Esdras 1:8 - Wuj Pa K'ubultzij

⁸ Ma Ciro xujach che ma Mitrídates chi ajk'olon mer, i ma Mitrídates le are xutzin chrajlaxik i mer le, xujach che ma Sesbasar chi are Aj-ok'al utzam i tinimit Judá.

Esdras 1:8 Referans Kwoze

Esdras 5:14

Xaq xkib'ij chqe: Chi i ajawinel ma Ciro xresaj li ronojel ni'pa chapanb'al an-o'oj xaq saq-o'oj prachoch utiox ma Nabucodonosor chi xrel-aj li prachoch i Dios chila Jerusalén, xujach pu'ab' ma Sesbasar, chi uya'om kan pa aj-ok'al utzam i tinimit.

Hageo 1:14

Keje uri ile, i Ajwal xuya ukowil uk'ux ma Zorobabel, chi aj-atol tzij re i Judá, ma Josué chi aj-atzil ke ajsujul sipon, xaq i winaq chi je kanajnaq kanoq, che i ij kajib' juwinaq re uwaq ik' re ukab' junab' re rajawinik i ajawinel ma Darío, xkijeq tan chik uyakik i rachoch i Ajwal Dios, i Ajwal chi ronojel ktiki che.

Hageo 1:1

Che ukab' junab' re u'atik tzij re i ajawinel ma Darío, che i nab'e ij re uwaq ik', i Ajwal xub'ij che i profeta Hageo, chi k-e chub'ixkil che i atol tzij re Judá, ma Zorobabel chi uk'ojol i ma Salatiel, xaq che i aj-ok'al utzam ke i ajsujul sipon, ma Josué, uk'ojol ma Josadac.

Esdras 5:16

Keje uri ile chi are xupon ma Sesbasar, xukoj ukub'ib'al i rachoch i Dios pa Jerusalén; che i ij le xjeqan uyakik xwiri k'amaja kutzinik.

Esdras 1:11

I an-o'oj xaq saq-o'oj chi xmoltajik ronojel lajujwinaq oxlajujmo' (5,400) Ronojel ile xuk'am b'i ma Sesbasar pa Jerusalén are xtzalij li pa Babilonia junam ku' aj Israel chi k'iyal junab' xkich'ij chila pa Babilonia man je elsam b'i pa cho'ab' pa kulew.

JEREMÍAS 51:44

Kinya ni utojb'alil che i dios Bel pa Babilonia, kin-an ni che chi kuxab'uj na li utijom b'ik, xaq lik mijun chke i nimaq taq tinimit ktzalij chal chutzukuxik. ¡Ya xetzaq i tapial re Babilonia!

Esdras 5:2

Are uri ma Zorobabel, chi uk'ojol ma Salatiel, xaq ma Jesúa, chi uk'ojol ma Josadac, xe'ok chik chuyakik i rachoch i Dios pa Jerusalén xaq i je profeta je o ku' chkito'ik.