Daniel 2:42 - Wuj Pa K'ubultzij

⁴² I uwi taq raqan o ch'ich' che xaq o xo'ol che, ile kraj ub'ixkil chi ajawinik lik o ucho'ab' xaq lik nti ucho'ab'.

Daniel 2:42 Referans Kwoze

Apocalipsis 13:1

Xin-e tak'al chuchi' i mar, xwil jun nim laj itzel chikop xel li pa mar. I nim laj itzel chikop le, wuqub' ujolom, i lajuj rok'a', xaq o jujun koron chkijujunal ujolom. Che i wuqub' ujolom is o taq b'iyaj tz'ib'tal chwach qajsab'al re u'ij i Dios.

Daniel 7:24

I lajuj taq ok'a' are i lajuj ajawinelab' chi kerajawin ni che i ajawinik le. Chkij ike le kk'iji jun chik che i k'ijib'al re taqanik, chi lik junwi na chkiwach i nab'e i lik xaq keresaj oxib' chke i ajawinelab' le.

Daniel 2:41

Yet, Nim laj Winaq, xaq xawilo chi jub'i' che i raqan xaq che i uwi taq raqan re xo'ol, xaq i jub'i' chik re ch'ich'; iri kraj ub'ixkil chi are ni jun ajawinik chi jachom uxol, tupu yatal ucho'ab' rumal i ch'ich', man yet, Nim laj Winaq, xaq xawilo chi i ch'ich' antal junam che ru' xo'ol.

Daniel 2:43

Keje pacha xawil yet, Nim laj winaq, chi i ch'ich' o xo'ol ru', keje ni je aj-ok'al utzam ile ipa kerajawin wi, kki'an ni junam che kib' che i kich'ob'onik chi pacha taq re k'ulankil, xwiri ketiki ti chu'anik xa jun ch'akulaj che kib', xaq keje uri pacha i ch'ich' ru' i xo'ol chi kenak'i taj.