Daniel 7:18 - Wuj Pa K'ubultzij

¹⁸ Xwiri k-on panoq i ajawinik kya' ni pu'ab' i tinimit re i Nim laj Dios aj chikaj, lik re ni Ire ronojel ij saq.

Daniel 7:18 Referans Kwoze

Daniel 7:27

I ajawinik, i cho'ab' xaq chomalil re konojel i ajawinik chwach i jyub' ta'aj, lik kya' ni che utinimit i Nim laj Dios aj chikaj. I rajawinik lik o ni ronojel ij saq xaq konojel i tinimit re uwach ulew kechakun ru' xaq kekojon ni che.

Apocalipsis 5:10

Aya'om chke je ajpatan chrij i qa-Dios: A'anom chke je ajawinelab', xaq je rajpatan i Dios, aya'om chke kki'an i atb'al tzij chwach i jyub' ta'aj.” Keje ile xkib'ixaj i nimaq taq winaq.

Apocalipsis 20:4

Te'uri xwil jub'an kub'ib'al chi o u'ij ke i atol tzij. I je kul chila je are ike chi Dios uya'om i atb'al tzij pki'ab' re kki'at ni tzij pkiwi i winaq rumal wach i ki'anom. Xaq xwil i kanima ni'pa i je kamsam ni rumal ub'ixkil i saq laj tzij chrij i Jesús. Je are ike chi kk'atzix kijolom rumal ub'ixkil utzij i Dios. Ike je are i kikojom ti u'ij i itzel chikop, xaq mitene che uk'exwach. Xaq kiya'om ti kib' chi koksax retal chwach kikrusil, xaq mitene che ki'ab'. Ike xek'asi chik, te'uri xe'ajawin junam ru' i Cristo, arewi lajujwinaq kamo' (1,000) junab'.

Daniel 7:22

K'a xupon ni i nim laj Mam, xu'an i atb'al tzij che utinimit i Nim laj Dios, man ya xtz'aqat i ij chi i tinimit re i Dios kuk'am i ajawinik.

Salmos 45:16

Ni'pa i awak'al, nim laj ajawinel, lik kekanaj ni kan pkik'exel i awatit amam pa kub'ib'al chi o u'ij, xaq ka'an ni chke kerajawin chwach ronojel i jyub' ta'aj.

Efesios 1:3

Chqakojo u'ij i Dios chi Uqajaw i Qajwal Jesucristo, man k'i i utzil chomal uya'om pqak'ux yoj chi oj o che i Cristo; ni'pa uk'iyal utz re i chikaj, xaq kpe ni pqawi yoj waral.

Apocalipsis 3:21

Ni'pa i kkiqajsaj ucho'ab' Itzel, kinya chke kekub'i ni pintzal pa inkub'ib'al chi o u'ij. Keje pacha xin-an yin, xinqajsaj ucho'ab' Itzel, xaq xinkub'i chik putzal Inqajaw pa kub'ib'al chi o u'ij.

Efesios 6:12

Man i ajch'oj chqij, ne te winaq, xa je are i utz ti laj taq tew chi je aj chwa kaj; chke ike le je pacha atol tzij, xaq o i nimaq kipatan chke, xaq je o i mas o kicho'ab'. Ike le wo'or lik ketijin chu'anik waral chwach i jyub' ta'aj pacha i kkaj ike, tz'aqat k'a oj o che i ij re i equmal.

Lucas 1:33

Ire lik arewi krajawin ni pkiwi i aj Israel winaq; i u'atb'al tzij lik nti uk'isik. Keje ile xub'ij i ángel che.

1 Corintios 6:2

¿Iweta'am ti b'awa yix, chi ni'pa i je re i Dios, k-on panoq kki'at ni tzij pkiwi konojel i to' je re uwach i jyub' ta'aj? B'ay, we yix ki'at ni tzij puwi ronojel i jyub' ta'aj, ¿Xatab'a kixtiki ti chu'atik tzij che i ral taq ch'oj chixol yix?

Apocalipsis 22:5

Che i tinimit le kok ti chik a'ab'; ni'pa i je o chila, nti chik uchak i a' re kantil chke, xaq nti chik uchak utzunb'al i ij chke. Man are utzunb'al i Ajwal Dios are k-anaw saq che ipa je o wi. Ike le chila ke'ajawin ni ronojel ij saq.

Salmos 49:14

Chke i winaq le, i kamik are i yu'unel ke chi keuk'am b'i pa jul, pacha taq je chij. Are ksaqirik Ni'pa i je utz ke'ajawin ni pkiwi ike le; ni'pa i kicho'ab' kok'ilal kk'isik, i kachoch ike le are i jul.

ISAÍAS 14:2

K'iyal nimaq taq tinimit kekik'ulaj ni aj Israel ku', xaq kkachnimaj ni k'a pkitinimit, i aj Israel kekik'am nu b'ik pacha je winaq chi je o pa k'ax rumal i rajaw kichak chwach i jyub' ta'aj re i Ajwal. Xaq i aj Israel kekik'am nu b'i prexil i jub'an chi xek'amaw b'i ike prexil ujer, xaq kkiqajsaj ni ki'ij i jub'an chi xe'anaw k'ax chke ike ujer.

Daniel 7:14

Te'uri xya' i cho'ab' pu'ab', chomalil xaq i ajawinik, konojel i winaq re nimaq taq tinimit xaq k'iyal taq ch'ab'al kechakun ru'. I ucho'ab' lik arewi kjaltaj taj, xaq rajawinik lik arewi kwulijsax taj.

Daniel 7:17

I kajib' nimaq taq itzel chikop le je are kajib' ajawinelab' chi ke'ajawin ni puwi i jyub' ta'aj.

Daniel 7:25

Kuyo'ya ni i Nim laj Dios xaq kok'lal kk'is ni uwach utinimit; kuch'ob' ujalwachixik u'atb'al tzij i Dios xaq i k'iyal taq nima'ij, i utinimit i Dios o ni pu'ab' che oxib' junab' ru' nik'aj.

ABDÍAS 1:17

Xwiri i jyub' Sion are ni jun lo'laj k'ijib'al re i Dios, chila ketotaj wi jujun. I je umuq uxikin i ma Jacob kkik'am chik i kulew;