ECLESIASTÉS 4:14 - Wuj Pa K'ubultzij

^14-15 Tupu i ala relik loq prexil lik juntir krajawin na puk'exel i jun ajawinel le, tupu lik nib'a' te'eq wo'or lik ajawinel. Wilom chi konojel ni'pa i winaq chi je o chwach i jyub' ta'aj lik kkito.

ECLESIASTÉS 4:14 Referans Kwoze

GÉNESIS 41:14

Are uri ma faraón xutaq usik'ixik a José rumali juntir xkesaj li prexil. I a José le xresaj uwi, xujalwachij li u'u' te'uri xpe chwach ma faraón.

Job 5:11

ire kunimarsaj ki'ij i ajaj laj taq winaq, xaq keuto ni'pa je o pa k'ax;

Daniel 4:31

K'a ktijin i ajawinel che i lapanik are xtataj jun ch'awb'al chikaj, chi xub'ij: Chata iri ajawinel ma Nabucodonosor. I awajawinik, chi kk'is wi;

Lamentaciones 4:20

Lik xtzaq prexil i jun chi u'ulum i Ajwal, chi are kuya te'eq quxlab' re qak'aslemal, are i ajawinel chi xqab'ij te'eq chiwe: “Chi lik che umujal kojtotaj wi chkixol i tinimit.”

2 Reyes 25:7

Lik chwach ma Sedequías xtaq uworik pkiqul i rak'al, xaq ire xtaq relsaxik ub'a'wach che, te'uri xtaq uyut'ik ru' karena k'amb'al b'i re pa tinimit Babilonia.

2 Reyes 24:12

Are uri ma Joaquín, chi ajawinel aj Judá, junam ru' uchuch xaq i je rajpatan, je unimaqil xaq i achiyab' chi kul k'uxij chke, xkijach kib' pu'ab' i ajawinel aj Babilonia, chrijil chik ile i ajawinel le xeuk'am b'i prexil. Ile xuk'ulmaj che uwajxaqib' junab' rajawinik ma Nabucodonosor.

2 Reyes 24:6

Chrijil ukamik ma Joacim xkanaj uk'ojol puk'exel chi a Joaquín.

1 Samuel 2:8

I Ajwal kresaj li nib'a'ib' puk'aj ulew, xaq kresaj li ktz'onow mer pa k'aqb'al tz'il man kk'iji ni chkixol i winaq chi o ki'ij; xaq kukub'a ni che jun k'ijib'al chi o u'ij man i Ajwal are ire rajaw uxeb'al ulew xaq puwi uxeb'al le xukub'a wi jyub' ta'aj.