Daniel 4:26 - Wuj Pa K'ubultzij

²⁶ I taqanik chi k-anik, chi kya' kan i ukutamil xaq i ra' i che' pulew, ile ke'eloq chi kattzalij chik yet, Nim laj Winaq, pa ajawinik are kawetamaj chi i Dios are Ire o ucho'ab'.

Daniel 4:26 Referans Kwoze

Daniel 4:15

Xwiri chiya kan i ukutam xaq i ra' pulew; chixima ru' karena re ch'ich' xaq re anch'ich', xaq chiya kan chila pa taq es. Chtzaq ni uxaqk'aj puwi ire, xaq es na kutijo junam ku' i chikop aj pa taq es.

Lucas 15:21

Te'uri i uk'ojol xub'ij che: “Ta, in-anom inmak chwach i Dios, xaq chawach yet. Kmajaw ti chik kab'ij awak'al chwe.” Xcha.

Lucas 15:18

Kintzalij chik chi rachoch inqajaw xaq kinb'ij che: Ta, in-anom inmak chwach i Dios, xaq chawach yet.

Mateo 21:20

I utijoxelab', are xkil ile, lik xkib'isoj. Are uri xkitz'onoj che i Jesús: —¿Wach xa'an che i che' le, chi juntir xchaqijik? —Xecha.

Mateo 5:34

Xwiri, Yin kinb'ij ni usuk' chiwe: Utz taj kikuxtaj ub'i i Dios puwi i tzij che jun winaq. Xaq mikuxtaj ub'i i kaj, man are uk'ijib'al i Dios chi o u'ij, pa ku'at wi tzij.

Daniel 4:23

Yet, Nim laj Winaq, xaq xawilo chi jun lo'laj ángel ajchajinel, kqaj li chikaj xaq kub'ij: Chik'aqa i che' pulew xaq chisachsaj uwach, xwiri chiya kan ukutamil pulew xaq i ra'; chixima ru' karena ch'ich' xaq anch'ich' i chiya kan pa taq es. Chtzaq ni uxaqk'aj puwi ire, xaq chutija i es junam ku' i chikop aj pa taq es che wuqub' junab'.

Daniel 2:37

Nim laj Winaq, are yet lik mas at nim chkiwach konojel i ajawinelab', man i Dios aj chikaj uya'om chawe chi kat-ajawinik, uya'om i tikilem pa'ab', acho'ab', i a'ij,

Daniel 2:18

re kkitz'onoj kitob'al che i Dios aj chikaj puwi usuk' i achik' chi lik okb'al il, man keje ile kekamsax ti junam ku' jub'an chi o kino'oj pa Babilonia.

Daniel 2:19

Che i a'ab' le i achik' xya' retamaxik usuk' puwach a Daniel, rumali a Daniel xukoj u'ij i Ajwal aj chikaj

Daniel 4:31

K'a ktijin i ajawinel che i lapanik are xtataj jun ch'awb'al chikaj, chi xub'ij: Chata iri ajawinel ma Nabucodonosor. I awajawinik, chi kk'is wi;

Daniel 4:37

Rumali wo'or, yin, ma Nabucodonosor, kinb'ixaj, kinkoj u'ij xaq kinb'ij uchomal i ajawinel re chikaj, man ronojel ni'pa i ku'ano lik saqil xaq suk'ulik, xaq kuqajsaj ki'ij i jub'an chi kkikoj ki'ij.

Daniel 5:20

Xwiri are lik x-on nim che rib', x-on b'uy xaq xukoj u'ij, are uri xelsax pu'ab' ni'pa taq ktiki che xaq i chomalil chi yatal te'eq che re ajawinel.

Daniel 5:21

Xelsax chkixol i winaq i x-on pacha jun chikop; xjeqi ku' itzel taq axna aj pa taq es, xutij es pacha i b'oyexab', i uxaqk'aj xuch'enensaj uch'akul, k'a xretamaj na chi are i Nim laj Dios aj chikaj o ucho'ab' pkiwi konojel i winaq chi kerajawinik, chi xaq are Ire kuch'ik rij i aj-ok'al utzam i tinimit chrij pacha kraj Ire.