Esdras 1:7 - Wuj Pa K'ubultzij

⁷ I ajawinel chi ma Ciro xujach ronojel ni'pa i chapanb'al re i rachoch i Ajwal chi uk'amom b'i ma Nabucodonosor, chi xeuya chila prachoch i jalajuj taq udios.

Esdras 1:7 Referans Kwoze

SEGUNDO LIBRO DE CR%D3NICAS 36:7

I ma Nabucodonosor le xuk'am b'i keb' oxib' che i chapanb'al re i rachoch i Ajwal, xuya prachoch ire chila pa Babilonia.

Esdras 6:5

Ronojel ni'pa i chapanb'al chi an-o'oj xaq saq-o'oj re i rachoch i Dios, chi xrel-aj li ma Nabucodonosor chila Jerusalén, chi xuk'am li pa Babilonia, chejach ni chik chila pa Jerusalén xaq chya' ni chik prachoch i Dios chila ipa xk'am wi. Keje ile kub'ij i wuj.”

Esdras 5:14

Xaq xkib'ij chqe: Chi i ajawinel ma Ciro xresaj li ronojel ni'pa chapanb'al an-o'oj xaq saq-o'oj prachoch utiox ma Nabucodonosor chi xrel-aj li prachoch i Dios chila Jerusalén, xujach pu'ab' ma Sesbasar, chi uya'om kan pa aj-ok'al utzam i tinimit.

2 Reyes 24:13

Chrijil chik ile, ma Nabucodonosor xresaj li ronojel ni'pa i b'eyomal chi o prachoch i Ajwal, xaq ni'pa o pa nim laj rachoch i ajawinel, lik x-antajik chrij pacha ub'im i Ajwal, man xupaxij ronojel ni'pa i b'iroxik an-o'oj chi xu'an ma Salomón, chi ajawinel aj Israel, re i rachoch i Ajwal.

SEGUNDO LIBRO DE CR%D3NICAS 36:10

Che i nab'e taq ij re i junab' le, ma Nabucodonosor chi ajawinel pa Babilonia, xutaq uk'amik b'i ma Joaquín junam ru' i jalajuj taq chapanb'al re i rachoch i Ajwal chi lik paqal rajil; are uri xuya kan ma Sedequías, chi ucha' ma Joaquín, pa ajawinel chila Judá xaq Jerusalén.

Daniel 5:23

Xwiri yet, Nim laj Winaq, aqelom i Ajwal aj chikaj, ataqom uk'amik i tu'b'al xaq i xar re prachoch i Ajwal, aya'om chwach i mexa, junam ku' je asik'im, atu'um i uwa'al uva muqb'am chupam i tu'b'al le, xaq akojom ki'ij i dios chi antal che anpwaq, saqpwaq, anch'ich', ch'ich', che' xaq i ab'aj; tiox chi ketzun taj, ketan taj xaq lik nti o keta'am. Xwiri, akojom ti u'ij i Dios chi pu'ab' Ire o wi ak'aslemal yet, Nim laj Winaq, chi xaq che Ire kpe wi ni'pa taq i ka'ano.

Daniel 1:2

I Ajwal xuya che i ma Nabucodonosor chi kuchap b'i ma Joacim, chi xaq ktzaq ni pu'ab' k'iyal taq chapb'al re prachoch i Ajwal. Ma Nabucodonosor xeuk'am b'i ajprexil pa Sinar, xaq xuya ni'pa taq i chapb'al chi lik o u'ij chupam i rachoch utiox chi xaril je antalik;

SEGUNDO LIBRO DE CR%D3NICAS 36:18

Ronojel ni'pa i chapanb'al re i rachoch i Dios, nimaq chi ch'utiq, b'eyomal re i rachoch i Dios, re i ajawinel xaq ke i rajpatanib', is ronojel xuk'am b'i ajawinel aj Caldea chila pa Babilonia.

JEREMÍAS 51:44

Kinya ni utojb'alil che i dios Bel pa Babilonia, kin-an ni che chi kuxab'uj na li utijom b'ik, xaq lik mijun chke i nimaq taq tinimit ktzalij chal chutzukuxik. ¡Ya xetzaq i tapial re Babilonia!