Esdras 4:15 - Wuj Pa K'ubultzij

¹⁵ man ktzukux chupam wuj ke i ajawinelab' chi je ik'awnaq nab'e chawach yet, keje ile kawetamaj ni i tinimit le, lik itzel laj tinimit chke i ajawinelab' xaq chke i jub'an chik tinimit, man ike le kimolom chik kib' juyak chu'anik ch'oj chrij i ajawinel, rumali chi xchupsax kiwach.

Esdras 4:15 Referans Kwoze

Esdras 4:12

Kqaya retamaxik chawe, Nim laj Winaq, chi aj Judío, chi xeataq li yet qu' yoj, xeupon pa Jerusalén xaq xe'ok chuyakik itzel laj tinimit le. Ketijin chik chuyakik i tapial nim uwach chrij chwach i tinimit, xaq chuyijb'axik ukub'ib'al ja.

NEHEMÍAS 6:6

chi keje iri kub'ij: “Ketijin i winaq chulapik, xaq keje kub'ij ma Gesem, chi yet xaq aj Israel kixtijin chuch'ob'ik jun qelanik, rumali chi kixtijin chuyijb'axik i tapial chi nim uwach. I tzij chi kkilap i winaq le, ke'eloq chi yet katk'iji ni pkajawinel ike,

NEHEMÍAS 2:19

Xwiri are xketamaj chik ma Sanbalat aj Horón, ma Tobías, chi nim upatan chkixol aj Amón xaq ma Gesem chi aj Arabia, xojkiyo'ya xaq xojkich'amij ru' i tziji: —¿Wach kich'ob' taq u'anik yix? ¿Ich'ob'om wa yix chi kiqel i ajawinel?

2 Reyes 25:4

Are uri xki'an jul chwach taq i tapial nim uwach re i nim laj tinimit. Tupu aj Caldea kisutim rij i tinimit, i ajawinel xaq konojel i achiyab' chi je yij che i ch'oj, xe'anmaj b'i pa nim laj tinimit cha'ab'. Konojel xe'el b'i che uchija chi o chuxol i keb' tapial chi nim uwach, che i b'e chi k-e pa tikonb'al kotz'ij chi o chi rachoch i ajawinel, te'uri xkimaj chub'i jun b'e chi k-e chwa ta'aj Jordán.

2 Reyes 24:20

Rumali i Ajwal lik xpe roywal che i tinimit Jerusalén xaq che i tinimit Judá, rumali xeresaj chwach ire.

Esdras 4:14

Yoj chi oj awajchak, kqaya taj chi we kqajsax taq a'ij ru' ile, rumali chi kqataq b'i utzijol chawe, Nim laj Winaq,

Esdras 4:16

Rumali chi kqaya retamaxik chawe, Nim laj Winaq, we xetiki chuyijb'axik i tinimit le xaq usutixik rij ru' tapial chi nim uwach, lik ksach uri i ajawinik pkiwi i winaq chi je o chwach ulew chi o pusuk' i qajb'al ij che i raqana Éufrates.

Ester 2:23

I tzij le xk'ami upam, are xketamaj chi ile lik qatzij, i keb' aj-atzil le x-at tzij pkiwi chi kejitz'axik. I anik le, lik chwach i ajawinel, xtz'ib'ax chupam i wuj, ipa tz'ib'tal wi ronojel ni'pa kk'ulmax pa tinimit.