Daniel 5:21 - Wuj Pa K'ubultzij

²¹ Xelsax chkixol i winaq i x-on pacha jun chikop; xjeqi ku' itzel taq axna aj pa taq es, xutij es pacha i b'oyexab', i uxaqk'aj xuch'enensaj uch'akul, k'a xretamaj na chi are i Nim laj Dios aj chikaj o ucho'ab' pkiwi konojel i winaq chi kerajawinik, chi xaq are Ire kuch'ik rij i aj-ok'al utzam i tinimit chrij pacha kraj Ire.

Daniel 5:21 Referans Kwoze

Daniel 4:25

Xaq yet, Nim laj Winaq, katelsax ni chkixol i winaq i katjeqi ni ku' i chikop; katij ni es pacha taq i b'oyexab', xaq uxaqk'aj lik kuch'enensaj ni ach'akul. Lik keje ni ile katk'asi che wuqub' junab' k'a kawetamaj na chi i Nim laj Dios aj chikaj nim ucho'ab' pkiwi konojel i ajawinelab', chi xaq are Ire kukoj jun aj-ok'al utzam pacha kraj Ire.

Ezequiel 17:24

Konojel i che' chi je o pa taq es kketamaj na chi Yin in Ajwal. Yin kink'atzij ni i che' chi lik kukoj u'ij xaq kin-an ni che i che' ch'utin kk'iyik. Yin kinchaqijsaj i che' rax i kin-an rax che i che' chaqij. Yin in Ajwal, kinb'ij xaq lik kin-ano.

Daniel 4:35

Chwach ire, lik nti ki'ij i winaq chwach i jyub' ta'aj. Ire ku'ano pacha kuch'ob'o, keje pacha ku'an i chikaj xaq keje ile ku'an chwach ulew. Lik mijun ktiki chu'atixik ucho'ab' xaq mitene ktz'onox taq che b'uchak ku'an ile chi ku'ano le.

Daniel 4:17

Iri are i k'oqb'al chi kich'ikom i lo'laj taq ángel chi je ajchajinelab', man keje ile konojel i winaq chketamaj chi i Nim laj Dios aj chikaj lik o ucho'ab' pkiwi i winaq chi kerajawinik, lik are Ire kuya i ajawinik che i jun chi kraj kuya che, xaq ku'an aj-atzil puwi jun nim laj tinimit che i jun chi lik ajaj laj winaq.

Daniel 4:37

Rumali wo'or, yin, ma Nabucodonosor, kinb'ixaj, kinkoj u'ij xaq kinb'ij uchomal i ajawinel re chikaj, man ronojel ni'pa i ku'ano lik saqil xaq suk'ulik, xaq kuqajsaj ki'ij i jub'an chi kkikoj ki'ij.

Job 39:5

¿Pachin xo'taw b'i i axna aj pa taq es? ¿Pachin xyaw che chi to' enaq b'ik?

Daniel 4:34

Are xtz'aqat i ij re i k'oqonik, yin, ma Nabucodonosor, xintaqen chikaj i xinna'o chi xinutzir che inch'ujlal; are uri xinkoj u'ij i Nim laj Dios i xinb'ixaj ru' i tziji chi arewi k'aslik ronojel ij saq: I ucho'ab' lik chnajtin ni ronojel ij saq; i rajawinik lik arewi k-e ij saq chrij chke konojel i lemajil.

Daniel 5:18

I Nim laj Dios are Ire xuya i ajawinik, xaq i nim laj cho'ab', chomalil xaq i u'ij i ma Nabucodonosor, chi aqajaw yet, Nim laj Winaq.

Daniel 4:14

chi ksik'in chub'ixkil: Chik'aqa i che' pulew xaq chik'atzij u'ab', chiwesaj uxaq, xaq chikichersaj b'i uwach. Che'anmaj i chikop chi kemujan chuxe' xaq i tz'ikin chi je o chwi taq u'ab'.

Daniel 4:22

i che' le are yet, Nim laj Winaq, chi lik at k'iynaq xaq nim a'ij. I unimal a'ij yet, Nim laj Winaq, lik k'iynaq chi lik kupon unimal k'a chikaj, xaq i ajawinik lik enaq puwi ronojel i jyub' ta'aj.

Daniel 4:26

I taqanik chi k-anik, chi kya' kan i ukutamil xaq i ra' i che' pulew, ile ke'eloq chi kattzalij chik yet, Nim laj Winaq, pa ajawinik are kawetamaj chi i Dios are Ire o ucho'ab'.