Oj kojonnaq ti chke i awajchak chi je are i profeta, chi xech'aw pab'i chke taq i qajawinelab', aj-atzil xaq i qatit qamam, xaq konojel i tinimit Israel.
Xkik'ulmaj ile man xekojon ti che i Ajwal chi ki-Dios, xkisach utrat xaq xekojon ti che ronojel ni'pa xub'ij ma Moisés chke, chi rajpatan i Dios; ike lik xki'an taj.
Ujer, i Dios xub'ij utzij chke i qatit qamam, lik k'iyalmul xub'ij chke, te'uri ike xkib'ij chke i jub'an chik winaq, jalajuj taq u'ankil xu'ano, xwiri lik xuya i utzij chke.
Xwiri ike le are xeupon che i nim laj tinimit, xekojon ti chawe xaq xkikoj ti retalil chawe wach i xab'ij chke, xaq xki'an taj wach i xeataq chu'anik; rumali yet xataq li i k'ax laj yob'ili pkiwi.
Yet chala'a uwach chke: I Ajwal kub'ij: Ile rumal xinko'taj kan iwatit imam xaq xeterej chkij jub'an chik dios, re kojb'al ki'ij; Yin xinko'taj kanoq xaq lik xki'an taj pacha xinb'ij chke.