Daniel 8:2 - Wuj Pa K'ubultzij

² Are kintijin chrilik pinwach, kinna taq yin chi in o pa tinimit Susa, re i ulew Elam, chuchi' i raqana Ulai.

Daniel 8:2 Referans Kwoze

Ester 1:2

i k'ijib'al ipa ku'at wi tzij are i tinimit Susa.

NEHEMÍAS 1:1

Iri are u'anoj ma Nehemías, chi uk'ojol ma Hacalías. Che i junab' juwinaq re rajawinik ma Artajerjes, che i ik' chi Quisleu ub'i, yin, chi in ma Nehemías, in o pa tinimit Susa

Ezequiel 32:24

Chila o wi Elam junam ku' uwinaq chi je yij che i ch'oj kisutim rij i jul re muqb'al. Konojel ike le xekam pa ch'oj, winaq chi kkikoj ti u'ij i Dios xetzaq chwach i jyub' ta'aj chuxe' ulew. Xekikoj il ni'pa k'a je k'aslik, xwiri wo'or lik nti chik ki'ij chkixol ni'pa xeqaj pa jul re muqb'al.

JEREMÍAS 25:25

chke konojel i ajawinelab' aj Zimri, aj Elam xaq i aj Media:

Ester 2:8

Are xkiya retamaxik i atb'al tzij re i ajawinel chi lik k'i altom xtaq kitzukuxik chi kmol kichi' pa nim laj rachoch i ajawinel chila pa tinimit Susa, chi xaq kechajix rumal ma Hegai, chi chajinel ke ixoqib', chkixol ike le o al Ester.

GÉNESIS 14:1

Xuk'ulmaj che taq i ij le, chi ma Amrafel, are ajawinel re i tinimit Sinar, ma Arioc are ajawinel re i tinimit Elasar, ma Quedorlaomer, are ajawinel re i tinimit Elam xaq ma Tidal, are ajawinel re i tinimit Goim,

GÉNESIS 10:22

I rak'al ma Sem je are a Elam, a Asur, a Arfaxad, a Lud xaq i a Aram.

Daniel 8:3

Xintzun b'i k'a naj, are uri xwil jun chij ma chi o chuchi' i raqana. O keb' rok'a' naj kaqan, xwiri jun chke i keb' le mas pen elnaq loq, xaq mas naj rij chwach i jun chik.

Daniel 7:15

Yin, ma Daniel, xinna'o chi i kamik xib'rikil lik xinurajawij; xaq lik xink'achir rumal ronojel ni'pa i xwilo,

Daniel 7:2

Yin xwil pinwaram chi kajib' tew chi kpe chikaj lik kuyin upam i nim laj mar.

ISAÍAS 21:2

Lik xib'in ib' wach uk'utum i Dios chwe: I jun chi kuk'ayij ramiy che i ajch'oj chrij, lik kuk'ayij, i jun chi wulijsanel, lik kwulijsanik. ¡Chatwalijoq, ma Elam! ¡Ix aj Media, chixch'ojinoq! ¡Man yin lik kwesaj ni k'ax piwi!

ISAÍAS 11:11

Che i ij le i Ajwal kuk'ut chik ucho'ab' re kuyu'uj chik kixikin utinimit chi xekanaj kanoq, ku'an ni chke chi ke'el li pa Asiria, pa Egipto, pa Patros, pa Etiopía, pa Elam, pa Sinar, pa Hamat xaq ni'pa i tinimit chi je o chi taq mar.

Ester 9:15

Are uri aj Israel chi je o pa tinimit Susa, xkimol chik kib' che i ij kajlajuj re i ik' chi Adar ub'i, chila Susa xekikamsaj chik jo'lajujwinaq (300) achiyab'; xwiri xkik'am ti ub'itaq ke chke.

Ester 9:11

Xaq lik che i ij le, i ajawinel are xretamaj chi lik je k'i chik winaq je kamnaq chila pa tinimit Susa,

Ester 8:15

Te'uri xel li ma Mardoqueo pa nim laj rachoch i ajawinel, ukojom jun jurjik k'ul saq xaq xar chi kkikoj i ajawinelab', xaq ukojom jun nim laj koron an-o'oj xaq uk'aqom jun chom laj k'ul lino chuqul, xaq i utzunb'al are i kaqxar. Are uri konojel i winaq re i tinimit Susa, xesik'in rumal i kikotemal,

NÚMEROS 12:6

i Ajwal xub'ij chke: Chita iri chi kinb'ij chiwe, are o jun profeta chixol yix chi in-ulum Yin, Yin kink'ut wib' che ire puwach xaq kinlapan ru' puwaram.

Hebreos 1:1

Ujer, i Dios xub'ij utzij chke i qatit qamam, lik k'iyalmul xub'ij chke, te'uri ike xkib'ij chke i jub'an chik winaq, jalajuj taq u'ankil xu'ano, xwiri lik xuya i utzij chke.

Ester 7:6

Are uri i ati ajawinel Ester xub'ij: —I ajch'oj chqij chi kraj kojukamsaj, are ma Amán. I ma Amán are xuta ile, lik xtak'i kan chila rumal uxib'rikil chwach i ajawinel xaq chwach ati ajawinel Ester.

Ester 3:15

I ajjachol wuj le lik juntir xkijacho man keje utaqanik i ajawinel ile, i taqanik le xya' retamaxik chila pa tinimit Susa. Tz'aqat i ajawinel xaq ma Amán ketijin che ab'arik, konojel i winaq pa tinimit Susa keb'isonik.

Apocalipsis 9:17

Keje ke'anaw i kaway iri chi xewil pa wachij, i achiyab' chi je yij che i ch'oj chi je annaq chkij, i uwach kik'ux kich'uqum ru' ch'ich'. I ch'uqb'al re uwach kik'ux o kaq che pacha a', o xar che pacha i zafiro, o an che pacha i asufra, keje ile ktzunik. I kijolom i kaway pacha kijolom koj; i pkichi', xel li a', xel li sib', xaq xel li asufra.

Ezequiel 1:1

Yin, in ajsujul sipon ma Ezequiel chi in uk'ojol ma Buzi, xuk'ulmaj jun ij, are i o chi raqana Quebar chila pa Babilonia, chkixol i jub'an chi je elsam b'i pa cho'ab' chwach kulew. Are uri xjaqtaj i kaj, are uri xwil i Ajwal pinwach. Che i ujo' ij che i ukaj ik', re i junab' lajuj juwinaq (30) Are ik'awnaq chik jo'ob' junab' uk'amik b'i i ajawinel ma Joaquín, i Ajwal xuya u'ab' pinwi.

Daniel 8:1

Che urox junab' re i rajawinik i ma Belsasar, yin, ma Daniel xwil chik jun b'iroxik pinwach, chrijil chik i jun chi xwil nab'e.

Daniel 10:4

Che i kajib' juwinaq (24) ij re i nab'e ik' re i junab', in o yin chuchi' i nim laj raqana Tigris.