Daniel 5:2 - Wuj Pa K'ubultzij

^2-3 Are lik ab'arel chik, i ajawinel ma Belsasar xutaq uk'amik i tu'b'al xaq i xar re an-o'oj i saq-o'oj chi ma Nabucodonosor chi uqajaw uk'amom li prachoch i Ajwal pa Jerusalén. I tu'b'al xaq i xar xek'am loq, i xetu'un chupam, i ajawinel, konojel i rixoqil, xaq konojel i qas ti mer je rixoqil, xaq konojel ni'pa je o chila che i nim laj wa'im.

Daniel 5:2 Referans Kwoze

Daniel 1:2

I Ajwal xuya che i ma Nabucodonosor chi kuchap b'i ma Joacim, chi xaq ktzaq ni pu'ab' k'iyal taq chapb'al re prachoch i Ajwal. Ma Nabucodonosor xeuk'am b'i ajprexil pa Sinar, xaq xuya ni'pa taq i chapb'al chi lik o u'ij chupam i rachoch utiox chi xaril je antalik;

2 Reyes 24:13

Chrijil chik ile, ma Nabucodonosor xresaj li ronojel ni'pa i b'eyomal chi o prachoch i Ajwal, xaq ni'pa o pa nim laj rachoch i ajawinel, lik x-antajik chrij pacha ub'im i Ajwal, man xupaxij ronojel ni'pa i b'iroxik an-o'oj chi xu'an ma Salomón, chi ajawinel aj Israel, re i rachoch i Ajwal.

Daniel 5:23

Xwiri yet, Nim laj Winaq, aqelom i Ajwal aj chikaj, ataqom uk'amik i tu'b'al xaq i xar re prachoch i Ajwal, aya'om chwach i mexa, junam ku' je asik'im, atu'um i uwa'al uva muqb'am chupam i tu'b'al le, xaq akojom ki'ij i dios chi antal che anpwaq, saqpwaq, anch'ich', ch'ich', che' xaq i ab'aj; tiox chi ketzun taj, ketan taj xaq lik nti o keta'am. Xwiri, akojom ti u'ij i Dios chi pu'ab' Ire o wi ak'aslemal yet, Nim laj Winaq, chi xaq che Ire kpe wi ni'pa taq i ka'ano.

2 Reyes 25:15

Xaq ma Nabuzaradán, chi aj-ok'al utzam ke achiyab' chi je yij che i ch'oj, xuk'am b'i ronojel i jalajuj taq b'iroxik chi saq-o'oj xaq i an-o'oj: Chi are yinb'al upam a'al xaq i nimaq taq laq.

Daniel 5:18

I Nim laj Dios are Ire xuya i ajawinik, xaq i nim laj cho'ab', chomalil xaq i u'ij i ma Nabucodonosor, chi aqajaw yet, Nim laj Winaq.

Daniel 5:13

I a Daniel xk'am b'i chwach i ajawinel, i ajawinel xutz'onoj che: —¿Yet at a Daniel, jun chke ajprexil aj Judá chi inqajaw ajawinel ma Nabucodonosor, xuk'am li che i tinimit Judea?

Daniel 5:11

man che awajawinik o jun achi chi ok'am rumal Utewal i lo'laj Dios. Man aqajaw yet, Nim laj Winaq, are ajawinel te'eq, xuk'utu chi o jun unojb'al saqil i ub'iwil xaq uno'oj pacha taq ke i dios. Rumali i ajawinel ma Nabucodonosor, chi aqajaw yet, Nim laj Winaq, xuch'ik kan rij i achi le chi kaj-atzil konojel i je aj-ij, ajnanel, o kino'oj xaq i jub'an chi keta'am wach ki'anom i ch'umil pa nim laj tinimit,

Daniel 5:4

Konojel kkitu' i uwa'al uva muqb'am xaq kkikoj u'ij i kitiox chi xaril je antalik, je antal che i an-o'oj, che i saq-o'oj, che anch'ich', che i ch'ich', che i che' xaq che i ab'aj.

JEREMÍAS 52:19

Xaq keje xu'an i aj-ok'al utzam chke i ajchajinelab', xuk'am b'i ronojel b'iroxik chi an-o'oj xaq i saq-o'oj: Nimaq taq ripraq laq, sib'al, nimaq taq laq, yab'al chaj, tikb'al kantela, nimaq taq lochb'al xaq i tu'b'al re i uwa'al uva muqb'am re sujunik.

JEREMÍAS 27:7

Konojel ni'pa i nimaq taq tinimit lik kek'iji ni pu'ab' ire, pu'ab' rak'al xaq pu'ab' i ri umam k'a kuriqa ni ij chi i nim laj utinimit ire le kk'iji ni pki'ab' i nimaq taq tinimit xaq nimaq taq ajawinelab'.

SEGUNDO LIBRO DE CR%D3NICAS 36:18

Ronojel ni'pa i chapanb'al re i rachoch i Dios, nimaq chi ch'utiq, b'eyomal re i rachoch i Dios, re i ajawinel xaq ke i rajpatanib', is ronojel xuk'am b'i ajawinel aj Caldea chila pa Babilonia.

SEGUNDO LIBRO DE CR%D3NICAS 36:10

Che i nab'e taq ij re i junab' le, ma Nabucodonosor chi ajawinel pa Babilonia, xutaq uk'amik b'i ma Joaquín junam ru' i jalajuj taq chapanb'al re i rachoch i Ajwal chi lik paqal rajil; are uri xuya kan ma Sedequías, chi ucha' ma Joaquín, pa ajawinel chila Judá xaq Jerusalén.

SEGUNDO LIBRO DE CR%D3NICAS 15:16

Xwi ta la ile, i ma Asa chi ajawinel xaq xresaj u'ij i ratit, chi ati Maaca, man i ratit le uyijb'am jun tiox chi Asera ub'i. Ma Asa xu'an ch'aqa taq che i tiox le, xaq xunak' a' che chila chuchi' i raqana Cedrón.

SEGUNDO LIBRO DE CR%D3NICAS 11:20

Chrijil chik ile i ma Roboam xk'uli ru' ati Maaca, chi umi'al ma Absalón; i kak'al je are iri: Ma Abías, ma Atay, ma Ziza xaq ma Selomit.

2 Samuel 9:7

Are uri ma David xub'ij che: —Maxij awib', man yin lik utz awilik kin-ano kuxtab'al re aqajaw, chi ma Jonatán. Kin-an na chi kya' chik ronojel ulew chawe chi re kan etz amam ma Saúl, xaq arewi katij ni awa wu' chwi mexa.

NÚMEROS 7:79

I usipon chi xusujuj lik keje pacha i xkisujuj i jub'an.

Esdras 5:14

Xaq xkib'ij chqe: Chi i ajawinel ma Ciro xresaj li ronojel ni'pa chapanb'al an-o'oj xaq saq-o'oj prachoch utiox ma Nabucodonosor chi xrel-aj li prachoch i Dios chila Jerusalén, xujach pu'ab' ma Sesbasar, chi uya'om kan pa aj-ok'al utzam i tinimit.

JEREMÍAS 50:35

I Ajwal kub'ij: ¡I ch'oj pa tinimit Babilonia xaq chke uwinaq chi je jeqel chila! ¡Chke i kaj-atzil xaq chke i o kino'oj!

Daniel 5:30

Lik che i a'ab' le xkamsax ma Belsasar, chi ajawinel ke aj Caldea,