Daniel 7:14 - Wuj Pa K'ubultzij

¹⁴ Te'uri xya' i cho'ab' pu'ab', chomalil xaq i ajawinik, konojel i winaq re nimaq taq tinimit xaq k'iyal taq ch'ab'al kechakun ru'. I ucho'ab' lik arewi kjaltaj taj, xaq rajawinik lik arewi kwulijsax taj.

Daniel 7:14 Referans Kwoze

Apocalipsis 11:15

Te'uri i uwuq ángel xuch'awsaj u-trompeta, xaq xtataj jub'an ch'awb'al chila chikaj. Ko xkib'ij: I ajawinik re konojel i tinimit chwach i jyub' ta'aj o chik pu'ab' i Qajwal Dios, xaq pu'ab' i Cristo. Ire ku'an ni rajawinik k-e ij saq chrij. Keje ile xkib'ij.

Daniel 7:27

I ajawinik, i cho'ab' xaq chomalil re konojel i ajawinik chwach i jyub' ta'aj, lik kya' ni che utinimit i Nim laj Dios aj chikaj. I rajawinik lik o ni ronojel ij saq xaq konojel i tinimit re uwach ulew kechakun ru' xaq kekojon ni che.

Juan 3:35

I Ta chikaj lik k'ax kuna Uk'ojol, xaq xuya pu'ab' ronojel ni'pa i olik.

Daniel 2:44

Che i ki'ajawinik i ajawinelab' le, i Dios aj chikaj ku'an ni jun k'ijib'al re ajawinik chi lik kwulijsax taj xaq lik nti jun chik tinimit kuya taq rib' puwi, are ni Ire kusach ni kiwach konojel i jub'an chik ajawinik, xaq lik nti uk'isik ronojel ij saq.

Hebreos 12:28

I ajawinik re i Dios chi kuya chqe, ile ksilab'sax taj, xaq kelsax taj. Chqatioxij ile, xaq chqakojo u'ij i Dios ru' ronojel qak'ux, xaq chqatioxij i nim laj k'axnab'al uk'ux pacha i kmajawik.

Apocalipsis 17:14

Ike kki'an ni ch'oj chrij i jun chi Ral Chij kb'ix che. Xwiri ire, junam ku' i je teren chrij, ketiki ni chke, man ire are i nim laj Ajawinel pkiwi konojel i ajawinelab', ni'pa i je teren chrij ire je chatalik xaq je sik'tal rumal i Dios; ike kko'taj taj.

Mateo 28:18

I Jesús xtejeb' pan ku' xaq xub'ij chke: —Yatal chik pin-ab' u'atik tzij puwi ronojel ni'pa i olik. O chik pin-ab' ronojel i aj chikaj, xaq ronojel i aj chwach i jyub' ta'aj.

Mateo 11:27

Te'uri xub'ij chke i winaq: “Ronojel ni'pa i olik, Inqajaw uya'om pin-ab'. Mijun reta'am uwach Uk'ojol i Dios, xwi i Ta chikaj reta'am. Xaq mijun reta'am uwach i Dios, xwi Yin, chi in Uk'ojol weta'am uwach; xaq chke ni'pa i jub'an chi yin kwaj u'aljinsaxik chke, re kketamaj ni uwach.

ISAÍAS 9:7

Kkub'i ni pa ukub'ib'al ma David chi o u'ij; xaipa kupaxsaj nu b'i ucho'ab', xaq i chomb'al ib' lik kk'is taj; i rajawinik lik utz ukub'axik kkanaj na, xaq i uxeb'al are ni u'anik i suk'ul laj atb'al tzij, ile o ke i winaq che, kjeqan b'i wo'or lik k'a arewi ronojel ij saq. Ile are ku'an ni nim laj k'axnab'al uk'ux i Ajwal chi ronojel ktiki che.

Apocalipsis 3:21

Ni'pa i kkiqajsaj ucho'ab' Itzel, kinya chke kekub'i ni pintzal pa inkub'ib'al chi o u'ij. Keje pacha xin-an yin, xinqajsaj ucho'ab' Itzel, xaq xinkub'i chik putzal Inqajaw pa kub'ib'al chi o u'ij.

Lucas 1:33

Ire lik arewi krajawin ni pkiwi i aj Israel winaq; i u'atb'al tzij lik nti uk'isik. Keje ile xub'ij i ángel che.

ABDÍAS 1:21

Ke'el nu b'i ajch'akanel puwi i jyub' Sion re kki'at tzij chkij i je o puwi i jyub' re ma Esaú, i are ni Ajwal krajawinik.

Daniel 3:4

I winaq chi yatal chuqul ub'ixkil i tzij re ujeqik i nima'ij xsik'in chub'ixkil: “Chita, yix winaq re konojel i tinimit, nimaq taq tinimit xaq k'iyal taq ch'ab'al:

Daniel 2:35

Xaqte'et, i ch'ich', xo'ol, anch'ich', saq-o'oj xaq i an-o'oj lik konojel xeu'on k'ajil, pacha k-iltaj pa sa'ij are kch'ay uwach i trigo, i tew xuk'am b'ik, lik k-aljin ti chik. Xwiri i ab'aj chi xtzaq chwach i k'exwach xu'an pacha jun nim laj jyub' chi xunojsaj ronojel uwach ulew.

