Daniel 7:27 - Wuj Pa K'ubultzij

²⁷ I ajawinik, i cho'ab' xaq chomalil re konojel i ajawinik chwach i jyub' ta'aj, lik kya' ni che utinimit i Nim laj Dios aj chikaj. I rajawinik lik o ni ronojel ij saq xaq konojel i tinimit re uwach ulew kechakun ru' xaq kekojon ni che.

Daniel 7:27 Referans Kwoze

Salmos 72:11

¡Konojel i ajawinelab' chki'aja ni kib' chwach! ¡Konojel i nimaq taq tinimit chki'ana ni kipatan chrij!

Apocalipsis 11:15

Te'uri i uwuq ángel xuch'awsaj u-trompeta, xaq xtataj jub'an ch'awb'al chila chikaj. Ko xkib'ij: I ajawinik re konojel i tinimit chwach i jyub' ta'aj o chik pu'ab' i Qajwal Dios, xaq pu'ab' i Cristo. Ire ku'an ni rajawinik k-e ij saq chrij. Keje ile xkib'ij.

Lucas 1:33

Ire lik arewi krajawin ni pkiwi i aj Israel winaq; i u'atb'al tzij lik nti uk'isik. Keje ile xub'ij i ángel che.

Daniel 7:14

Te'uri xya' i cho'ab' pu'ab', chomalil xaq i ajawinik, konojel i winaq re nimaq taq tinimit xaq k'iyal taq ch'ab'al kechakun ru'. I ucho'ab' lik arewi kjaltaj taj, xaq rajawinik lik arewi kwulijsax taj.

Salmos 22:27

Konojel i jalajuj taq ulemajil xaq i nimaq tinimit xaq uk'iyal winaq re ronojel i k'ijib'al naj re uwach i jyub' ta'aj: Chk'un i Ajwal chik'ux, xaq chixpet ru'; ¡Chixxukul chwach Ire!

Daniel 7:18

Xwiri k-on panoq i ajawinik kya' ni pu'ab' i tinimit re i Nim laj Dios aj chikaj, lik re ni Ire ronojel ij saq.

Daniel 2:44

Che i ki'ajawinik i ajawinelab' le, i Dios aj chikaj ku'an ni jun k'ijib'al re ajawinik chi lik kwulijsax taj xaq lik nti jun chik tinimit kuya taq rib' puwi, are ni Ire kusach ni kiwach konojel i jub'an chik ajawinik, xaq lik nti uk'isik ronojel ij saq.

ISAÍAS 9:7

Kkub'i ni pa ukub'ib'al ma David chi o u'ij; xaipa kupaxsaj nu b'i ucho'ab', xaq i chomb'al ib' lik kk'is taj; i rajawinik lik utz ukub'axik kkanaj na, xaq i uxeb'al are ni u'anik i suk'ul laj atb'al tzij, ile o ke i winaq che, kjeqan b'i wo'or lik k'a arewi ronojel ij saq. Ile are ku'an ni nim laj k'axnab'al uk'ux i Ajwal chi ronojel ktiki che.

Salmos 145:13

I awajawinik are jun ajawinik ronojel ij saq uwach, xaq a'atb'al tzij lik ronojel ij saq uwach.

Salmos 86:9

Ajwal Dios, Yet je a'anom konojel i nimaq taq tinimit, ike kek'un ni chawach Yet re kojb'al a'ij xaq re kojb'al u'ij ab'i.

Apocalipsis 19:16

I jun le chi xwilo, o ub'i tz'ib'tal chwach u'u', xaq chwach uwi ra'; i ub'i are iri: “I Nim Laj Ajawinel pkiwi konojel i je ajawinelab', xaq Ajwal pkiwi ni'pa i ajwalxelab'.” Keje ile tz'ib'tal che.

Daniel 7:22

K'a xupon ni i nim laj Mam, xu'an i atb'al tzij che utinimit i Nim laj Dios, man ya xtz'aqat i ij chi i tinimit re i Dios kuk'am i ajawinik.

Apocalipsis 17:14

Ike kki'an ni ch'oj chrij i jun chi Ral Chij kb'ix che. Xwiri ire, junam ku' i je teren chrij, ketiki ni chke, man ire are i nim laj Ajawinel pkiwi konojel i ajawinelab', ni'pa i je teren chrij ire je chatalik xaq je sik'tal rumal i Dios; ike kko'taj taj.

