Daniel 4:30 - Wuj Pa K'ubultzij

³⁰ xub'ij: ¡Chiwila pe' i tinimit Babilonia lik nim! Yin lik ru' i nim laj incho'ab' xinyako lik pacha uchuch inrajawinik, keje ile kinya kan k'utb'al re i nim laj in-ij.

Daniel 4:30 Referans Kwoze

Proverbios 16:18

Jun chi k-on nim che rib', lik kutzaqsaj rib' uri chupam i utz taj; xaq utukel kusachsaj uk'aslemal.

Apocalipsis 18:10

Ketak'i ni k'a naj rumal kixib'rikil; lik kkixij ni kib' che i tojpen chi kpe puwi i tinimit le, xaq kkib'ij na: “¡Ay, to' awach yet, at nim laj tinimit Babilonia! ¡Yet chi nim acho'ab', lik juntir xpe i tojpen pawi!” Kkib'ij na.

Apocalipsis 17:5

I ixoq o jun b'iyaj tz'ib'tal chwach ukrusil, are jun b'iyaj chi etamam ti usuk'. Keje iri kub'ij: “Iri are i nim laj Babilonia, chi kichuch konojel i je ajmakib' laj taq ixoqib', xaq konojel i je aj-anol utz taj chwach i jyub' ta'aj.”

Lucas 14:11

Man pachin jun ku'an nim che rib', xa kqajsax ni u'ij; xwiri pachin k-on ch'utin che rib', knimarsax ni uri u'ij —xcha i Jesús chke.

Ezequiel 29:3

Chab'ij che: Iri are kub'ij i Ajwal: Yin kinsaqij chawe chi in ajch'oj chawij, ma faraón, ajawinel re i tinimit Egipto, chi pacha at nim laj itzel chikop chi at jupul chupam araqana, chi kab'ij: I raqana Nilo lik we yin, yin xin-anawik.

Apocalipsis 16:19

I nim laj tinimit lik xraqch'ijik, xu'on oxib' tant. Ronojel i tinimit chwach i jyub' ta'aj xewulijik. I Dios xk'un chuk'ux uk'iyal makunik re i nim laj tinimit Babilonia; nim i roywal che, rumali, lik nim i tojpen xupetsaj puwi.

1 Pédro 5:5

Xaq keje yix chi ix alab'om, chixkojon che kitzij i nimaq taq winaq. Iwonojel yix chikojo iwib' chiwach; mi'an nim che iwib', man i wuj re i Dios keje iri kub'ij: “I Dios keu'atij i kki'an nim che kib', xwiri ni'pa i kki'an ti nim che kib', i Dios keuto rumal i rutzil uk'ux chke.”

Salmos 73:8

Ru' i yo'yanik, ru' u'anik nim che kib' xaq kk'ix ti kipalaj chkixib'ixik i winaq chu'anik i mak atzalal xaq i kamik.

Salmos 49:20

I winaq ronojel ij saq ti uwach, tupu lik b'eyom, ire xaq kkamik pacha kki'an konojel i chikop.

Apocalipsis 18:21

Te'uri jun ángel nim ucho'ab' xuyak jun nim laj ab'aj pacha jun nim laj ab'aj re ka' i xuk'aq b'i pa mar. Te'uri xub'ij: “Keje iri k-an ni chawe yet nim laj tinimit Babilonia; katk'aq nu b'ik, i lik k-iltaj ti chik awach.

1 Corintios 10:31

Ix, wachalal, ronojel wach i ki'ano, wach i kitijo, i wach i kitu'u, lik chi'ana kojb'al re i lo'laj u'ij i Dios.

Salmos 104:1

¡Kinnimarsaj u'ij i Ajwal ru' ronojel wanima! ¡Wajwal, Yet lik at nim laj Dios! Xaq lik awiqom awib' ru' a'ij achomal.

Ester 1:4

k'utb'al re chke chi lik nim rajawinik xaq nim laj ucho'ab' u'atb'al tzij. I nima'ij le nik'aj junab' xuch'ijo,

GÉNESIS 10:10

I nimaq taq tinimit chi xk'iji pu'ab' are iri: Babel, Erec, Acad xaq i Calne, ronojel i tinimit le chupam ulew Sinar o wi.

Apocalipsis 14:8

Xk'un chik jun ángel chrij i jun le, i xub'ij: “¡Ya xqaj u'ij i nim laj tinimit chi ajch'oj chrij i Dios, chi are i tinimit Babilonia! ¡Ya xsachsax uwach i tinimit le chi xuk'ut chke konojel i nimaq taq tinimit chu'anik kimak xaq che i kojonik chke i tiox chi xaril je antalik.” Xub'ij i ángel.

Proverbios 29:23

Jun chi k-on nim che rib' kqajsax ni uri u'ij; xwiri jun ajaj laj winaq knimarsax ni u'ij.

ISAÍAS 13:19

Man chke i aj Caldea i Babilonia keje pacha jun perla ke i nimaq taq tinimit, chomiq taq ab'aj re wiqb'al ib' xaq kojb'al ki'ij aj Caldea, ile kkanaj na pacha x-on i Sodoma xaq i Gomorra are xinsach kiwach.

Daniel 4:31

K'a ktijin i ajawinel che i lapanik are xtataj jun ch'awb'al chikaj, chi xub'ij: Chata iri ajawinel ma Nabucodonosor. I awajawinik, chi kk'is wi;

Habacuc 1:11

Are keik'awik je keje pacha jun jab' tew upam; keta'am ti uwach jun dios, lik xwi taq i kicho'ab' ike keta'am.”

Proverbios 11:2

Jun chi k-on nim che rib' xa kuqajsaj u'ij xwiri i no'oj o ku' i je ajaj laj taq winaq.

Lucas 14:9

Te'uri kk'un i rajaw ja, chi ix usik'im chixkeb'; moq kub'ij chawe: “Chaya akub'ib'al che i jun le”; te'uri yet to' katk'ix che, xaq kat-e chutzukuxik jun ak'ijib'al chi nti u'ij.