ECLESIASTÉS 3:6 - Wuj Pa K'ubultzij

⁶ Jun jo'taj tan re i tzukunik xaq jun jo'taj tan re i sachanik. Jun jo'taj tan re i k'olonik xaq jun jo'taj tan re i k'aqanik.

ECLESIASTÉS 3:6 Referans Kwoze

Hechos 27:19

Churox ij, ike xkik'aq b'i chwi i ya i jalajuj taq b'iroxik chi xel che i barco, pacha taq la i laso xaq i k'am.

Hechos 27:38

Are kojtijin chwa'im, xqatijo ni'pa i rajwaxik chqe, are xkelej wa'im are uri xe'ok chuk'aqik b'i i trigo pa ya, ob'sab'al ralil i barco.

Mateo 19:29

Konojel ni'pa i ko'tam kan ub'itaq ke wumal Yin, nim ni kkich'ak puwi ile. We o jun ukanam kan rachoch, o we ratz ucha', o we ranab', o we uchuch uqajaw, o we ukanam kan rixoqil, o we rak'al, o we rulew xa wumal Yin, nim i kuch'ak na. Kya' ni uri jo'winaq (100) che puwi ni'pa ile chi xa jun o te'eq ru', xaq kya' jun uk'aslemal chi nti uk'isik.

ECLESIASTÉS 11:1

Chak'aqa b'i awa pa ya, man k-on panoq keariqa chik.

Salmos 112:9

Kujach ub'eyomal chke i nib'a'ib'; u'atb'al tzij k-e ij saq chrij, xaq i u'ij lik arewi knimarsax na.

2 Reyes 5:26

I ma Eliseo xub'ij chik che: —Are xqaj li ma Naamán chupam uch'ich' chak'ulaxik, chila o wi wanima yin chrilik ronojel. Xwiri wo'or, are ti or iri chi kqak'am taq saqpwaq, molaj k'ul, ulo'ik ulew, ulo'ik tikb'al uva, ulo'ik chij, ulo'ik b'oyexab', ulo'ik ajtaqon achiyab' xaq ajtaqon ixoqib'.

JONÁS 1:5

I ajchakib' re i barco lik xkixij kib', chkijujunal xe'ok chutz'onoxik che i ki-dios. Pa k'isb'al re, xkik'aq b'i ronojel i eqan pa mar keje ile mas kb'in i barco. Tz'aqat ma Jonás, qajnaq b'i chupam i k'olb'al b'iroxik chupam i barco, chila xkanaj wi lik kwarik.

ISAÍAS 2:20

Che taq i ij le i winaq kkik'aq nu b'i kitiox chkiwach i ch'o xaq chkiwach i sotz', je are i tiox chi lik an-o'oj xaq i saq-o'oj chi je are ike je anawnaq re kkikoj ki'ij.

2 Reyes 8:9

Ma Hazael x-e chrilik i profeta xaq xuk'am b'i sipon chi lik are i chomiq taq uwach tikon chila pa tinimit Damasco. Ronojel ile xuya b'i chkij kawinaq (40) kamey; are xuponik, xub'ij che: —Ma Ben-adad, chi ajawinel re i tinimit Siria, keje iri kub'ij: “Yet at pacha jun qajawxel che ire, xaq kraj kutz'onoj chawe we k'a o uk'aslemal rumal i yob'il chi o che, o kkamik.”

2 Reyes 7:15

Are uri ike xeterej b'i chrij kaqanb'al aj Siria, k'a chila che i raqana Jordán. Are uri xkilo chi ronojel pa taq b'e k'aqtal kan k'ul xaq jalajuj taq b'iroxik chi kik'aqom kan aj Siria are xe'anmaj b'i pa'anem. Chrijil chik ile te'uri xetzalij li achiyab' le xekib'ij che i ajawinel ronojel ni'pa xkilo.

ECLESIASTÉS 3:5

Jun jo'taj tan re i ukichkaxik b'i ab'aj xaq jun jo'taj tan re i ut'ub'axik uchi' i ab'aj. Jun jo'taj tan re i tz'ulenik xaq jun jo'taj tan re i o'tanik ib'.

ECLESIASTÉS 3:7

Jun jo'taj tan re i raqch'inik xaq jun jo'taj tan re i t'isanik. Jun jo'taj tan re nti ch'awik xaq jun jo'taj tan re i ch'awik.