Daniel 4:25 - Wuj Pa K'ubultzij

²⁵ Xaq yet, Nim laj Winaq, katelsax ni chkixol i winaq i katjeqi ni ku' i chikop; katij ni es pacha taq i b'oyexab', xaq uxaqk'aj lik kuch'enensaj ni ach'akul. Lik keje ni ile katk'asi che wuqub' junab' k'a kawetamaj na chi i Nim laj Dios aj chikaj nim ucho'ab' pkiwi konojel i ajawinelab', chi xaq are Ire kukoj jun aj-ok'al utzam pacha kraj Ire.

Daniel 4:25 Referans Kwoze

Daniel 4:17

Iri are i k'oqb'al chi kich'ikom i lo'laj taq ángel chi je ajchajinelab', man keje ile konojel i winaq chketamaj chi i Nim laj Dios aj chikaj lik o ucho'ab' pkiwi i winaq chi kerajawinik, lik are Ire kuya i ajawinik che i jun chi kraj kuya che, xaq ku'an aj-atzil puwi jun nim laj tinimit che i jun chi lik ajaj laj winaq.

JEREMÍAS 27:5

Ru' nim laj incho'ab' xin-an i jyub' ta'aj, ni'pa i winaq xaq i chikop chi je o chwach, xaq kinya che i jun pachin che kwaj kinya wi.

Salmos 83:18

¡Chketamaj na chi xwi yet at Ajwal, chi xwi yet at Nim Laj Dios chwach ronojel i jyub' ta'aj!

Daniel 2:21

Ire kujalwachij i ij xaq i junab'; keresaj xaq keukoj ajawinelab', xaq kuya kino'oj i o kinojb'al xaq kuya b'iwil chke i je b'iw.

Salmos 106:20

¡Xkijalwachij i chom laj Dios puk'exel uk'exwach jun me' chi xa es kutijo!

Salmos 75:7

Man i Dios are Ire atol tzij, are Ire ketamanik pachin kuqajsaj u'ij xaq pachin kuyak u'ij.

Salmos 103:19

I Dios u'anom i lo'laj ukub'ib'al chi o u'ij chikaj; xaq krajawin puwi ronojel ni'pa i olik.

Daniel 2:37

Nim laj Winaq, are yet lik mas at nim chkiwach konojel i ajawinelab', man i Dios aj chikaj uya'om chawe chi kat-ajawinik, uya'om i tikilem pa'ab', acho'ab', i a'ij,

Daniel 2:47

Te'uri xub'ij che a Daniel: —Lik qatzij i Dios yix lik mas nim chkiwach konojel ni'pa taq i jub'an chik dios; are ire Ajwal ke i ajawinelab' chi xaq kuya retamaxik ronojel ile chi etamam ti uwach, man yet at tikinaq chretamaxik iri chi etamam ti uwach.

Daniel 4:2

Kwaj yin kiwetamaj wach i nimaq taq b'iroxik chi lik chom u'anom i Nim laj Dios chwe yin.

Daniel 4:16

Chu'ana ch'uj ujolom, chu'ana pacha ujolom jun chikop, i k'ax le chuch'ija ni wuqub' junab' che.