Daniel 2:44 - Wuj Pa K'ubultzij

⁴⁴ Che i ki'ajawinik i ajawinelab' le, i Dios aj chikaj ku'an ni jun k'ijib'al re ajawinik chi lik kwulijsax taj xaq lik nti jun chik tinimit kuya taq rib' puwi, are ni Ire kusach ni kiwach konojel i jub'an chik ajawinik, xaq lik nti uk'isik ronojel ij saq.

Daniel 2:44 Referans Kwoze

Mateo 28:18

I Jesús xtejeb' pan ku' xaq xub'ij chke: —Yatal chik pin-ab' u'atik tzij puwi ronojel ni'pa i olik. O chik pin-ab' ronojel i aj chikaj, xaq ronojel i aj chwach i jyub' ta'aj.

Salmos 145:13

I awajawinik are jun ajawinik ronojel ij saq uwach, xaq a'atb'al tzij lik ronojel ij saq uwach.

Daniel 6:26

rumali kinya i taqanik xaq kinb'ij chke ni'pa je o pwajawinik, chi chkikojo u'ij xaq chkiya u'ij u-Dios ma Daniel. Man Ire are i Dios k'aslik, xaq lik arewi k-e ij saq chrij. I rajawinik lik ksachsax ti uwach xaq i nim laj ucho'ab' nti uk'isik.

Apocalipsis 11:15

Te'uri i uwuq ángel xuch'awsaj u-trompeta, xaq xtataj jub'an ch'awb'al chila chikaj. Ko xkib'ij: I ajawinik re konojel i tinimit chwach i jyub' ta'aj o chik pu'ab' i Qajwal Dios, xaq pu'ab' i Cristo. Ire ku'an ni rajawinik k-e ij saq chrij. Keje ile xkib'ij.

Daniel 7:27

I ajawinik, i cho'ab' xaq chomalil re konojel i ajawinik chwach i jyub' ta'aj, lik kya' ni che utinimit i Nim laj Dios aj chikaj. I rajawinik lik o ni ronojel ij saq xaq konojel i tinimit re uwach ulew kechakun ru' xaq kekojon ni che.

Daniel 4:34

Are xtz'aqat i ij re i k'oqonik, yin, ma Nabucodonosor, xintaqen chikaj i xinna'o chi xinutzir che inch'ujlal; are uri xinkoj u'ij i Nim laj Dios i xinb'ixaj ru' i tziji chi arewi k'aslik ronojel ij saq: I ucho'ab' lik chnajtin ni ronojel ij saq; i rajawinik lik arewi k-e ij saq chrij chke konojel i lemajil.

ISAÍAS 60:12

I tinimit chi k-on ti upatan chawij, kkam na; ronojel ni'pa i nimaq taq tinimit kewulijsax na.

Daniel 4:3

¡Lik nimaq taq anik xaq i nimaq taq il! I rajawinik lik knajtin ni uwach ronojel ij saq i ktiki chu'anik lik nti uk'isik, arewi k-e chke konojel i lemajil.

Daniel 2:37

Nim laj Winaq, are yet lik mas at nim chkiwach konojel i ajawinelab', man i Dios aj chikaj uya'om chawe chi kat-ajawinik, uya'om i tikilem pa'ab', acho'ab', i a'ij,

GÉNESIS 49:10

Mijun kelsaw ucho'ab' ma Judá xaq i ch'amiy chi o pu'ab' k'a kk'un ni rajaw i ch'amiy, chi konojel i tinimit kekojon ni che.

Daniel 2:28

Xwiri o jun Dios chikaj chi kuya retamaxik ronojel i etamam ti uwach, Ire uya'om retamaxik chawe, Nim laj Winaq, wach kak'ulmaj k-on panoq. Kinb'ij ni usuk' awachik' chawe, Nim laj Winaq, xaq kinb'ij ni chawe wach ile chi awilom pa wach are katwarik:

Ezequiel 37:25

Kejeqi ni che i ulew chi xinya che wajpatan ma Jacob, xaq ipa xejeqi wi i katit kimam. Arewi chila kejeqi ni ike, i kak'al xaq konojel i kimuq kixikin; wajpatan ma David lik arewi are ire kaj-atzil.

