Esdras 4:12 - Wuj Pa K'ubultzij

¹² Kqaya retamaxik chawe, Nim laj Winaq, chi aj Judío, chi xeataq li yet qu' yoj, xeupon pa Jerusalén xaq xe'ok chuyakik itzel laj tinimit le. Ketijin chik chuyakik i tapial nim uwach chrij chwach i tinimit, xaq chuyijb'axik ukub'ib'al ja.

Esdras 4:12 Referans Kwoze

Esdras 5:9

Xqatz'onoj chke i rijab' re i jutzob'aj re i Dios chi pachin xetaqaw chuyakik tan chik i rachoch i Dios xaq chuch'uqik rij ru' che'

Esdras 5:3

Xwiri ma Tatnai chi aj-ok'al utzam i tinimit chi o pusuk' i qajb'al ij che i raqana Éufrates, xaq ma Setar-boznai junam ku' i rachi'il, xe'e chub'ixkil chke: “¿Pachin xuya i taqanik chiwe chi kiyak tan chik i rachoch i Diosi xaq kich'uq rij ru' che'? ¿Wach kib'i i winaq chi ketijin tan chik chuyakik i rachoch i Dios?”

SEGUNDO LIBRO DE CR%D3NICAS 36:13

Xwi ta la ile, xaq xuqel i ajawinel ma Nabucodonosor chi usaqim te'eq che pub'i i Dios chi kuya uwach ru'; xaq lik xu'an b'uy che rib' man xraj ti chik utzukuxik i Ajwal chi ki-Dios aj Israel.

1 Tesalonicenses 5:22

Chijek'a iwib' che ni'pa taq i utz taj.

Hechos 24:5

I achi le lik xa ch'oj kutzukuj chqaxol, lik chwach ronojel i jyub' ta'aj, ktijin chpetsaxik ch'oj chkixol aj Judío xaq are ire ajk'amol utzam chke i jutzob'aj winaq chi “aj nazareno”.

Lucas 13:34

—¡To' iwach yix, ix aj Jerusalén! ¡Yet chi keakamsaj i profeta; yet chi kakoj ab'aj chke i ajtaqon re i Dios chi keutaq li awu'! ¡K'iyalmul lik inrayim kimolik i awak'al wu' pacha ku'an jun ati ak' chi keumol i rak'al chuxe' uxik'! Xwiri xawaj taj.

Daniel 9:25

O uchak kawetamaj xaq kata ub'e iri: Lik are kataq uyijb'axik xaq uyakik i tinimit Jerusalén, k'a kupon ni i aj-atzil chi o u'ij xaq ch'ikom rij, kik'aw ni wuqub' seman, pa taq b'e xaq i tapial chi yijb'am chik re i tinimit Jerusalén lik kuch'ij ni keb' oxwinaq (62) seman, xwiri lik che taq ij le lik k'i uyej.

JEREMÍAS 52:3

Rumali i Ajwal xmi' roywal che i tinimit Jerusalén, xaq che i tinimit Judá, rumali xeresaj b'i chwach. Chrijil chik ile i ma Sedequías xuqel i ajawinel re i tinimit Babilonia.

NEHEMÍAS 1:3

Xkib'ij chwe: “I jub'an chi xe'anmaj chwach kelsaxik b'i pa cho'ab' chwach kulew chi xaq xekanaj kan chila chwach ulew pa je o wi, je o chupam jun nim laj k'ax chi lik k'ixb'al. I tapial chi nim uwach chi sutinnaq chrij chwach i tinimit Jerusalén, wulijnaq loq xaq i uchija xek'atik rumal i a'.”

Esdras 4:19

yin xintaq uk'amik upam, are uri xriqtajik chi i tinimit le ujer ki'anom ch'oj chkij i ajawinelab', lik kiyijb'am kib' xaq lik arewi kewalij chu'anik ch'oj.

Esdras 4:15

man ktzukux chupam wuj ke i ajawinelab' chi je ik'awnaq nab'e chawach yet, keje ile kawetamaj ni i tinimit le, lik itzel laj tinimit chke i ajawinelab' xaq chke i jub'an chik tinimit, man ike le kimolom chik kib' juyak chu'anik ch'oj chrij i ajawinel, rumali chi xchupsax kiwach.

2 Reyes 24:1

Che rajawinik ma Joacim, i ma Nabucodonosor, chi ajawinel re i tinimit Babilonia, xumaj kan i tinimit, are uri ma Joacim xk'iji oxib' junab' pu'ab' ma Nabucodonosor le. Xwiri ma Joacim xk'un unojb'al, are uri xqelan che ronojel ni'pa kb'ix che.

2 Reyes 18:20

¿Kach'ob' wa yet chi i chomiq laj taq tzij xaqjun ru' jun utz laj ch'ob'onik re anb'al ch'oj xaq xaqjun ru' i cho'ab'? ¿Pachin wa che akub'am wi ak'ux man kinaqelo?

Ester 3:8

Are uri xub'ij ma Amán che i ajawinel ma Asuero: —Chkixol konojel i tinimit chi kat-ajawin yet puwi, Nim laj Winaq, o jun tinimit chi ki'anom kib' chke jub'an chik, o ki'atb'al tzij junwi chwach jub'an chik tinimit, ike le kekojon ti che ataqanik yet, Nim laj Winaq. Rumali kmajaw taj chi kejeqi chkixol i tinimit chi kat-ajawin yet pkiwi.

Daniel 3:8

Jujun chke aj Caldea lik xkiriq u'anik che i ij le, re xkikoj kimak aj Judío chwach i ajawinel ma Nabucodonosor,

NEHEMÍAS 6:6

chi keje iri kub'ij: “Ketijin i winaq chulapik, xaq keje kub'ij ma Gesem, chi yet xaq aj Israel kixtijin chuch'ob'ik jun qelanik, rumali chi kixtijin chuyijb'axik i tapial chi nim uwach. I tzij chi kkilap i winaq le, ke'eloq chi yet katk'iji ni pkajawinel ike,