Esdras 3:9 - Wuj Pa K'ubultzij

⁹ Ma Jesúa junam ku' uk'ojol, ku' i ratz ucha', xki'an jun tzob'aj che kib' ru' ma Cadmiel junam ku' i rak'al chi je umuq uxikin ma Judá xaq ku' uk'ojol, i ratz ucha' xaq je umuq uxikin ma Henadad chi je aj Leví; ike le are je aj-ok'al utzam chke ni'pa kechakun prachoch i Dios.

Esdras 3:9 Referans Kwoze

Esdras 2:40

I aj Leví chi je umuq uxikin ma Jesúa, ma Cadmiel xaq je umuq uxikin ma Hodavías, je kajlajuj oxwinaq (74).

NEHEMÍAS 7:43

I aj Leví chi je umuq uxikin ma Jesúa xaq re ma Cadmiel, chi xaq je umuq uxikin ma Hodavías, je kajlajuj oxwinaq (74).

Esdras 3:8

Ma Zorobabel chi uk'ojol ma Salatiel, ma Jesúa chi uk'ojol ma Josadac, junam ku' i kachi'il chi je ajsujul sipon xaq je aj Leví, xaq konojel ni'pa i winaq chi xetzalij chik Jerusalén, xkijeq uyakik i rachoch i Dios che ukab' ik' re ukab' junab' ketzalij chik pa Jerusalén, xkiya i chak le pki'ab' aj Leví chi o chik juwinaq junab' chke.

PRIMER LIBRO DE CR%D3NICAS 23:4

Chkixol ike le xe'ul oxchiy (24,000) achiyab' chi kkok'aj utzam i chak re i rachoch i Dios; jo'lajujmo' (6,000) chi je aj-atzil xaq je aj-atol tzij;

SEGUNDO LIBRO DE CR%D3NICAS 34:12

I achiyab' le lik ru' ronojel kik'ux kki'an kichak; i kok'aw utzam i chak le je aj Leví are ma Jahat xaq ma Abdías, chi je umuq uxikin ma Merari, i ma Zacarías xaq ma Mesulam, chi umuq uxikin ma Coat. I aj Leví lik kkiriq i ojmanik xaq o jujun chke je are aj-atzil chke aj-eqan xaq chke i tijonelab' re i chak, xaq chkixol aj Leví je o ajtz'ib', aj-ok'al utzam i jalajuj taq tinimit xaq je chajal.

NEHEMÍAS 3:24

I juperaj chik che i tapial xuyijb'a ma Binúi, chi uk'ojol ma Henadad, xjeqan b'i che i rachoch ma Azarías xupon k'a pa ko'kik.