Esdras 4:16 - Wuj Pa K'ubultzij

¹⁶ Rumali chi kqaya retamaxik chawe, Nim laj Winaq, we xetiki chuyijb'axik i tinimit le xaq usutixik rij ru' tapial chi nim uwach, lik ksach uri i ajawinik pkiwi i winaq chi je o chwach ulew chi o pusuk' i qajb'al ij che i raqana Éufrates.

Esdras 4:16 Referans Kwoze

Esdras 4:20

Xaq je ik'awnaq i ajawinelab' pa Jerusalén chi lik ko kiwach, man xki'at tzij pkiwi i jub'an chik tinimit chi o pusuk' i qajb'al ij che i raqana Éufrates, chi kkitoj i jalajuj taq alkawal chke.

1 Reyes 4:24

Man ma Salomón krajawin puwi ronojel ulew chi o puqajb'al ij chila pa Éufrates, kjeqan b'i che i tinimit Tifsa, kupon k'a che i tinimit Gaza, xaq o pkiwi konojel i ajawinelab' re i k'ijib'al le. Ma Salomón lik nti ch'oj xu'an ku' konojel i winaq chi je o chila.

2 Samuel 8:3

I ma David le xaq xuch'ak ma Hadad-ezer chi uk'ojol ma Rehob chi ajawinel pa tinimit Soba, kraj te'eq ire chi krajawin chik puwi i k'ijib'al ipa o wi i raqana Éufrates.

Esdras 4:15

man ktzukux chupam wuj ke i ajawinelab' chi je ik'awnaq nab'e chawach yet, keje ile kawetamaj ni i tinimit le, lik itzel laj tinimit chke i ajawinelab' xaq chke i jub'an chik tinimit, man ike le kimolom chik kib' juyak chu'anik ch'oj chrij i ajawinel, rumali chi xchupsax kiwach.

Esdras 4:17

Are uri i ajawinel ma Artajerjes keje ula'ik uwach iri xutaq b'i che ma Rehum, chi atz laj aj-ok'al utzam i kaj-atzil i achiyab' chi je yij che i ch'oj, che ma Simsai chi ajtz'ib' xaq chke i rachi'il chi je jeqel pa Samaria, xaq che ulew chi o pusuk' i qajb'al ij che i raqana Éufrates: Chik'ama jun rutzil iwach.