ECLESIASTÉS 12:7 - Wuj Pa K'ubultzij

⁷ Chrijil chik ile i uk'aj ulew ktzalij chik che ulew pacha u'anom te ax wi, xaq i qanima ktzalij chik ru' i Dios chi are Ire yawnaq loq.

ECLESIASTÉS 12:7 Referans Kwoze

Daniel 12:2

K'i chke i kewarik chi je muqtal pulew, kk'un ni saq chkiwach: Jujun chke re k'aslemal chi nti uk'isik, i jub'an chik re k'ixb'alil xaq re xib'in ib' ronojel ij saq.

Salmos 146:4

Man i winaq le are kkamik ktzalij chik puk'aj ulew, xaq lik che i ij le, ksach uwach ronojel uch'ob'onik.

ZACARÍAS 12:1

Iri are jun tzijonik re i Ajwal chrij i tinimit Israel. I Ajwal chi u'anom i kaj, xaq uya'om ukub'ib'al i ulew, xaq uya'om uk'aslemal i winaq, kub'ij:

GÉNESIS 3:19

Kturuw ni ak'atanal chuch'akik awa ronojel ij re ak'aslemal, k'a are kat-on chik ulew, man xa at uk'aj ulew rumali puk'aj ulew kattzalij wi chik. Keje ile xub'ij i Dios che achi.

GÉNESIS 2:7

Are uri i Ajwal Dios xuk'am uk'aj ulew xu'an jun achi che, xuxut'ij ruxlab' putzam i achi yab'al uk'aslemal; keje uya'ik uk'aslemal i achi ile.

ISAÍAS 57:16

Lik arewi taj kinkoj umak intinimit, xaq ronojel ti ij kinoywarik, man we kin-an ile chke i winaq chi je in-anom, kqaj kik'ux chinwach yin.

NÚMEROS 16:22

Xwiri ma Moisés xaq ma Aarón le xexuki'ik, xkiqajsaj kipalaj k'a chwach ulew, xkib'ij: —¡Ajwal Dios! Yet chi kaya kik'aslemal konojel i winaq ¿Kpe b'a awoywal chke konojel i winaq xa rumal umak jun?

Salmos 90:3

Ka'an che i winaq chi ktzalij chik che uk'aj ulew, are kab'ij keje iri: ¡Chixtzalij chik che uk'aj ulew, yix chi ix winaq!

Job 20:11

Lik puk'ak'alil xaq lik k'a o ucho'ab' are kqaj xejul.

NÚMEROS 27:16

—Ajwal Dios, yet chi kaya kik'aslemal konojel i winaq, chatzukuj jun aj-atzil chi kuk'am b'i b'e chkiwach atinimit, man keje ile xaipa ke'e wi, o jun ajk'amol b'e chkiwach man kekanaj ti uchij i Ajwal le pacha jub'an chij chi nti keok'awik.

Hebreos 12:23

Ix tejeb'naq chik che i molb'al ib' ku' i nab'e taq rak'al i Dios, ni'pa i tz'ib'tal kib'i chwach i wuj chila chikaj. Ix tejeb'naq ru' i Dios chi ku'an ni atb'al tzij pkiwi konojel i winaq. Ix tejeb'naq ru' i kanima i je utz laj taq winaq chi suk'ul kik'aslemal chwach i Dios.

Hebreos 12:9

Are oj ch'utiq te'eq, i qaqajaw qachuch waral chwach i jyub' ta'aj, kojkijek'o suk'b'al qe; xaq lik kojkojon te'eq chke: ¿B'uchak uri kqaya ti qib' pu'ab' i Qaqajaw aj chikaj ru' wach kraj ku'an chqe? Kqariqb'ej re i qak'aslemal.

JEREMÍAS 38:16

Xwiri i ma Sedequías, chi ajawinel, xub'ij jun tzij pub'i i Ajwal che ma Jeremías chi lik xwi ike keta'am: —Lik kinb'ij chawe pub'i i Ajwal, chi xyaw qak'aslemal, chi kintaq ti akamsaxik xaq katinjach ti pki'ab' i jub'an chi kkaj akamsaxik.

GÉNESIS 18:27

I mam Abraham xub'ij chik: —Chakuyu inmak, Wajwal, rumal i tzij chi xinb'ij le; man Yet lik at Dios i yin xa in uk'aj ulew.

Job 7:21

¿B'uchak kakuy ti inmak chwe? ¿B'uchak kakuy ti i mak atzalal chi in-anom? Yin lik ya kinteli pa jul; kinatzukuj na, xwiri kinariq ti chik. Keje ile xub'ij ma Job.

Lucas 23:46

Te'uri, i Jesús ko xch'awik: —Ta, ¡Pa'ab' yet, kinjach wi i wanima! Are xub'ij ile, xel uk'ux.

Hechos 7:59

Tz'aqat ketijin chupuk'ik ab'aj che, i ma Esteban xok che i lapanik ru' i Dios, keje iri xub'ij: “Ajwal Jesús, chak'ama i wanima.” Xcha.

Salmos 103:14

Ire reta'am wach che oj antal wi, reta'am chi oj uk'aj ulew.

Salmos 104:29

We kawuwaj awib' chkiwach, ike kkixij kib'; we kaya ti chik kuxlab', kekamik; xaq ke'on chik uk'aj ulew.

Salmos 31:6

Ktitat inpam chke i kekojow u'ij i tiox chi lik nti kkichakuj. Lik inkub'am ink'ux che i Ajwal.