Biblia Todo Logo
Bib sou entènèt

- Piblisite -




Daniel 6:26 - Wuj Pa K'ubultzij

26 rumali kinya i taqanik xaq kinb'ij chke ni'pa je o pwajawinik, chi chkikojo u'ij xaq chkiya u'ij u-Dios ma Daniel. Man Ire are i Dios k'aslik, xaq lik arewi k-e ij saq chrij. I rajawinik lik ksachsax ti uwach xaq i nim laj ucho'ab' nti uk'isik.

Gade chapit la Kopi




Daniel 6:26
39 Referans Kwoze  

Are xtz'aqat i ij re i k'oqonik, yin, ma Nabucodonosor, xintaqen chikaj i xinna'o chi xinutzir che inch'ujlal; are uri xinkoj u'ij i Nim laj Dios i xinb'ixaj ru' i tziji chi arewi k'aslik ronojel ij saq: I ucho'ab' lik chnajtin ni ronojel ij saq; i rajawinik lik arewi k-e ij saq chrij chke konojel i lemajil.


Ire lik arewi krajawin ni pkiwi i aj Israel winaq; i u'atb'al tzij lik nti uk'isik. Keje ile xub'ij i ángel che.


Te'uri xya' i cho'ab' pu'ab', chomalil xaq i ajawinik, konojel i winaq re nimaq taq tinimit xaq k'iyal taq ch'ab'al kechakun ru'. I ucho'ab' lik arewi kjaltaj taj, xaq rajawinik lik arewi kwulijsax taj.


¡Lik nimaq taq anik xaq i nimaq taq il! I rajawinik lik knajtin ni uwach ronojel ij saq i ktiki chu'anik lik nti uk'isik, arewi k-e chke konojel i lemajil.


Rumali wo'or, yin kinya i taqanik, chi pachin taq jun winaq k'ax kch'aw che i Dios ke alab'omi, lik chmutmaxoq, xaq i rachoch chu'ana ni pacha jut'ub'aj tz'il, xa pa chke tinimit kpe wi, we nimaq taq tinimit, xa pa chke taq ch'ab'al, man lik nti chik jun Dios chi ktonik pacha Ire.”


Che i ki'ajawinik i ajawinelab' le, i Dios aj chikaj ku'an ni jun k'ijib'al re ajawinik chi lik kwulijsax taj xaq lik nti jun chik tinimit kuya taq rib' puwi, are ni Ire kusach ni kiwach konojel i jub'an chik ajawinik, xaq lik nti uk'isik ronojel ij saq.


I Ajwal xkub'i puwi i nim laj jab'; xkub'i'ik pacha jun ajawinel ronojel ij saq.


Chikojo u'ij i Ajwal ru' kikotemal xaq lik chixija iwib' che. Chixxuki chwach Ire ru' b'arb'atik, man keje ile kpe ti roywal xaq ksach ti iwach pa taq b'e. ¡Utz ke konojel ni'pa kkikub'a kik'ux che Ire!


Te'uri i uwuq ángel xuch'awsaj u-trompeta, xaq xtataj jub'an ch'awb'al chila chikaj. Ko xkib'ij: I ajawinik re konojel i tinimit chwach i jyub' ta'aj o chik pu'ab' i Qajwal Dios, xaq pu'ab' i Cristo. Ire ku'an ni rajawinik k-e ij saq chrij. Keje ile xkib'ij.


Xaq lik che i k'ijib'al le ipa xb'ix wi chiwe “Yix lik ix intinimit taj”, Lik kb'ix ni chiwe chi ix rak'al i Dios chi lik k'aslik.


Yin in are i Ajwal, chi kinjaltaj taj. Rumali yix, chi ix umuq uxikin i ma Jacob, lik sachsam ti iwach.


Che jun ij k-on panoq i aj Israel keu'on na pacha i seneb' re i mar, chi mijun ktiki chupajik xaq lik mijun ktiki chrajlaxik. Puk'exel kb'ix iri chke “Yix ix intinimit ti chik”, i Dios kub'ij ni chke: “Yix ix rak'al i Dios k'aslik.”


I ajawinik, i cho'ab' xaq chomalil re konojel i ajawinik chwach i jyub' ta'aj, lik kya' ni che utinimit i Nim laj Dios aj chikaj. I rajawinik lik o ni ronojel ij saq xaq konojel i tinimit re uwach ulew kechakun ru' xaq kekojon ni che.


I Ajwal are i saqil laj Dios, are i k'aslik Dios, are i Ajawinel ronojel ij saq. Are kpe roywal lik kyikyat ulew rumal, i nimaq taq tinimit ketiki ti chu'atixik i roywal.


