Daniel 5:13 - Wuj Pa K'ubultzij

¹³ I a Daniel xk'am b'i chwach i ajawinel, i ajawinel xutz'onoj che: —¿Yet at a Daniel, jun chke ajprexil aj Judá chi inqajaw ajawinel ma Nabucodonosor, xuk'am li che i tinimit Judea?

Daniel 5:13 Referans Kwoze

Daniel 6:13

Are uri ike xkijeq chik ub'ixkil: —Xwi a Daniel, jun chke i aj Judá chi je elsam li che kitinimit, lik kkojon ti chawe, Nim laj Winaq, man ku'an ti i taqanik chi elsam ub'ixkil, man qilom ku'an i oxmul ulapanik ru' u-Dios ij ij.

Daniel 5:11

man che awajawinik o jun achi chi ok'am rumal Utewal i lo'laj Dios. Man aqajaw yet, Nim laj Winaq, are ajawinel te'eq, xuk'utu chi o jun unojb'al saqil i ub'iwil xaq uno'oj pacha taq ke i dios. Rumali i ajawinel ma Nabucodonosor, chi aqajaw yet, Nim laj Winaq, xuch'ik kan rij i achi le chi kaj-atzil konojel i je aj-ij, ajnanel, o kino'oj xaq i jub'an chi keta'am wach ki'anom i ch'umil pa nim laj tinimit,

Daniel 2:25

Te'uri i ma Arioc xuk'am b'i a Daniel chwach i ajawinel ma Nabucodonosor, i xub'ij che i ajawinel: —Chkixol i aj Judá chi je elsam li pkitinimit inriqom jun achi chi kub'ij usuk' chawe yet, Nim laj Winaq, wach kraj ub'ixkil i awachik'.

Juan 7:3

Are uri i ratz i ucha' i Jesús xkib'ij che: —Matkanaj chi; jat pa Judea, keje ile ni'pa je teren chawij chi je o chila kkil ni'pa i ka'ano.

Esdras 6:16

I aj Israel, i je ajsujul sipon, i aj Leví xaq i jub'an chik, chi xe'el li chila Babilonia, lik ru' jun nim laj kikotemal xkijach i ja pu'ab' i Dios kojb'al re u'ij.

Esdras 4:1

I ajch'oj chkij utzob'ajil ma Judá xaq ma Benjamín are xketamaj chi ni'pa je elsam te b'i pa cho'ab' chwach kulew xeupon chik, i xe'ok chuyakik i rachoch i Ajwal chi ki-Dios aj Israel,

Juan 7:1

Chrijil chik ile i Jesús xb'in che ronojel i ulew Galilea; xraj ti olem pa Judea man aj Judío kkaj ukamsaxik.

Daniel 8:27

Yin, ma Daniel, xinna'o chi lik nti chik incho'ab', i lik xinu'on iwab' k'iyal taq ij. Te'uri xinwalij chik, xinjeq chik chak pa atb'al tzij pacha ax kin-an wi che i nim laj tinimit. Xwiri yin lik kink'achir rumal i ilik pa wachij chi xwilo, man lik kinta ti ub'e.

Daniel 8:1

Che urox junab' re i rajawinik i ma Belsasar, yin, ma Daniel xwil chik jun b'iroxik pinwach, chrijil chik i jun chi xwil nab'e.

Daniel 5:18

I Nim laj Dios are Ire xuya i ajawinik, xaq i nim laj cho'ab', chomalil xaq i u'ij i ma Nabucodonosor, chi aqajaw yet, Nim laj Winaq.

Daniel 5:2

Are lik ab'arel chik, i ajawinel ma Belsasar xutaq uk'amik i tu'b'al xaq i xar re an-o'oj i saq-o'oj chi ma Nabucodonosor chi uqajaw uk'amom li prachoch i Ajwal pa Jerusalén. I tu'b'al xaq i xar xek'am loq, i xetu'un chupam, i ajawinel, konojel i rixoqil, xaq konojel i qas ti mer je rixoqil, xaq konojel ni'pa je o chila che i nim laj wa'im.

Daniel 2:48

Te'uri i ajawinel xuya a Daniel che jun k'ijib'al nim u'ij xaq xutaq u'anik chomiq taq sipon re kuya che; xwi ta la ile, xaq xuch'ik rij chi aj-ok'al utzam puwi i ulew re i tinimit Babilonia xaq kaj-atzil konojel ni'pa o kino'oj che i nim laj tinimit le.

Daniel 1:21

I a Daniel xkanaj chila k'a che i nab'e junab' re i rajawinik i ajawinel ma Ciro.

Esdras 10:7

Chrijil chik ile, xesik'ix konojel aj Judá xaq aj Jerusalén ni'pa xetzalij chaloq man je elsam te b'i pa cho'ab' chwach kulew, kkimol kib' chila Jerusalén.

Daniel 1:1

Che urox junab' re rajawinik ma Joacim, ajawinel re i Judá, i ma Nabucodonosor ajawinel re i Babilonia, xupon pa Jerusalén xaq xusutij rij i tinimit ku' uwinaq chi je yij che i ch'oj.

Daniel 1:2

I Ajwal xuya che i ma Nabucodonosor chi kuchap b'i ma Joacim, chi xaq ktzaq ni pu'ab' k'iyal taq chapb'al re prachoch i Ajwal. Ma Nabucodonosor xeuk'am b'i ajprexil pa Sinar, xaq xuya ni'pa taq i chapb'al chi lik o u'ij chupam i rachoch utiox chi xaril je antalik;

Daniel 5:14

B'ital chwe chi utewal i Dios lik o awu' yet, chi lik saqil anojb'al, xaq lik at b'iw i lik o ano'oj.

Daniel 1:6

Chkixol alab'om le o i a Daniel, a Ananías, a Misael xaq i a Azarías, chi je re i utzob'ajil ma Judá