are xuriq ij chi xok ma Artajerjes pa ajawinik puwi i tinimit Persia, are uri ma Bislam, ma Mitrídates, ma Tabeel xaq i jub'an chik rachi'il, xkitz'ib'aj b'i jun wuj che ma Artajerjes. I wuj le chi xkitz'ib'aj b'ik, tz'ib'tal pa ch'ab'al aj Aram xaq atsam b'i puch'ab'al i ajawinel le.

Esdras 4:7 Referans Kwoze

2 Reyes 18:26

Are uri ma Eliaquim, ma Sebna xaq ma Joa, xkila' uwach che ajpatan aj Asiria: —Cha'ana utzil chqe chi chatch'aw qu' pa ch'ab'al aj Aram man yoj kqata ile, xwiri moja'ijla pa Hebreo, man i winaq chi je o chila puwi i tapial nim uwach kkita.

Daniel 2:4

I je ajch'ob'onel, xkib'ij che i ajawinel pkich'ab'al aj Aram: —¡Lik katk'asi ni yet, Nim laj Winaq, ronojel ij saq! Chalapa chke awajchaki wach awachik'am, i yoj kqab'ij ni usuk' chawe wach ke'eloq.

ISAÍAS 36:11

Are uri ma Eliaquim, ma Sebna xaq i ma Joa xkila' uwach che ajpatan aj Asiria: —Cha'ana utzil, chatch'aw qu' pa Aram, man yoj kqata. Match'aw qu' pa Hebreo man konojel i winaq chi je puwi i tapial nim uwach ketijin chutayik.

Esdras 4:17

Are uri i ajawinel ma Artajerjes keje ula'ik uwach iri xutaq b'i che ma Rehum, chi atz laj aj-ok'al utzam i kaj-atzil i achiyab' chi je yij che i ch'oj, che ma Simsai chi ajtz'ib' xaq chke i rachi'il chi je jeqel pa Samaria, xaq che ulew chi o pusuk' i qajb'al ij che i raqana Éufrates: Chik'ama jun rutzil iwach.

Esdras 4:9

I winaq chi xetaqaw b'i i wuj, je are iri: Ma Rehum, chi atz laj aj-ok'al utzam i kaj-atzil i achiyab' chi je yij che i ch'oj, ma Simsai chi ajtz'ib', xaq i rachi'il chi je aj-atol tzij, nimaq taq aj-atzil ke i achiyab' je yij che i ch'oj xaq jub'an chik chi nimaq kipatan pa tinimit Persia, Erec, Babilonia, xaq Susa, chi xaq Elam kb'ix che. I jub'an chik winaq re i nimaq taq tinimit chi xe'elsax b'i pkitinimit rumal i nim laj winaq ma Asnapar, chi lik nim u'ij, xeya' chila pa taq tinimit re Samaria xaq chila che ulew chi o pusuk' i qajb'al ij che i raqana Éufrates. I wuj keje iri kub'ij: Ma Artajerjes, chi at ajawinel, yoj chi oj awajchak chi oj o che ulew chi o pusuk' i qajb'al ij che i raqana Éufrates.

Esdras 5:6

Iri are jun uk'exwach i wuj chi taqtal b'i che i ajawinel ma Darío rumal ma Tatnai, chi aj-ok'al utzam i tinimit chi o pusuk' i qajb'al ij che i raqana Éufrates, xaq ma Setar-boznai junam ku' rachi'il chi aj-ok'al utzam i tinimit chi o pusuk' i qajb'al ij chila che i raqana Éufrates,

Esdras 4:1

I ajch'oj chkij utzob'ajil ma Judá xaq ma Benjamín are xketamaj chi ni'pa je elsam te b'i pa cho'ab' chwach kulew xeupon chik, i xe'ok chuyakik i rachoch i Ajwal chi ki-Dios aj Israel,

Esdras 4:8

Ma Rehum chi atz laj aj-ok'al utzam i kaj-atzil i achiyab' chi je yij che i ch'oj xaq ma Simsai chi ajtz'ib', xkitz'ib'aj b'i jun wuj che ma Artajerjes kojb'al kimak aj Jerusalén.

Esdras 8:36

Te'uri xkijach i wuj re utaqanik i ajawinel chke je aj-ok'al utzam i tinimit xaq chke i aj-ok'al utzam i jalajuj taq tinimit chi je o pusuk' i qajb'al ij che i raqana Éufrates, ike le xkiya kiwach chkito'ik i winaq xaq i rachoch i Dios.

Esdras 7:1

X-on panoq che rajawinik ma Artajerjes, chi ajawinel re i tinimit Persia, o jun achi chi ma Esdras ub'i chi lik umuq uxikin ma Seraías, ma Azarías, ma Hilcías,

NEHEMÍAS 2:1

Xuk'ulmaj jun ij re i ik' chi Nisán ub'i, che i junab' juwinaq re rajawinik, tz'aqat yin kintijin chuya'ik uwa'al uva muqb'am che, are uri i ajawinel xrilo chi kinb'isonik.

Daniel 11:2

I wo'or kinya retamaxik i saq laj tzij chawe: K'a kerajawin ni pa tinimit Persia oxib' ajawinelab', chrijil ile kk'iji ni che i atb'al tzij jun ukaj ajawinel chi lik mas b'eyom chkiwach i oxib'. I rumal ub'eyomal le kuriq ni nim laj cho'ab', lik kuyijb'a ni ch'oj chrij i ajawinik re i tinimit Grecia.