ZACARÍAS 14:9

Che i ij le krajawin ni Ajwal chwach ronojel i jyub' ta'aj. I Ajwal lik xa jun xaq i ub'i lik xa jun.

ISAÍAS 54:3

Man kepax nu b'i kiwach amuq axikin pa wiqab'im xaq pa moxim; i je amuq axikin kkich'ak ni kik'ux k'iyal nimaq taq tinimit xaq kejeqi ni chwach i tinimit chi wo'or lik pacha tz'inilik jyub'.

Apocalipsis 22:5

Che i tinimit le kok ti chik a'ab'; ni'pa i je o chila, nti chik uchak i a' re kantil chke, xaq nti chik uchak utzunb'al i ij chke. Man are utzunb'al i Ajwal Dios are k-anaw saq che ipa je o wi. Ike le chila ke'ajawin ni ronojel ij saq.

Juan 12:34

Are uri i winaq xkib'ij che: —Yoj rumal i atb'al tzij, qeta'am chi i Cristo k-e ij saq chrij uk'aslemal. ¿Wach u'ankil uri ile kab'ij yet chi pacha i Winaq chi Xolalaxoq chwach Ulew kyaktaj nu b'ik? ¿Pachin taq uri i pacha Winaq le chi Xolalaxoq chwach Ulew? —Xecha.

ABDÍAS 1:21

Ke'el nu b'i ajch'akanel puwi i jyub' Sion re kki'at tzij chkij i je o puwi i jyub' re ma Esaú, i are ni Ajwal krajawinik.

Daniel 4:34

Are xtz'aqat i ij re i k'oqonik, yin, ma Nabucodonosor, xintaqen chikaj i xinna'o chi xinutzir che inch'ujlal; are uri xinkoj u'ij i Nim laj Dios i xinb'ixaj ru' i tziji chi arewi k'aslik ronojel ij saq: I ucho'ab' lik chnajtin ni ronojel ij saq; i rajawinik lik arewi k-e ij saq chrij chke konojel i lemajil.

Apocalipsis 20:4

Te'uri xwil jub'an kub'ib'al chi o u'ij ke i atol tzij. I je kul chila je are ike chi Dios uya'om i atb'al tzij pki'ab' re kki'at ni tzij pkiwi i winaq rumal wach i ki'anom. Xaq xwil i kanima ni'pa i je kamsam ni rumal ub'ixkil i saq laj tzij chrij i Jesús. Je are ike chi kk'atzix kijolom rumal ub'ixkil utzij i Dios. Ike je are i kikojom ti u'ij i itzel chikop, xaq mitene che uk'exwach. Xaq kiya'om ti kib' chi koksax retal chwach kikrusil, xaq mitene che ki'ab'. Ike xek'asi chik, te'uri xe'ajawin junam ru' i Cristo, arewi lajujwinaq kamo' (1,000) junab'.

1 Corintios 15:24

Te'uri kk'un i Cristo pa k'isb'al uwach i jyub' ta'aj, re kuqajsaj kicho'ab' konojel ni'pa i je o pkiwi i winaq, ni'pa i nimaq taq atol tzij, ni'pa taq i o kicho'ab' chi k-iltaj ti kiwach. Are tikinaq chik che ronojel ile, te'uri kujach i ajawinik pu'ab' i Qajaw Dios.

Apocalipsis 11:1

Are uri xya' jun pajb'al pin-ab', pacha jun tani, xaq xb'ix chwe: Chatwalijoq, chapaja i rachoch i Dios xaq i sujb'al sipon, xaq chawajlaj ni'pa i winaq ketijin chukojik u'ij i Dios chila.

ISAÍAS 14:2

K'iyal nimaq taq tinimit kekik'ulaj ni aj Israel ku', xaq kkachnimaj ni k'a pkitinimit, i aj Israel kekik'am nu b'ik pacha je winaq chi je o pa k'ax rumal i rajaw kichak chwach i jyub' ta'aj re i Ajwal. Xaq i aj Israel kekik'am nu b'i prexil i jub'an chi xek'amaw b'i ike prexil ujer, xaq kkiqajsaj ni ki'ij i jub'an chi xe'anaw k'ax chke ike ujer.

Daniel 6:26

rumali kinya i taqanik xaq kinb'ij chke ni'pa je o pwajawinik, chi chkikojo u'ij xaq chkiya u'ij u-Dios ma Daniel. Man Ire are i Dios k'aslik, xaq lik arewi k-e ij saq chrij. I rajawinik lik ksachsax ti uwach xaq i nim laj ucho'ab' nti uk'isik.