Daniel 5:17 - Wuj Pa K'ubultzij

¹⁷ Are uri a Daniel xula' uwach che: —Nim laj winaq, chak'olo asipon, xaq chasujuj che jun chik chi kmajaw che kkanaj kan pa nim laj awachoch. Yin lik to' keje ile kinb'ij ni chawe, Nim laj Winaq, wach kraj ub'ixkil i tzij chi tz'ib'tal chwach xan.

Daniel 5:17 Referans Kwoze

2 Reyes 5:16

Xwiri ma Eliseo xub'ij che: —Lik kinb'ij pub'i i Ajwal, chi kinrilo, kinb'ij chawe chi kink'am ti sipon chi kasujuj chwe le. Tupu ma Naamán xu'an pen che ma Eliseo, xwiri ma Eliseo lik xuk'am taj.

GÉNESIS 14:23

chi kink'am ti jurab'aj chij re t'isb'al xaq mijun uwach xajab' ronojel ni'pa awe yet, man keje ile kab'ij ti iri: Yin xinb'eyomarsaj ma Abram le.

Hechos 8:20

Are uri ma Pedro xula' uwach che: —¡Chporox ni apwaq pa a' junam awu' yet, man xach'ob' taq ulo'ik Utewal i Dios chi are jun sipon re i Dios!

Daniel 5:29

Te'uri i ajawinel Belsasar xutaq ukojik u'u' a Daniel ru' i k'ul re kaqxar xaq kkikoj jun karena re an-o'oj chuqul, xaq xutaq ub'ixkil chke konojel, chi che i or le, a Daniel kya' ni urox k'ijib'al che re aj-ok'al utzam i ajawinik.

Daniel 2:6

Xwiri we kib'ij chwe wach i xwachik'aj xaq wach kraj ub'ixkil i wachik', kya' ni sipon chiwe wumal yin, utzil xaq ukojik i'ij. Keje uri ile, chib'ij chwe wach i xwachik'aj, xaq chib'ij usuk' chwe wach kraj ub'ixkil.

Salmos 119:46

Kinlap ni atzij apixab' chke i ajawinelab' xaq lik kink'ix ti che.

2 Reyes 5:26

I ma Eliseo xub'ij chik che: —Are xqaj li ma Naamán chupam uch'ich' chak'ulaxik, chila o wi wanima yin chrilik ronojel. Xwiri wo'or, are ti or iri chi kqak'am taq saqpwaq, molaj k'ul, ulo'ik ulew, ulo'ik tikb'al uva, ulo'ik chij, ulo'ik b'oyexab', ulo'ik ajtaqon achiyab' xaq ajtaqon ixoqib'.

2 Reyes 3:13

Xwiri ma Eliseo xub'ij che i ajawinel ke aj Israel: —¿Wach taq we yin chawe yet? We kawaj, jat chutz'onoxik chke i je profeta re ukojik u'ij i tiox Baal ke aqajaw achuch. Xwiri i ajawinel ke aj Israel xub'ij chik: —Kin-e taj, man i Ajwal xojuk'am li choj-oxib' waral, jachb'al qe pki'ab' aj Moab.