ECLESIASTÉS 10:20 - Wuj Pa K'ubultzij

²⁰ Mab'ij k'ax laj taq tzij chrij i ajawinel xaq mitene panojb'al. Ma'an taq ile chi k'ax katch'aw chrij i b'eyom tupu atukel at olik, man i tz'ikin kerupupik, moqxa kekilapa che.

ECLESIASTÉS 10:20 Referans Kwoze

Hechos 23:5

I ma Pablo xub'ij chke: —Wachalal chwach i Cristo, yin weta'am taj chi ire le are atz laj rajpatan i Dios; weta'am chi chupam uwuj i Dios keje iri kub'ij: Mab'ij k'ax laj taq tzij chkij i uwi ujolom atinimit —xcha.

ÉXODO 22:28

Lik mayo'ya i Dios xaq meak'oqoj i je atol tzij pa tinimit.

2 Reyes 6:12

Jun chke ike xub'ij che i ajawinel: —Mijun, ajawinel. Xwiri ile are ma Eliseo, chi profeta, chila pa tinimit Israel, are ire kb'iw che i ajawinel ke aj Israel, k'a kub'ij ne ronojel ni'pa kab'ij yet chupam i tasaj re i ja ipa katwar wi, chi lik mijun ktawik.

Lucas 19:40

I Jesús xula' uwach chke: —Chita pe', we kein-atij, i ab'aji kesik'in ni uri pkik'exel ike —xcha.

Lucas 10:40

I ati Marta le lik o i ku'ano, rumali lik kk'achirik. Are uri ire xtejeb' pan ru' i Jesús. Xub'ij che: —Ajwal, yin lik o kin-ano, incha' kinuto taj. ¿Nti kach'ob' yet ile che? Chab'ij che chi kinuto —xcha.

ISAÍAS 8:21

I winaq to' ke'e b'ik, xa jun ti kek'iji wi, lik je o pa k'ax xaq kenumik, xaq rumal i numik le kmi' koywal. Kkik'oqoj ni kajawinel xaq i ki-dios, xaq kkipaqb'a chik kipalaj chikaj

ÉXODO 8:3

I raqana Nilo keupo'saj na li k'iyal taq ixtutz', te'uri ke'el loq, ke'ok ni pa nim laj awachoch, pawarb'al xaq ke'an ni chwi ach'at, ke'ok ni pa taq kachoch i je awajpatan, xaq ke'ok ni pa taq kachoch awinaq. Ke'ok ni chupam cha'sab'al awa re trigo xaq chupam i yot'b'al awa.

ÉXODO 22:27

man we xwi u'u' ile olik ch'uqb'al uch'akul tob'al rib' rumal i tew. ¿Wach kuwarb'ej kan uri we katzalij tu b'i che? Ire we kutz'onoj utob'al chwe Yin, lik kinto ni uri, man yin lik o rutzil ink'ux.

Ester 2:22

Ma Mardoqueo are xuta ile chi kkich'ob' ukamsaxik i ajawinel, xulap che ati Ester, chi ati ajawinel; ire le xub'ij che ma Asuero chi ajawinel, wach taq xuta ma Mardoqueo.