Esdras 3:8 - Wuj Pa K'ubultzij

⁸ Ma Zorobabel chi uk'ojol ma Salatiel, ma Jesúa chi uk'ojol ma Josadac, junam ku' i kachi'il chi je ajsujul sipon xaq je aj Leví, xaq konojel ni'pa i winaq chi xetzalij chik Jerusalén, xkijeq uyakik i rachoch i Dios che ukab' ik' re ukab' junab' ketzalij chik pa Jerusalén, xkiya i chak le pki'ab' aj Leví chi o chik juwinaq junab' chke.

Esdras 3:8 Referans Kwoze

Esdras 4:3

Xwiri ma Zorobabel, ma Jesúa xaq i aj-atzil ke alk'uwal aj Israel, xkib'ij chke: —Kmajaw taj chi kojito chuyakik i rachoch i Ajwal Dios. Yoj rajwaxik qatukel kojyakaw ni rachoch i Ajwal, chi ki-Dios aj Israel, man keje ile xub'ij ma Ciro chqe, chi ajawinel re i tinimit Persia.

PRIMER LIBRO DE CR%D3NICAS 23:4

Chkixol ike le xe'ul oxchiy (24,000) achiyab' chi kkok'aj utzam i chak re i rachoch i Dios; jo'lajujmo' (6,000) chi je aj-atzil xaq je aj-atol tzij;

NÚMEROS 4:3

chakojo pajil ni'pa o chik lajuj juwinaq (30) junab' chke k'a che i lajuj kawinaq (50) junab' chi lik ketiki chu'anik i chak pa ja re riqb'al ib' ru' i Dios.

Esdras 3:2

Are uri ma Jesúa, chi uk'ojol ma Josadac, xaq i je rachi'il chi ajsujul sipon junam ru' ma Zorobabel, chi uk'ojol ma Salatiel, xaq i rachalal, xkijeq uyijb'axik i sujb'al usipon i Dios aj Israel, man puwi kkisujuj wi i porom sipon, chrij pacha kub'ij u'atb'al tzij ma Moisés chi rajpatan i Dios.

Esdras 5:16

Keje uri ile chi are xupon ma Sesbasar, xukoj ukub'ib'al i rachoch i Dios pa Jerusalén; che i ij le xjeqan uyakik xwiri k'amaja kutzinik.

ZACARÍAS 4:9

“I ma Zorobabel ukojom ukub'ib'al i rachoch i Ajwali, xaq lik are ire kuk'is ni uyijb'axik,” kub'ij i Ajwal. Keje uri ile kiwetamaj ni yix chi are i Ajwal chi ronojel ktiki che inutaqom loq.

ZACARÍAS 6:12

I chab'ij che: I Ajwal chi ronojel ktiki che kub'ij, i achi chi ulum kb'ix che, chi kalax tan chik che i ra' xaq kuyak tan chik i rachoch i Ajwal.

PRIMER LIBRO DE CR%D3NICAS 3:17

I je umuq uxikin ma Jeconías chi xelsax b'i chwach rulew je are iri: Ma Salatiel chi are nab'e rak'al,

Esdras 4:24

Keje uri ile chi xch'aqi uyakik i rachoch i Dios chila pa Jerusalén k'a che ukab' junab' rajawinik ma Darío chi ajawinel pa Persia.

Esdras 5:2

Are uri ma Zorobabel, chi uk'ojol ma Salatiel, xaq ma Jesúa, chi uk'ojol ma Josadac, xe'ok chik chuyakik i rachoch i Dios pa Jerusalén xaq i je profeta je o ku' chkito'ik.

Esdras 10:18

I ajsujul sipon chi xeriqtajik chi je k'ulinaq ku' ixoqib' chi kach tinimit taj, je are iri: Chke umuq uxikin ma Jesúa, chi uk'ojol ma Josadac, xaq i rachalal, je are: Ma Maasías, ma Eliezer, ma Jarib, xaq ma Gedalías;

Hageo 1:1

Che ukab' junab' re u'atik tzij re i ajawinel ma Darío, che i nab'e ij re uwaq ik', i Ajwal xub'ij che i profeta Hageo, chi k-e chub'ixkil che i atol tzij re Judá, ma Zorobabel chi uk'ojol i ma Salatiel, xaq che i aj-ok'al utzam ke i ajsujul sipon, ma Josué, uk'ojol ma Josadac.