Daniel 4:18 - Wuj Pa K'ubultzij

¹⁸ Iri are i achik' chi yin in ajawinel ma Nabucodonosor, xwachik'aj. Wo'or, a Beltsasar, chab'ij chwe wach ke'eloq, man mijun chke i o kino'oj re inrajawinik utom ti ub'e; xwiri yet kattiki ni chub'ixkil chwe wach ke'eloq, man awu' yet o utewal i lo'laj Dios.

Daniel 4:18 Referans Kwoze

Daniel 5:15

Man i achiyab' chi lik o kino'oj re i tinimit je k'unnaq chi chrajlaxik i tziji xaq re kkib'ij i usuk' chwe, xwiri mitene ike kkita ub'e.

GÉNESIS 41:8

Are xsaqirik xwalij loq, lik k'achirnaq rumal i rachik' le chi xu'ano, rumali xutaq kisik'ixik konojel aj-ij xaq konojel i o kino'oj chi je o chila pa Egipto. Are uri xulap i keb' rachik' le chke, xwiri mijun xtiki chusaqixik wach ke'el usuk' i keb' rachik' le.

Daniel 5:8

Konojel i o kino'oj chi kechakun ru' i ajawinel xe'ok b'i pa ja che i k'ijib'al chi o pa okb'al tan, xwiri mijun xuta ub'e wach kraj ub'ixkil i tz'ib'talik xaq mitene ub'ixkil usuk' che i ajawinel.

GÉNESIS 41:15

I ma faraón xub'ij che: —Yin xin-an jun achik', xwiri mijun tikinaq chusaqixik chwe wach usuk' ke'eloq. Xwiri xwetamaj chi yet are kata jun achik' lik kattiki chusaqixik wach usuk' ke'eloq —xcha.

AMÓS 3:7

I Ajwal nti to' xaq ku'ano we kuya ti retamaxik chke i rajchak chi je profeta.

Daniel 2:7

I je ajch'ob'onel xkila' chik uwach kamul: —Chab'ij chqe, Nim laj Winaq, wach xawachik'aj, i yoj kqab'ij ni usuk' chawe wach kraj ub'ixkil.

ISAÍAS 19:3

Kin-an ni chke chi ksach kinojb'al, kin-an ni chke chi ke'el ti utz ru' wach kich'ob'om u'anik. Are uri kkik'ama kino'oj chke kitiox xaq chke aj-itz, chke i anima xaq chke i kenanik.

GÉNESIS 40:12

Are uri a José xub'ij che: —I awachik' le keje usuk' iri ke'eloq: I oxib' u'ab' i tikon le ke'eloq oxib' ij.

Daniel 1:20

Che ronojel i b'iroxik chi rajwaxik b'iwil che xaq no'oj, puwi ile i ajawinel xutz'onoj chke, xeuriq lajujmul chi lik mas o kino'oj chkiwach konojel i o kino'oj xaq i je ajnanel chi je o chupam rajawinik.

Daniel 2:38

xaq i rajawinik pkiwi konojel i k'ijib'al chi je o winaq chwach, chikop, xaq i tz'ikin; Ire lik uya'om ronojel pa'ab' yet, Nim laj Winaq, chi at are i jolomaj an-o'oj.