Daniel 6:25 - Wuj Pa K'ubultzij

²⁵ Are uri i ajawinel ma Darío xutz'ib'aj b'i chke konojel i winaq chke i nimaq taq tinimit xaq i ch'ab'al re uwach i jyub' ta'aj, keje iri xub'ij b'i chke: Yin kwaj i chomb'al ib' chiwe yix xaq iwelik chisaq,

Daniel 6:25 Referans Kwoze

Daniel 4:1

Yin in ajawinel ma Nabucodonosor, kwaj i chomb'al ib' xaq i elik chisaq chke i winaq ke konojel taq i tinimit, nimaq taq tinimit xaq i kich'ab'al konojel i je o chwach ronojel ulew.

1 Pédro 1:2

Ix ultal rumal i Qaqajaw Dios pacha uch'ob'om li k'a chuxeb'al ij saq. Wo'or rumal i Tewal, ix resam yix man keje ile kixkojon che xaq ix ch'ajtajnaq chik ru' ukik'el i Jesucristo. Chik'ama che i Dios chi lik kuya ni uk'iyal utzil chomal chiwe, xaq i uxlanb'al ik'ux.

Ester 8:9

Are uri i ajawinel lik xutaq la kisik'ixik i rajtz'ib' man kkitz'ib'aj i wuj. Che i ij oxib' juwinaq re urox ik' chi Siván ub'i, ronojel ni'pa xutaq utz'ib'axik ma Mardoqueo, xtaqi b'i chke aj Israel, chke aj-ok'al utzam i jalajuj taq tinimit, xaq pa taq komon, xaq chke jub'an chik aj-atol tzij, chke i wuqub' waqwinaq tinimit (127), chi kjeqan li chila pa tinimit India k'a kupon pa tinimit Etiopía, ni'pa i wuj le tz'ib'tal b'i pkich'ab'al i winaq re i jalajuj taq tinimit le. Xwiri i wuj chi xtaq b'i chke aj Israel lik tz'ib'tal pkich'ab'al ike.

Ester 3:12

Che i ij oxlajuj re i nab'e ik' che i junab' xesik'ix konojel ajtz'ib' re i ajawinel, ike le xkitz'ib'aj i taqanik chi xub'ij ma Amán man ktaq b'i ku' aj-ok'al utzam chke i jalajuj taq tinimit xaq aj-ok'al utzam i nimaq taq tinimit. I taqanik le xtz'ib'ax pkich'ab'al i jalajuj taq tinimit, juch'um uwach rumal i ajawinel ma Asuero xaq xkikoj b'i uk'exwach ub'aq re uwi u'ab' che.

Esdras 4:17

Are uri i ajawinel ma Artajerjes keje ula'ik uwach iri xutaq b'i che ma Rehum, chi atz laj aj-ok'al utzam i kaj-atzil i achiyab' chi je yij che i ch'oj, che ma Simsai chi ajtz'ib' xaq chke i rachi'il chi je jeqel pa Samaria, xaq che ulew chi o pusuk' i qajb'al ij che i raqana Éufrates: Chik'ama jun rutzil iwach.

Júdas 1:2

Kwaj yin chi i Dios lik kril ni tob'al iwach, xaq chuya ni utz laj olem, xaq lik k'ax chixuna na.

2 Pédro 1:2

Kintz'onoj che i Dios chi kuya ni uk'iyal utzil chomal piwi, xaq i chomb'al ib' pik'ux rumal i retamaxik unojb'al i Dios, xaq i Qajwal Jesucristo.

Daniel 3:4

I winaq chi yatal chuqul ub'ixkil i tzij re ujeqik i nima'ij xsik'in chub'ixkil: “Chita, yix winaq re konojel i tinimit, nimaq taq tinimit xaq k'iyal taq ch'ab'al:

Deuteronomio 19:19

kya' ni uri utojb'alil che pacha kraj te'eq ire che i jun chik rachi'il. Keje ile kk'is ni uri i utz taj chi o chixol yix.

Ester 7:10

Keje uri ile chi ma Amán xtzayb'ax che i jitz'b'al chi xutaq uyijb'axik, kamsab'al te'eq re ma Mardoqueo. Chrijil chik ile, i ajawinel xik'aw i nim laj roywal.

Salmos 7:15

U'anom jun nim laj k'otom chi lik naj upam; xaq chupam i uk'otom le ktzaq na.

Salmos 9:16

I Ajwal uya'om retamaxik pachin Ire; ¡Ire u'anom i suk'ul laj atb'al tzij! Man i utz ti laj winaq ktzaq chupam i tzaqsab'al chi are ire yijb'awnaq.

Proverbios 11:8

I Dios kuto ni utz laj winaq chwach i k'ax, xaq kuya i tojb'alil chke i je utz ti laj taq winaq.