Esdras 4:24 - Wuj Pa K'ubultzij

²⁴ Keje uri ile chi xch'aqi uyakik i rachoch i Dios chila pa Jerusalén k'a che ukab' junab' rajawinik ma Darío chi ajawinel pa Persia.

Esdras 4:24 Referans Kwoze

Job 20:5

I ukikotemal i utz ti laj winaq lik knajtin taj, lik juntir kk'isik.

NEHEMÍAS 6:9

Man ike kkaj te'eq kojkixib'ij, ike xkich'ob'o chi yoj kqaj qak'ux xaq kqamayij i chak; xwiri yin xa mas xinkowij ink'ux chu'anik i chak.

NEHEMÍAS 6:3

Are uri, yin xintaq b'i ajb'il tzij chub'ixkil chke chi yin latz'ab'naq inwach che jun chak chi lik rajwaxik, rumali chi k-antaj ti in-enam, man we kin-ek kch'aqi kan i chak.

Esdras 6:1

Are uri i ajawinel ma Darío xutaq utzukuxik chupam i k'olb'al wuj ipa kk'ol wi i wuj chi lik nimaq uchak chila Babilonia

Esdras 5:5

Xwiri i Dios lik keuto i aj-ok'al utzam i chak chi je aj Judío, rumali ike xkimayij ti u'anik i chak k'a xkitaq nu b'i jun wuj che ma Darío xaq k'a xkoy-ej na wach xb'ix li chke.

1 Tesalonicenses 2:18

Lik xqaj ni isolixik; xaq yin in ma Pablo, k'iyalmul lik xinch'ob'o chi kixewila na, xwiri i Itzel xoju'atij.

Esdras 4:23

Are x-ajlax uwach uwuj i ajawinel ma Artajerjes chwach ma Rehum, ma Simsai chi ajtz'ib', xaq chkiwach i rachi'il; konojel ike xe'e la pa Jerusalén ru' jun taqanik, xaq xeki'ana k'ax chke, xeki'atij aj Israel chu'anik i chak le.

Esdras 5:1

I profeta chi ma Hageo xaq ma Zacarías, chi uk'ojol ma Iddo, xkib'ij chke aj Judío xaq chke aj Jerusalén wach xya' retamaxik chke rumal i Ajwal chi ki-Dios aj Israel.

Esdras 6:14

Keje uri ile chi aj-atzil ke aj Judío xkijeq chik i chak chrij pacha xkib'ij i profeta, chi ma Hageo xaq ma Zacarías, chi uk'ojol ma Iddo. I rachoch i Dios xutzinik chrij pacha utaqom ub'ixkil i Dios ke aj Israel, xaq chrij pacha utaqom ub'ixkil ma Ciro, ma Darío xaq ma Artajerjes chi je ajawinelab' re i tinimit Persia.

Daniel 9:25

O uchak kawetamaj xaq kata ub'e iri: Lik are kataq uyijb'axik xaq uyakik i tinimit Jerusalén, k'a kupon ni i aj-atzil chi o u'ij xaq ch'ikom rij, kik'aw ni wuqub' seman, pa taq b'e xaq i tapial chi yijb'am chik re i tinimit Jerusalén lik kuch'ij ni keb' oxwinaq (62) seman, xwiri lik che taq ij le lik k'i uyej.

Hageo 1:1

Che ukab' junab' re u'atik tzij re i ajawinel ma Darío, che i nab'e ij re uwaq ik', i Ajwal xub'ij che i profeta Hageo, chi k-e chub'ixkil che i atol tzij re Judá, ma Zorobabel chi uk'ojol i ma Salatiel, xaq che i aj-ok'al utzam ke i ajsujul sipon, ma Josué, uk'ojol ma Josadac.

Hageo 2:15

Yix su' wo'or chijeqa ch'ob'onik chrij iri. Chuxe'el ujeqik uyakik i rachoch i Ajwal,

ZACARÍAS 1:1

Che i uwajxaq ik' re i ukab' junab' re rajawinik i ajawinel ma Darío, i Ajwal xub'ij i tzijoniki che i profeta ma Zacarías, chi uk'ojol ma Berequías xaq i ri umam ma Iddo. Xub'ij che:

Esdras 3:8

Ma Zorobabel chi uk'ojol ma Salatiel, ma Jesúa chi uk'ojol ma Josadac, junam ku' i kachi'il chi je ajsujul sipon xaq je aj Leví, xaq konojel ni'pa i winaq chi xetzalij chik Jerusalén, xkijeq uyakik i rachoch i Dios che ukab' ik' re ukab' junab' ketzalij chik pa Jerusalén, xkiya i chak le pki'ab' aj Leví chi o chik juwinaq junab' chke.

Esdras 4:5

Xwi ta la ile, xaq xkiya mer chke i jujun ajpatanib' re i tinimit, are uri ike le xe'ok chu'atixik wach kich'ob'om te'eq u'anik junam, keje ile xki'an che ronojel i junab' re rajawinik ma Ciro pa tinimit Persia, k'a che rajawinik ma Darío.

Esdras 6:15

I rachoch i Dios xutzin che oxib' ij re i ik' Adar, che uwaq junab' rajawinik ma Darío pa tinimit Persia.

Daniel 11:2

I wo'or kinya retamaxik i saq laj tzij chawe: K'a kerajawin ni pa tinimit Persia oxib' ajawinelab', chrijil ile kk'iji ni che i atb'al tzij jun ukaj ajawinel chi lik mas b'eyom chkiwach i oxib'. I rumal ub'eyomal le kuriq ni nim laj cho'ab', lik kuyijb'a ni ch'oj chrij i ajawinik re i tinimit Grecia.

Hageo 2:18

Wo'or, che ij kajib' juwinaq (24) re ub'elej ik', kojtal chik ukub'ib'al wachoch.