Daniel 6:27 - Wuj Pa K'ubultzij

²⁷ Ire are tol qe xaq aj-o'tanel qe; chi ku'an i nimaq taq anik chikaj xaq chwach ulew. Ire xuto ma Daniel pki'ab' i koj.

Daniel 6:27 Referans Kwoze

Hechos 4:30

xaq chak'utu ni acho'ab' ru' kutzirsaxik iwab'ib', xaq ru' nimaq taq k'utb'al re, xaq ru' nimaq taq il ru' i nim laj ucho'ab' i lo'laj awajchak Jesucristo.

Salmos 97:10

I Ajwal k'ax keuna i winaq chi tzel kkil i utz taj, Ire kuchajij kik'aslemal i je re Ire xaq keresaj pki'ab' i itzel laj taq winaq.

Salmos 18:50

Kaya i nimaq taq ch'akanik che i ajawinel chi a'ulum; arewi o k'axnab'al ak'ux che ma David xaq chke umuq uxikin.

Daniel 4:34

Are xtz'aqat i ij re i k'oqonik, yin, ma Nabucodonosor, xintaqen chikaj i xinna'o chi xinutzir che inch'ujlal; are uri xinkoj u'ij i Nim laj Dios i xinb'ixaj ru' i tziji chi arewi k'aslik ronojel ij saq: I ucho'ab' lik chnajtin ni ronojel ij saq; i rajawinik lik arewi k-e ij saq chrij chke konojel i lemajil.

Salmos 35:17

Ajwal, ¿K'a junpa kamayij ile chi to' kataqej wach taq kki'ano? ¡Chato ink'aslemal chkiwach i pacha taq je koj le, man lik xa jun ink'aslemal olik!

Salmos 32:7

Yet at wuwajb'al wib'; kinato chwach i k'ax; kasutij wij ru' i b'ix re i o'tanik.

Salmos 18:48

Ire kinresaj chwach i nim laj koywal i je ajch'oj chwij, chkiwach i je utz ti laj taq winaq chi xepe chwij; ¡Yet, Ajwal, kinawesaj pki'ab' i je ajkamsanel laj taq winaq!

Job 36:15

Rumal i tojpen, i Dios kresaj i jun pa k'ax; rumal i uk'axk'ol, Ire ku'an che chi kuta ub'e.

Hebreos 2:4

Xwi ta la ile, i Dios xu'ano xaq xuk'ut chqe ru' nimaq taq il, ru' nimaq taq aljinsab'al, xaq nimaq taq anik, k'utb'al re ucho'ab'; xaq xuya Lo'laj Utewal i Dios chqe, ru' jalajuj taq anik chi xraj uya'ik i Dios chqe yoj.

Juan 4:48

Are uri i Jesús xub'ij che: —Yix lik kinikoj taj we kiwil ti jun nim laj il.

Daniel 4:35

Chwach ire, lik nti ki'ij i winaq chwach i jyub' ta'aj. Ire ku'ano pacha kuch'ob'o, keje pacha ku'an i chikaj xaq keje ile ku'an chwach ulew. Lik mijun ktiki chu'atixik ucho'ab' xaq mitene ktz'onox taq che b'uchak ku'an ile chi ku'ano le.

Daniel 6:20

I ajawinel are o chik chunaqaj, lik ru' b'is xusik'ij ma Daniel, xub'ij: —Ma Daniel, chi rajchak i Dios k'aslik, ¿Xtiki nawi a-Dios, chato'ik chkiwach i koj chi yet lik aya'om ak'ux che?

1 Samuel 17:26

Are uri a David xutz'onoj chke ni'pa je o putzal: —¿Wach taq kya' che i achi chi kukamsaj i achi le chi keuto'ta i aj Israel chu'anik ch'oj? ¿Pachin taq aj Filistea le chi ajkojol ki'ij i jalajuj taq tiox chi keuto'ta i achiyab' chi je yij che i ch'oj re i Dios chi lik k'aslik?

Salmos 145:13

I awajawinik are jun ajawinik ronojel ij saq uwach, xaq a'atb'al tzij lik ronojel ij saq uwach.

JEREMÍAS 10:10

I Ajwal are i saqil laj Dios, are i k'aslik Dios, are i Ajawinel ronojel ij saq. Are kpe roywal lik kyikyat ulew rumal, i nimaq taq tinimit ketiki ti chu'atixik i roywal.

Daniel 2:44

Che i ki'ajawinik i ajawinelab' le, i Dios aj chikaj ku'an ni jun k'ijib'al re ajawinik chi lik kwulijsax taj xaq lik nti jun chik tinimit kuya taq rib' puwi, are ni Ire kusach ni kiwach konojel i jub'an chik ajawinik, xaq lik nti uk'isik ronojel ij saq.

Daniel 4:31

K'a ktijin i ajawinel che i lapanik are xtataj jun ch'awb'al chikaj, chi xub'ij: Chata iri ajawinel ma Nabucodonosor. I awajawinik, chi kk'is wi;