Deuteronomio 1:1 - Wuj Pa K'ubultzij

¹ Are i tzij iri chi xub'ij ma Moisés chke konojel aj Israel are je o chila pa tz'inilik jyub' chaqij chi o prelb'al ij che i raqana Jordán, chi o chila Arabá, chwach i Suf, chkixol i tinimit Parán xaq i tinimit Tofel, Labán, Hazerot, xaq i Dizahab.

Deuteronomio 1:1 Referans Kwoze

1 Samuel 25:1

Are xkam ma Samuel, konojel aj Israel xkimol kib' che i o'ej ru'. Xkimuq chi rachoch chila pa Ramá. Chrijil chik ile i ma David x-e pa tz'inilik jyub' chaqij Parán.

JOSUÉ 22:7

I nik'aj chke utzob'ajil ma Manasés, yatal chik kulew rumal etz mam Moisés chila pa Basán. Xwiri i nik'aj chik chke utzob'ajil ma Manasés, are chik mam Josué xyaw kulew chila puqajb'al ij che i Jordán. Chke i nab'e taq nik'aj tzob'aj xuya utzil chomal pkiwi xaq xeutaq b'i chi kachoch.

JOSUÉ 22:4

Wo'or i Ajwal xu'an ut pacha ub'im, man xuya i uxlanem chke iwatz icha', chixtzalij uri chi iwachoch chila chwach iwulew chi uya'om kan etz mam Moisés chi rajchak i Ajwal chiwe, chila prelb'al ij che i raqana Jordán

JOSUÉ 9:10

Xaq ronojel ni'pa xu'an chke i je keb' ajawinelab' ke i je aj Hamor, chi je o ch'aqa ya Jordán, ma Sehón ajawinel re i tinimit Hesbón, xaq i ma Og ajawinel re i tinimit Basán, chi o pa Astarot.

JOSUÉ 9:1

Konojel i ajawinelab' chi je o ch'aqa ya Jordán, konojel ni'pa je o chwi taq jyub', konojel ni'pa je o chwa taq ta'aj, konojel ni'pa je o chuchi' i mar Mediterráneo xaq konojel ni'pa je o tzam taq jyub' chi je aj Het, je aj Hamor, je aj Canaán, je aj Ferez, je aj Heveo xaq i je aj Jebús are xketamaj wach i kamsanik ki'anom i je aj Israel, are uri konojel i ajawinelab' le,

Deuteronomio 33:2

I Ajwal xel li chila pa Sinaí, are xqaj pa Seir lik xtzun li u'ij uchomal pqawi, lik xtzun li u'ij uchomal pqawi pa taq jyub' Parán, xaq xumaj b'i Meriba de Cades; puwiqab'im xuk'am wa li a' re i atb'al tzij.

NÚMEROS 35:14

Oxib' tinimit kkanaj pusuk' i relb'al ij che i Jordán xaq oxib' chik tinimit kkanaj pusuk' uqajb'al ij che i Canaán.

NÚMEROS 32:32

Lik qayijb'am qib' che i ch'oj are koj-ax chwach ulew Canaán keje ile lik kojkojon ni che i Ajwal. Xwiri lik kkanaj ni kan ulew pqa'ab' chi o prelb'al ij che i raqana Jordán.

NÚMEROS 32:19

Man i qulew yoj are o jewa, xkanaj prelb'al ij che i raqana Jordán, rumali kqakoj ti uch'ojil qulew jela ch'aqa ya Jordán.

NÚMEROS 32:5

We kumaj awach chaya uri i ulew le chqe yoj, xaq moja'atsaj che i raqana Jordán.

NÚMEROS 13:3

Keje pacha xub'ij i Ajwal che ma Moisés xeutaq b'i jub'an winaq chrilik ulew Parán, kelik chila pa tz'inilik jyub' chaqij chi Parán ub'i. Ike le konojel is o kipatan chkixol aj Israel.

NÚMEROS 12:16

Are xupon chik ati Mariy ku', te'uri konojel aj Israel xe'el chila pa Hazerot, xkimaj chub'i kib'e, xe'e pa tz'inilik jyub' chaqij chi Parán ub'i, chila xek'iji wi.

NÚMEROS 11:35

Xe'el chila che i Kibrot-hataava, xkimaj chub'i kib'e xeupon k'a Hazerot, chila xek'iji wi.

NÚMEROS 10:12

Are uri aj Israel xe'el chila pa tz'inilik jyub' chaqij Sinaí, xkimaj chub'i kib'e xe'e pa tz'inilik jyub' chaqij Parán, man chila xtak'i wi i sutz'.

GÉNESIS 21:21

I tz'inilik jyub' chaqij le ipa xjeqi wi are Parán; i ati Agar xuk'ulb'a i ralab' le ru' jun ixoq aj Egipto.

NÚMEROS 13:26

chila pa Cades pa tz'inilik jyub' chaqij Parán. Chila je o wi ma Moisés, ma Aarón xaq konojel aj Israel, are uri xkilap chke wach taq xekila loq xaq xkik'ut uwach i echa' chke chi kik'amom li pa tinimit chi xeupon chrilik.

Habacuc 3:3

I Dios kpe che i ulew Temán; che utzam jyub' Parán kpe wi i Lo'laj Dios. I uchomalil klik'taj b'i chwach ronojel i kaj, i ronojel uwach i jyub' ta'aj knoj che ub'ix.

NÚMEROS 33:20

Xe'el chik chila pa Rimón-peres, xeupon k'a pa Libna.

Deuteronomio 2:8

Chrijil chik ile te'uri xoj-e che i b'e chi k-e pa Arabá chi petnaq k'a pa Elat xaq Ezión-geber, xaq xojik'aw chupam kulew i qachalal chi je umuq uxikin ma Esaú, chi je jeqel chila pa Seir, chila xojsutin wi te'uri xqamaj b'i b'e chi k-e che i tz'inilik jyub' chaqij re Moab.

Deuteronomio 4:46

are k'a ix o chila prelb'al ij che i raqana Jordán, che i ta'aj chi o chwach i Bet-peor, prulew ma Sehón, chi ajawinel ke aj Hamor. Ma Sehón le jeqel te'eq chila pa Hesbón chi xujam rib' pa ch'oj che ma Moisés xaq chke aj Israel, are xe'el ike chila pa Egipto.

1 Reyes 11:18

Xe'el pa Madián, xe'e k'a chila Parán, chila xaq xe'e ku' ike jujun achiyab'. Chrijil chik ile, xe'e k'a pa Egipto, are xeupon chwach i ajawinel ma faraón, i ajawinel le xuya kachoch, kiwa xaq xuya kulew.

NÚMEROS 33:21

Xe'el chik chila pa Libna, xeupon k'a pa Rissa.

Deuteronomio 5:1

Ma Moisés xumol kichi' konojel aj Israel, xub'ij chke: Iwonojel yix ix aj Israel chita u'atb'al tzij xaq utzij upixab' i Dios chi kinb'ij chiwe wo'or. Lik chinawsaj iwib' che xaq chi'ana pacha kub'ij.

Deuteronomio 27:1

Ma Moisés xaq konojel i raqan u'ab' i tinimit xkiya i taqaniki chke konojel i winaq: “Chi'ana ronojel ni'pa kinb'ij chiwe wo'or.

Deuteronomio 29:1

Keje kub'ij i trat iri chi xuya i Ajwal che ma Moisés chi kki'an aj Israel chila che i tinimit Moab; i trat le uwi chik i jun chi xuya chke chila chwi jyub' Horeb.

Deuteronomio 31:1

Ma Moisés xlapan chik ku' aj Israel, xub'ij chke: