ECLESIASTÉS 3:5 - Wuj Pa K'ubultzij

⁵ Jun jo'taj tan re i ukichkaxik b'i ab'aj xaq jun jo'taj tan re i ut'ub'axik uchi' i ab'aj. Jun jo'taj tan re i tz'ulenik xaq jun jo'taj tan re i o'tanik ib'.

ECLESIASTÉS 3:5 Referans Kwoze

2 Reyes 3:25

Te'uri xkiwulijsaj ronojel i jalajuj taq tinimit, xkinojsaj che ab'aj ronojel uwach ulew ipa ketikan wi, xkitz'apij ronojel i ralaxb'al ya xaq xkik'atzij ronojel i che' chi kuya uwach. Xwi xkanaj kan i tinimit chi Kir-hareset ub'i. Xwiri jub'an ajk'aqol ab'aj, xkisutij rij i tinimit le xaq xkisachsaj uwach.

JOSUÉ 10:27

Are xtzaq b'i ij, ma Josué xutaq uqajsaxik kich'akul i ajawinelab', te'uri xekik'aqa chupam i pek, ipa xkuwaj wi te'eq kib'. Are uri xkitz'apij uchi' i pek ru' nimaq taq ab'aj, chi k'a o chila wo'or.

Joel 2:16

chimolo uchi' i tinimit re i Dios, chi'ana ch'am chke; chimolo kichi' i rijab', i ak'alab' xaq keje ne i ak'alab' chi k'a ketz'umanik. ¡Xaq keje ne i k'ate je k'ulinaq che'el li pa kiwarb'al!

ÉXODO 19:15

I ma Moisés xub'ij chke i winaq: —Chiyijb'a iwib' re purox ij, mimin iwib' ru' iwixoqil.

1 Corintios 7:5

Xwiri utz taj we o taq jun kub'ij che i rachi'il chi kraj taj kki'an urayijb'al i kich'akul xwiri utz we kkich'ob'o kkimayij jub'i' man kkaj kkiya kib' che i lapanik ru' i Dios. Ile utz, xwiri xa attal ij. Te'uri chki'ana tan chik urayijb'al i kich'akul man moqxa itzel k-on chke chi kemakunik.

ECLESIASTÉS 3:4

Jun jo'taj tan re i o'ej xaq jun jo'taj tan re i tzej. Jun jo'taj tan re i k'ijilem pa b'is xaq jun jo'taj tan re i k'ijilem pa nima'ij.

ECLESIASTÉS 3:6

Jun jo'taj tan re i tzukunik xaq jun jo'taj tan re i sachanik. Jun jo'taj tan re i k'olonik xaq jun jo'taj tan re i k'aqanik.