Are uri i je kajib' b'iroxik chi o kixik' pacha winaq ketzunik xkib'ij: “¡Lik keje ile ch-antaj na!” Xecha. Are uri i je kajib' juwinaq (24) nimaq taq winaq xexuki'ik, xaq xkikoj u'ij Ire chi kk'is ti uk'aslemal k-e ij saq chrij.


Ni'pa i utz yatal chqe, ni'pa i chom o qu', i Qaqajaw chikaj are Ire yawnaq chqe, chi x-anaw i ij, i ik', i ch'umil. Ike xa kkijal kib', xwiri i Dios kujal ti rib', kujalwachij ti unojb'al.


Man i Dios, pacha jun a' chi kuporoj ni'pa i utz taj chi o chwach.


Maya chqe kojtzaq chupam i tzaqsab'al, lik chojawesaj pu'ab' Itzel.


I ajawinel are o chik chunaqaj, lik ru' b'is xusik'ij ma Daniel, xub'ij: —Ma Daniel, chi rajchak i Dios k'aslik, ¿Xtiki nawi a-Dios, chato'ik chkiwach i koj chi yet lik aya'om ak'ux che?


Kkub'i ni pa ukub'ib'al ma David chi o u'ij; xaipa kupaxsaj nu b'i ucho'ab', xaq i chomb'al ib' lik kk'is taj; i rajawinik lik utz ukub'axik kkanaj na, xaq i uxeb'al are ni u'anik i suk'ul laj atb'al tzij, ile o ke i winaq che, kjeqan b'i wo'or lik k'a arewi ronojel ij saq. Ile are ku'an ni nim laj k'axnab'al uk'ux i Ajwal chi ronojel ktiki che.


Yet, Sion, i Ajwal krajawin ni ronojel ij saq; i a-Dios krajawin ni ronojel ij saq. ¡K'amori che i Dios!


I inch'akul lik ksiksat chawach rumal xib'rikil, xaq rumal i nim laj a'ij kwaj ukojik i ataqanik.


Tupu we koj xaq we yum, i awajchaki lik kukamsaj. I aj Filistea le chi ajkojol ki'ij i jalajuj taq tiox xaq keje ile kuk'ulmaj na. Man lik arewi kuto'ta koywal achiyab' chi je yij che i ch'oj chi je re i Dios k'aslik.


Are uri a David xutz'onoj chke ni'pa je o putzal: —¿Wach taq kya' che i achi chi kukamsaj i achi le chi keuto'ta i aj Israel chu'anik ch'oj? ¿Pachin taq aj Filistea le chi ajkojol ki'ij i jalajuj taq tiox chi keuto'ta i achiyab' chi je yij che i ch'oj re i Dios chi lik k'aslik?


¿O wa jun winaq chi utom uch'awb'al i k'aslik Dios chi kch'aw li che pa a' pacha qatom yoj, we xkam taj?


Are ike kkib'ij chqe yoj wach i qak'ulaxik xi'an yix are xixqasolij. Xaq kkib'ij chqe wach ro'taxik kan i tiox xi'ano are xixterej chrij i Dios; kkib'ij chi keje ile xi'ano are xijeq ukojik u'ij i Dios k'aslik, i Dios chi lik saqil.


Rajwaxik taj che we o taq kya' che rumal jun winaq, man are Ire kyaw kik'aslemal konojel ni'pa i winaq, kuya kuxlab' xaq ronojel ni'pa i b'iroxik.


Yin kinb'ij ni uri chiwe pachin che chixija wi iwib': Chixija iwib' uri che i Dios; man Ire we xixkamsaxik o pu'ab' kixuya pa a' chi ktoqowik ronojel ij saq.


¡Man Yin xin-anaw ronojel ni'pa i b'iroxiki, rumali xkitikb'a winaqirik! Yin, chi in Ajwal, xinb'ij ile. I winaq chi kinkoj retalil Yin, are i nib'a' xaq i kb'ison uk'ux chi kuya u'ij intzij.


Rumali chi xapachin chiwe yix, chi ix utinimit i Ajwal, chixuto ni uri Iwajwal Dios; xaq chixtzalij chik pa Jerusalén chi o pa Judá chuyakik i rachoch i Ajwal, chi ki-Dios aj Israel, chi are Dios chi jeqel pa Jerusalén.


Yin, ma Artajerjes, chi in ajawinel, kinya jun taqanik chke konojel ajk'olon mer chi je o pusuk' i qajb'al ij che i raqana Éufrates, chi lik kkiya ronojel ni'pa kutz'onoj ma Esdras, chi ajsujul sipon chi xaq tijonel che ronojel ni'pa utaqanik xaq u'atb'al tzij i Dios aj chikaj,


I wanima lik rajwaxik i Dios che, chi are i Dios k'aslik. ¿Junpa nawi kinupon chuk'utik wib' chwach i Dios?


Swiv nou:

Piblisite


Piblisite