Biblia Todo Logo
Bib sou entènèt

- Piblisite -




Daniel 2:49 - Wuj Pa K'ubultzij

49 Tz'onb'enik re a Daniel che i ajawinel chi kuya chke a Sadrac, a Mesac xaq i a Abed-nego jun kik'ijib'al chi lik o u'ij chi are i ke je o puwi i ulew re tinimit Babilonia. I a Daniel xkanaj chila pa ku'at wi tzij i ajawinel.

Gade chapit la Kopi




Daniel 2:49
12 Referans Kwoze  

i aj-atzil re i nim laj ja re i ajawinel chi kchakun chila xujalwachij kib'i: A Daniel xuya pub'i a Beltsasar; a Ananías xuya pub'i a Sadrac; a Misael xuya pub'i a Mesac; xaq i a Azarías xuya pub'i a Abed-nego.


Che taq i ij chi kek'am b'i altom che jun chik upam ja chila pa nim laj rachoch i ajawinel ke ixoqib', ma Mardoqueo kul xol uchija che i nim laj rachoch i ajawinel.


¡Tzel chiwila i utz taj! ¡K'ax china i utz! Chikojo retalil chi pa taq atb'al tzij k-an i atb'al tzij; moqxa keje ile i Ajwal, Dios chi ronojel ktiki che, kuya ni k'axnab'al uk'ux chke i kek'asi ni kan pa tinimit Israel.


Tz'aqat kul ma Mardoqueo xol uchija re i nim laj rachoch i ajawinel, xuta chi ma Bigtán xaq ma Teres, je keb' aj-atzil chke i kechajiw i okb'al che i nim laj rachoch i ajawinel, ketijin che i lapanik. Ike lik petnaq koywal xaq ketijin chuch'ob'ik wach ukamsaxik i ajawinel ma Asuero kki'ano.


Te'uri x-e chi rachoch xaq xub'ij ronojel chke i rachi'il chi je are iri: A Ananías a Misael xaq i a Azarías,


Chke i kajib' alab'omi, i Ajwal xuya kib'iwil xaq kinojb'al re kkitab'ej ub'e k'iyal taq uwach wuj xaq ni'pa taq i etamanik. A Daniel lik kuta ub'e xaq kril ub'e ronojel ni'pa usuk' i b'iroxik chi k-aljin pa wachij xaq i achik'.


Xaq konojel i je rajpatan i ajawinel aj Babilonia xe'ok b'ik, xekub'i chila chwach uchija chi o pa nik'aj. Ike le, je ma Nergal-sarezer, ma Samgar-nebo, ma Sarsequim, jun nim laj aj-atzil, xaq i jun chik nim laj aj-atzil are ma Nergal-sarezer.


I utz laj taq winaq are kech'akanik, k-an jun nim laj nima'ij chke; xwiri are kech'akan i je utz ti laj taq winaq, konojel i winaq kkuwaj kib'.


Konojel ni'pa kki'an kipatan chrij i ajawinel pa nim laj rachoch, kexuki'ik xaq kiqajsaj kipalaj chwach ulew are kik'aw ma Amán, man keje utaqanik i ajawinel ile; xwiri ma Mardoqueo xuqel i taqanik le.


Chkiwach ike le xeukoj oxib' ajk'ak'alinel ke, man keje ile kretamaj wach taq i chak kki'an i aj-ok'al utzam i jalajuj taq tinimit, man keje ile i ajawinel lik mijun utz taj kuk'ulmaj. Jun chke ajk'ak'alinel ke are a Daniel,


I ajawinel ma Nabucodonosor xutaq u'anik jun nim laj k'exwach re an-o'oj, chi unajtil rij o lajuj juwinaq (30) mejelik ch'uk che, i uwach o oxib' mejelik ch'uk che, i xutaq ub'ixkil chi kya' chila chwa ta'aj chi Dura ub'i, che ulew re Babilonia.


Swiv nou:

Piblisite


Piblisite