Esdras 3:2 - Wuj Pa K'ubultzij

² Are uri ma Jesúa, chi uk'ojol ma Josadac, xaq i je rachi'il chi ajsujul sipon junam ru' ma Zorobabel, chi uk'ojol ma Salatiel, xaq i rachalal, xkijeq uyijb'axik i sujb'al usipon i Dios aj Israel, man puwi kkisujuj wi i porom sipon, chrij pacha kub'ij u'atb'al tzij ma Moisés chi rajpatan i Dios.

Esdras 3:2 Referans Kwoze

Lucas 3:27

i ma Judá are uk'ojol i ma Joana, i ma Joana are uk'ojol i ma Resa, i ma Resa are uk'ojol i ma Zorobabel, i ma Zorobabel are uk'ojol i ma Salatiel, i ma Salatiel are uk'ojol i ma Neri,

Hageo 1:1

Che ukab' junab' re u'atik tzij re i ajawinel ma Darío, che i nab'e ij re uwaq ik', i Ajwal xub'ij che i profeta Hageo, chi k-e chub'ixkil che i atol tzij re Judá, ma Zorobabel chi uk'ojol i ma Salatiel, xaq che i aj-ok'al utzam ke i ajsujul sipon, ma Josué, uk'ojol ma Josadac.

PRIMER LIBRO DE CR%D3NICAS 3:17

I je umuq uxikin ma Jeconías chi xelsax b'i chwach rulew je are iri: Ma Salatiel chi are nab'e rak'al,

ZACARÍAS 6:11

Ru' i an-o'oj xaq i saq-o'oj chi xamolo, cha'ana k'iyal taq koron che, i chakojo jun che ujolom i ma Josué chi atz laj ajsujul sipon, chi uk'ojol i ma Josadac.

ZACARÍAS 3:8

Chata ub'e ma Josué, yet chi are at atz laj ajsujul sipon, xaq chkita ni awachi'il chi jutzob'aj ajsujul sipon, man iwonojel yix ix keje pacha jun ilb'al re k-on panoq: Kink'am na li wajpatan chi in-ulum.

ZACARÍAS 3:1

Te'uri i Ajwal xuk'ut ma Josué chwe che jun ilanik pa wachij, chi kaj-atzil i ajsujul sipon, tak'al chwach i ángel re i Ajwal. Puwiqab'im i ma Josué o i ángel chi ajkojol mak, chi lik xuyijb'a rib' chukojik umak.

Hageo 2:23

Che i ij le, ma Zorobabel, at wajpatan katinchajij na, pacha i b'aq re uwi in-ab' man Yin at in ulum. Yin in Ajwal chi Ronojel Kintiki Che xinb'ij ile.

Hageo 2:21

xutaq chub'ixkil chi kub'ij che i ma Zorobabel aj-ok'al utzam i jalajuj taq tinimit pa Judá: Yin kin-an ni che i kaj xaq i ulew chi keyikyatik;

Hageo 1:14

Keje uri ile, i Ajwal xuya ukowil uk'ux ma Zorobabel, chi aj-atol tzij re i Judá, ma Josué chi aj-atzil ke ajsujul sipon, xaq i winaq chi je kanajnaq kanoq, che i ij kajib' juwinaq re uwaq ik' re ukab' junab' re rajawinik i ajawinel ma Darío, xkijeq tan chik uyakik i rachoch i Ajwal Dios, i Ajwal chi ronojel ktiki che.

Hageo 1:12

I ma Zorobabel, ma Josué xaq i winaq chi je kanajnaq chila lik xkixij kib' are xkita wach kub'ij i Ajwal chke pub'i i profeta ma Hageo, iri are i tzij chi Ajwal Dios uya'om te chuqul ub'ixkil.

Salmos 78:68

Are xucha are utzob'ajil ma Judá, xaq i jyub' Sion chi lik k'ax kuna'o.

