Daniel 3:22 - Wuj Pa K'ubultzij

²² Keje uri ile chi ajawinel utaqom u'anik chi lik juntir k-antajik wach xub'ij, i orno lik kjuluw urep i a' chupam, rumali xeumaj b'ik xaq lik xeukamsaj achiyab' chi je yij che i ch'oj chi xek'aqaw b'i oxib' alab'om pa orno,

Daniel 3:22 Referans Kwoze

Proverbios 21:18

Jun utz ti laj winaq chi lik t'oronel, kutij ni uri i k'ax puk'exel i utz laj winaq chi suk'ul uno'oj.

Proverbios 11:8

I Dios kuto ni utz laj winaq chwach i k'ax, xaq kuya i tojb'alil chke i je utz ti laj taq winaq.

ÉXODO 12:33

I je aj Egipto xkib'ij chke aj Israel chi lik chkib'isoj b'i elik pa tinimit, man we kkib'isoj tu b'i elik moq kekam konojel ike.

Hechos 12:19

I ma Herodes xutaq utzukuxik, xwiri are xuriq taj, xuya keqan i chajal rumali xutaq kikamsaxik. Chrijil chik ile, i ma Herodes xel pa Judea, x-e jeqel pa tinimit Cesarea.

Mateo 27:5

Te'uri i ma Judas xujopij b'i saqpwaq prachoch i Dios i xel b'ik. Are uri x-e chujitz'axik rib'.

Daniel 6:24

Te'uri, ru' utaqanik i ajawinel, xek'am li i achiyab' chi xkikoj umak ma Daniel, junam ku' kixoqil xaq ku' i kak'al xek'aq b'i pa jul ku' i koj; lik k'amaja ne keqaj k'a chuxe' i jul i koj lik xkik'aq an kib' chkij i lik xki'an ch'aqa taq chke.

Daniel 2:15

I xutz'onoj che: —¿B'uchak i ajawinel uya'om i taqaniki chi lik k'ax? I ma Arioc xub'ij usuk' che wach rumal.

Daniel 1:7

i aj-atzil re i nim laj ja re i ajawinel chi kchakun chila xujalwachij kib'i: A Daniel xuya pub'i a Beltsasar; a Ananías xuya pub'i a Sadrac; a Misael xuya pub'i a Mesac; xaq i a Azarías xuya pub'i a Abed-nego.

1 Reyes 13:28

Are uri i profeta chi rij chik xe'ek, xeuriqa uch'akul i kamnaq chi jab'al b'i pulew chuk'ulel i ch'akulaj le tak'al b'i axna xaq i koj. I koj utijom tu b'i i ch'akulaj xaq u'anom ti ch'aqa taq che i axna.