Daniel 4:6 - Wuj Pa K'ubultzij

⁶ Are uri xinya i taqanik chi kek'un wu' konojel i o kino'oj aj Babilonia, re kkib'ij usuk' chwe wach kel i wachik'.

Daniel 4:6 Referans Kwoze

Daniel 2:2

Are uri xutaq kisik'ixik aj-ij, ajnanel, aj-itz xaq i je ajch'ob'onel, re kkib'ij usuk' i rachik' che. Ike xe'ek i xkik'ut kib' chwach i ajawinel,

ISAÍAS 8:19

Saq laj tzij i winaq lik kkib'ij ni chiwe: “Chik'ama i no'oj chke i anima xaq chke i kenanik chi kewurwatik xaq kelaylatik. Jun tinimit ¿Xatab'a kuk'am ti uno'oj chke u-dios? ¿Xaq xatab'a kutz'onoj ti pixb'anik chke i kamnaq pkiwi i je k'aslik

ÉXODO 7:11

Xwiri ma faraón xeusik'ij ni'pa o kino'oj xaq ni'pa i je aj-ij chi je aj Egipto, xaq ike le xki'ano pacha xki'an ma Moisés xaq ma Aarón;

Daniel 5:7

Te'uri xok chi sik', xeusik'ij i ajnanel o i kino'oj xaq i jub'an aj Babilonia chi keta'am wach ki'anom i ch'umil, xaq xub'ij chke: —Pachin krajlaj ile chi tz'ib'talik, xaq kub'ij chwe wach kraj ub'ixkil, lik koksax ni u'u re kaqxar, kukoj nu b'i jun karena an-o'oj chuqul i kya' ni che urox k'ijib'al re i inrajawinik.

Daniel 1:17

Chke i kajib' alab'omi, i Ajwal xuya kib'iwil xaq kinojb'al re kkitab'ej ub'e k'iyal taq uwach wuj xaq ni'pa taq i etamanik. A Daniel lik kuta ub'e xaq kril ub'e ronojel ni'pa usuk' i b'iroxik chi k-aljin pa wachij xaq i achik'.

Daniel 2:48

Te'uri i ajawinel xuya a Daniel che jun k'ijib'al nim u'ij xaq xutaq u'anik chomiq taq sipon re kuya che; xwi ta la ile, xaq xuch'ik rij chi aj-ok'al utzam puwi i ulew re i tinimit Babilonia xaq kaj-atzil konojel ni'pa o kino'oj che i nim laj tinimit le.

Daniel 4:15

Xwiri chiya kan i ukutam xaq i ra' pulew; chixima ru' karena re ch'ich' xaq re anch'ich', xaq chiya kan chila pa taq es. Chtzaq ni uxaqk'aj puwi ire, xaq es na kutijo junam ku' i chikop aj pa taq es.

Daniel 5:11

man che awajawinik o jun achi chi ok'am rumal Utewal i lo'laj Dios. Man aqajaw yet, Nim laj Winaq, are ajawinel te'eq, xuk'utu chi o jun unojb'al saqil i ub'iwil xaq uno'oj pacha taq ke i dios. Rumali i ajawinel ma Nabucodonosor, chi aqajaw yet, Nim laj Winaq, xuch'ik kan rij i achi le chi kaj-atzil konojel i je aj-ij, ajnanel, o kino'oj xaq i jub'an chi keta'am wach ki'anom i ch'umil pa nim laj tinimit,