NEHEMÍAS 12:8

I aj Leví je are iri: Ma Jesúa, ma Binúi, ma Cadmiel, ma Serebías, ma Judá xaq ma Matanías, ike le je are keok'aw utzam i b'ix junam ku' i ratz ucha';

NEHEMÍAS 12:1

Iri are ajsujul sipon xaq aj Leví chi xetzalij li ru' ma Zorobabel, chi uk'ojol ma Salatiel, xaq ru' ma Jesúa: Chke ajsujul sipon, je are iri: Ma Seraías, ma Jeremías, ma Esdras,

SEGUNDO LIBRO DE CR%D3NICAS 6:6

Xwiri xin-ul i tinimit Jerusalén man kjeqi inb'i chila, xaq xin-ul ma David man ku'at tzij puwi intinimit Israel.”

PRIMER LIBRO DE CR%D3NICAS 3:19

I je rak'al ma Pedaías je are iri: Ma Zorobabel xaq ma Simei. I je rak'al ma Zorobabel je are iri: Ma Mesulam, ma Hananías xaq ati Selomit chi kanab' ike.

ÉXODO 27:1

Cha'ana jun porb'al sipon, che' suj kakoj che, jun xik'ab' ru' keb' ripaj ab'aj kaya che i raqan xaq keje ile kaya che uwach, unajtil rij oxib' mejelik ch'uk kaya che.

Esdras 3:8

Ma Zorobabel chi uk'ojol ma Salatiel, ma Jesúa chi uk'ojol ma Josadac, junam ku' i kachi'il chi je ajsujul sipon xaq je aj Leví, xaq konojel ni'pa i winaq chi xetzalij chik Jerusalén, xkijeq uyakik i rachoch i Dios che ukab' ik' re ukab' junab' ketzalij chik pa Jerusalén, xkiya i chak le pki'ab' aj Leví chi o chik juwinaq junab' chke.

Esdras 5:2

Are uri ma Zorobabel, chi uk'ojol ma Salatiel, xaq ma Jesúa, chi uk'ojol ma Josadac, xe'ok chik chuyakik i rachoch i Dios pa Jerusalén xaq i je profeta je o ku' chkito'ik.

GÉNESIS 12:7

I Ajwal chila xuk'ut wi rib' che ma Abram xaq xub'ij che: “Chke amuq axikin kinya wi ulewi.” Are uri ma Abram xuyijb'a jun sujb'al sipon chila, re kojb'al u'ij i Ajwal man chila xuk'ut wi rib' che.

NÚMEROS 28:2

Chab'ij chke aj Israel chi kkimayij ti usujuxik kisipon chinwach pacha usuk' chi are i lejom wa re trigo xaq i porom sipon che i jalajuj taq nima'ij, man i sipon le are jun sipon re umuyal uk'ok'al chwe yin.

Jueces 6:24

Are uri ma Gedeón xuyijb'a jun sujb'al sipon chila kojb'al u'ij i Ajwal xaq xuya pub'i “Ajwal are chomb'al ib'”. I sujb'al sipon le k'a o chila pa tinimit Ofra ipa je o wi i ralk'uwal ma Abiezer.

PRIMER LIBRO DE CR%D3NICAS 23:14

I ma Moisés, chi rajpatan i Dios, xaq i je umuq uxikin xekoj pajil chkixol aj Leví.

Esdras 10:18

I ajsujul sipon chi xeriqtajik chi je k'ulinaq ku' ixoqib' chi kach tinimit taj, je are iri: Chke umuq uxikin ma Jesúa, chi uk'ojol ma Josadac, xaq i rachalal, je are: Ma Maasías, ma Eliezer, ma Jarib, xaq ma Gedalías;

Esdras 10:20

I je umuq uxikin ma Imer chi je k'ulinaq ku' ixoqib' chi kach tinimit taj, je are ma Hanani xaq ma Zebadías.

Esdras 10:21

I je umuq uxikin ma Harim chi je k'ulinaq ku' ixoqib' chi kach tinimit taj, je are: Ma Maasías, ma Elías, ma Semaías, ma Jehiel xaq ma Uzías.

Esdras 10:22

I je umuq uxikin ma Pasur chi je k'ulinaq ku' ixoqib' chi kach tinimit taj, je are: Ma Elioenai, ma Maasías, ma Ismael, ma Natanael, ma Jozabad, xaq ma Elasa.