Esdras 10:9 - Wuj Pa K'ubultzij

⁹ Rumali konojel i achiyab' re utzob'ajil ma Judá xaq utzob'ajil ma Benjamín xkimol kib' pa Jerusalén che i ij juwinaq che ub'elej ik', ke'eloq chi che oxib' ij. Konojel ike le xekub'i chwaja re i rachoch i Dios, lik keb'arb'at rumal kixib'rikil rumal usuk' i moloj ib' xaq rumal i jab' chi ktijinik.

Esdras 10:9 Referans Kwoze

JEREMÍAS 10:13

Ru' uch'awb'al i jab' chikaj chi kwululik, ku'ano chi kewalij b'i i sutz' k'a chi taq uchi' jyub' ta'aj, ku'ano chi kreplaj utzunb'al i ray chupam i jab' xaq kresaj li tew ipa uk'olom wi.

JEREMÍAS 10:10

I Ajwal are i saqil laj Dios, are i k'aslik Dios, are i Ajawinel ronojel ij saq. Are kpe roywal lik kyikyat ulew rumal, i nimaq taq tinimit ketiki ti chu'atixik i roywal.

Ester 2:16

I al Ester xk'am b'i pa nim laj rachoch i ajawinel ma Asuero, man kuk'utu rib' chwach che i lajuj ik', chi xaq Tebet ub'i, are o chik uwuq junab' che rajawinik.

Esdras 9:4

Konojel ni'pa kkixij kib' che i tojb'al mak chi kuya ki-Dios aj Israel rumal i mak atzalal ke i jub'an chi xetzalij chaloq man je elsam te b'i pa cho'ab' chwach kulew, lik xkiya kiwach wu' yin, xwiri yin xinwalij ti che ink'ijib'al rumal i k'ax che i wanima k'a xuriqa ni or re i porb'al sipon re uqajb'al ij.

Esdras 10:3

Wo'or kqaya qib' chu'anik pacha urayijb'al i Ajwal, cheqataqa b'i qixoqil chi qach tinimit taj junam ku' i kak'al, keje ile k-antaj na pacha kub'ij i atb'al tzij, keje pacha yet xaq pacha konojel ni'pa kekojon che utzij upixab' i Ajwal chi kojupixb'aj.

Esdras 10:8

Pachin jun chi kupon ti che i moloj ib' le are kk'is oxib' ij chi yatalik re kuponik, kmaj ni uri rulew che xaq kelsax b'i chkixol konojel chi xetzalij chaloq man je elsam te b'i pa cho'ab' chwach kulew; keje ile xkib'ij i aj-atzil xaq je ajpixb'anel.

Esdras 10:10

Are uri i ma Esdras, chi ajsujul sipon, xtak'i' anoq xaq xub'ij: —Yix xixmakunik man xixk'uli ku' ixoqib' chi iwach tinimit taj ru' i xi'ano le xitz'ab'ij umak i tinimit Israel.

JEREMÍAS 36:22

Che taq i ij le are i ub'elej ik', i ajawinel o chupam i tasaj re i ja re i alaj, chwach jun yab'al a'al chi kwon a' che.