Apocalipsis 2:27

Yin o atb'al tzij pin-ab' pacha uya'om Inqajaw chwe. Lik o ni kicho'ab' chu'atik tzij pkiwi i tinimit ru' kich'amiy ch'ich'. Kki'an ni chke pacha jub'an b'oj ulew kekipaxij; lik kki'an ch'aqa taq chke. Xaq kinya ki'ij pacha uchomal i nim laj ch'umil re usaqirb'al.

Juan 12:34

Are uri i winaq xkib'ij che: —Yoj rumal i atb'al tzij, qeta'am chi i Cristo k-e ij saq chrij uk'aslemal. ¿Wach u'ankil uri ile kab'ij yet chi pacha i Winaq chi Xolalaxoq chwach Ulew kyaktaj nu b'ik? ¿Pachin taq uri i pacha Winaq le chi Xolalaxoq chwach Ulew? —Xecha.

Daniel 8:25

Rumal usaqlejal, ni'pa taq i t'oronik ku'ano lik kel ni utz ru', lik ku'an ni nim che rib', xaq k'i chke i winaq chi kul kik'ux che ire xaqte'et kresaj kik'aslemal are nti kkich'ob' che. Ku'an ni ch'oj ru' i aj-atzil ke i aj-atzil, xwiri ksachsax ni uwach rumal ire.

Daniel 2:34

Tz'aqat yet, Nim laj Winaq, kattijin chutaqexik, puwi jun nim laj jyub' xtzaq li jun ab'aj, chi lik mijun xtakpuw loq, i xoltzaq che i raqan i k'exwach xaq lik xu'an ch'aqa taq che.

Hebreos 12:28

I ajawinik re i Dios chi kuya chqe, ile ksilab'sax taj, xaq kelsax taj. Chqatioxij ile, xaq chqakojo u'ij i Dios ru' ronojel qak'ux, xaq chqatioxij i nim laj k'axnab'al uk'ux pacha i kmajawik.

Daniel 2:35

Xaqte'et, i ch'ich', xo'ol, anch'ich', saq-o'oj xaq i an-o'oj lik konojel xeu'on k'ajil, pacha k-iltaj pa sa'ij are kch'ay uwach i trigo, i tew xuk'am b'ik, lik k-aljin ti chik. Xwiri i ab'aj chi xtzaq chwach i k'exwach xu'an pacha jun nim laj jyub' chi xunojsaj ronojel uwach ulew.

Daniel 2:43

Keje pacha xawil yet, Nim laj winaq, chi i ch'ich' o xo'ol ru', keje ni je aj-ok'al utzam ile ipa kerajawin wi, kki'an ni junam che kib' che i kich'ob'onik chi pacha taq re k'ulankil, xwiri ketiki ti chu'anik xa jun ch'akulaj che kib', xaq keje uri pacha i ch'ich' ru' i xo'ol chi kenak'i taj.

Hageo 2:7

Kin-an ni chke i nimaq taq tinimit kesiksatik, xaq kkik'am na li kib'eyomal, xaq wachoch lik knoj ni che uchomalil. I Ajwal chi ronojel ktiki che kub'ij:

2 Samuel 7:13

Are ni ire k-anaw jun wachoch ipa kkoj wi in-ij, xaq kin-an ni che chi k-e ij saq chrij rajawinik.

2 Samuel 7:16

Awalk'uwal xaq i awajawinik, lik nti kkik'ulmaj, man lik pin-ab' yin je o wi xaq akub'ib'al chi o u'ij lik k-e ni ij saq chrij.”

Daniel 6:27

Ire are tol qe xaq aj-o'tanel qe; chi ku'an i nimaq taq anik chikaj xaq chwach ulew. Ire xuto ma Daniel pki'ab' i koj.

Hageo 2:22

kinsachsaj ni uwach kicho'ab' i ajawinik chwach i jyub' ta'aj xaq kinwulijsaj ni ronojel i kub'ib'al chi o u'ij; keinb'alk'atij nu b'i ch'ich' re i ch'oj xaq i je o chupam, xaq kekam ni kaway xaq i winaq chi je annaq chkij; i chkijujunal kekam ni rumal i ch'ich' chi k'ulala o uware ke i katz kicha'.