ISAÍAS 60:12

I tinimit chi k-on ti upatan chawij, kkam na; ronojel ni'pa i nimaq taq tinimit kewulijsax na.

Salmos 146:10

Yet, Sion, i Ajwal krajawin ni ronojel ij saq; i a-Dios krajawin ni ronojel ij saq. ¡K'amori che i Dios!

Salmos 145:13

I awajawinik are jun ajawinik ronojel ij saq uwach, xaq a'atb'al tzij lik ronojel ij saq uwach.

Salmos 45:6

I ajawinik Ajwal Dios, lik k-e ij saq chrij, xaq lik are jun ajawinik chi lik suk'ulik.

Salmos 8:6

xaya puwi ronojel ni'pa i xayijb'a, lik xaya puwi ronojel ni'pa olik,

Juan 12:34

Are uri i winaq xkib'ij che: —Yoj rumal i atb'al tzij, qeta'am chi i Cristo k-e ij saq chrij uk'aslemal. ¿Wach u'ankil uri ile kab'ij yet chi pacha i Winaq chi Xolalaxoq chwach Ulew kyaktaj nu b'ik? ¿Pachin taq uri i pacha Winaq le chi Xolalaxoq chwach Ulew? —Xecha.

Lucas 10:22

Te'uri xub'ij chke i winaq: Inqajaw uya'om pin-ab' yin ronojel ni'pa i olik. Lik mijun reta'am pachin i Uk'ojol i Dios, xwi i Ta chikaj. Xaq lik mijun reta'am pachin i Ta; xwi yin chi in Uk'ojol weta'am ni'pa i winaq chi kin-aljinsaj i Dios chke keta'am.

Daniel 7:18

Xwiri k-on panoq i ajawinik kya' ni pu'ab' i tinimit re i Nim laj Dios aj chikaj, lik re ni Ire ronojel ij saq.

Daniel 6:26

rumali kinya i taqanik xaq kinb'ij chke ni'pa je o pwajawinik, chi chkikojo u'ij xaq chkiya u'ij u-Dios ma Daniel. Man Ire are i Dios k'aslik, xaq lik arewi k-e ij saq chrij. I rajawinik lik ksachsax ti uwach xaq i nim laj ucho'ab' nti uk'isik.

Daniel 4:3

¡Lik nimaq taq anik xaq i nimaq taq il! I rajawinik lik knajtin ni uwach ronojel ij saq i ktiki chu'anik lik nti uk'isik, arewi k-e chke konojel i lemajil.

Salmos 102:22

xaq are kkimol kib' konojel i winaq re i jalajuj nimaq taq tinimit junam ku' konojel i ajawinelab' re kojb'al u'ij i Dios.

Salmos 72:17

¡Lik arewi chk'asi ni ub'i i ajawinel, xaq lik naj na chuch'ija i retamaxik uwach rumal wach ku'ano k'a ksach ni uwach i ij! ¡Konojel i nimaq taq tinimit chwach i jyub' ta'aj chya' ni utzil chomal pkiwi rumal ire! ¡Konojel i nimaq taq tinimit chkiya ni pub'i kikotemal!

Salmos 72:11

¡Konojel i ajawinelab' chki'aja ni kib' chwach! ¡Konojel i nimaq taq tinimit chki'ana ni kipatan chrij!

1 Pédro 3:22

Ire xel b'i chikaj; o puwiqab'im i Dios. O pkiwi ni'pa i ángel, ni'pa i tewal chi je o chikaj, xaq konojel ni'pa i o kicho'ab' chi k-iltaj ti kiwach; is je o pu'ab'.

Apocalipsis 1:6

Are ire u'anom chqe oj ajawinelab', xaq u'anom chqe oj rajpatan i Dios, re ku'an chqe oj ajpatanib' chrij i Dios, chi xaq are Uqajaw. ¡Choksax u'ij ire k-e ij saq chrij; chu'ana u'atb'al tzij ronojel ij saq! Lik keje ile ch-antaj na.

ISAÍAS 16:5

Jun umuq uxikin ma David kkanaj ni pa ajawinel, lik krajawin na chrij pacha usuk' i rutzil k'uxij. Lik jun suk'ul laj atol tzij na, chi kukub'a u'anik i suk'ulik xaq ku'an na chi juntir kk'un u'anik i suk'ul laj atb'al tzij.

Daniel 2:37

Nim laj Winaq, are yet lik mas at nim chkiwach konojel i ajawinelab', man i Dios aj chikaj uya'om chawe chi kat-ajawinik, uya'om i tikilem pa'ab', acho'ab', i a'ij,

Salmos 103:19

I Dios u'anom i lo'laj ukub'ib'al chi o u'ij chikaj; xaq krajawin puwi ronojel ni'pa i olik.

ISAÍAS 9:6

Man xalax jun ak'al chqaxol, i Dios xuya jun qak'al lik yatal pu'ab' chi are ire krajawinik. Chi are ub'i iri kb'ix na: B'isb'al ni'pa ku'ano, Dios nim ucho'ab', Qajawxel ronojel ij saq, Uk'ojol Ajawinel re chomb'al ib'.