Daniel 5:8 - Wuj Pa K'ubultzij

⁸ Konojel i o kino'oj chi kechakun ru' i ajawinel xe'ok b'i pa ja che i k'ijib'al chi o pa okb'al tan, xwiri mijun xuta ub'e wach kraj ub'ixkil i tz'ib'talik xaq mitene ub'ixkil usuk' che i ajawinel.

Daniel 5:8 Referans Kwoze

Daniel 2:27

A Daniel xula' uwach: —Lik nti jun o uno'oj, mitene ajnanel, mitene aj-ij xaq mitene jun chi reta'am wach ki'anom i ch'umil re kub'ij taq usuk' chawe wach kawaj retamaxik yet, Nim laj Winaq.

Daniel 4:7

Xek'un konojel ni'pa i aj-ij, ajnanel, ajch'ob'onel aj Babilonia, xaq i jub'an chi keta'am wach ki'anom i ch'umil, yin xinlap i wachik' chke xwiri xetiki ti chub'ixkil chwe wach kraj ub'ixkil i wachik'.

GÉNESIS 41:8

Are xsaqirik xwalij loq, lik k'achirnaq rumal i rachik' le chi xu'ano, rumali xutaq kisik'ixik konojel aj-ij xaq konojel i o kino'oj chi je o chila pa Egipto. Are uri xulap i keb' rachik' le chke, xwiri mijun xtiki chusaqixik wach ke'el usuk' i keb' rachik' le.

Daniel 5:15

Man i achiyab' chi lik o kino'oj re i tinimit je k'unnaq chi chrajlaxik i tziji xaq re kkib'ij i usuk' chwe, xwiri mitene ike kkita ub'e.

ISAÍAS 47:9

Xaqte'et, xaq lik xa jun chi ij kpe ni jalajuj taq k'ax pawi: Katmalkanij ni kanoq xaq nti awak'al, tupu kakoj k'iyal taq itz xaq jalajuj taq moxinik.

JEREMÍAS 50:35

I Ajwal kub'ij: ¡I ch'oj pa tinimit Babilonia xaq chke uwinaq chi je jeqel chila! ¡Chke i kaj-atzil xaq chke i o kino'oj!

Daniel 4:18

Iri are i achik' chi yin in ajawinel ma Nabucodonosor, xwachik'aj. Wo'or, a Beltsasar, chab'ij chwe wach ke'eloq, man mijun chke i o kino'oj re inrajawinik utom ti ub'e; xwiri yet kattiki ni chub'ixkil chwe wach ke'eloq, man awu' yet o utewal i lo'laj Dios.

Daniel 4:4

Yin in ma Nabucodonosor, utz te'eq in jeqel chupam i nim laj wachoch xaq lik kinqusij te'eq jun chom laj k'aslemal re elb'al chisaq.