Daniel 2:39 - Wuj Pa K'ubultzij

³⁹ Chrij i awajawinik yet, o ni tan chik jun ajawinik chi nti qas u'ij chwach i awe yet, te'uri kk'un jun chi are urox ajawinik re anch'ich' chi o ni ucho'ab' puwi ronojel i ulew.

Daniel 2:39 Referans Kwoze

Daniel 2:32

I ujolom i k'exwach le lik re an-o'oj saqil; i uwach uk'ux xaq i uteleb' lik saq-o'oj; i upam xaq uwi taq ra' lik anch'ich';

ISAÍAS 44:28

Yin kinb'ij che ma Ciro: Yet at wajyu'unel, yet ka'an ni ronojel ni'pa i kwaj yin; xaq kinb'ij che i tinimit Jerusalén: “Yet katyak chik ukamul”; xaq kinb'ij che i rachoch i Dios: “Koksax ni akub'ib'al”.

Daniel 10:20

Are uri xub'ij chwe: ¿Aweta'am b'uchak chi xink'un chawilik? Man wo'or o uchak kinch'ojin chik chwach i ángel chajinel re i Persia. Are kinmayij ch'oj ru' ire, kk'un ni i ángel chi ajchajinel re Grecia.

Daniel 8:20

I chij ma chi o keb' rok'a' kuk'utb'ej ke i ajawinelab' re Media xaq i re Persia.

ZACARÍAS 6:6

I kareta chi jek'tal kumal i kaway eq kij k-e che i tinimit pa moxab'; i kareta chi jek'tal kumal i kaway saq kij, k-e pa tinimit puqajb'al ij; i jun chik kareta chi jek'tal kumal i kaway kaqkoj kij, k-e pa tinimit wiqab'.”

ZACARÍAS 6:3

I urox kareta jek'tal kumal i kaway saq kij; xaq i ukaj kareta jek'tal kumal i kaway eq-oj kij.

Daniel 7:23

Xub'ij: I ukaj nim laj itzel chikop lik are ni ukaj ajawinik chi o ni chwach ulew, chi junwi chkiwach i jub'an chik. Kutij nu b'i ronojel i ulew, xaq kuya'ya ni uwi xaq ku'an ni ch'aqa taq che.

Daniel 2:38

xaq i rajawinik pkiwi konojel i k'ijib'al chi je o winaq chwach, chikop, xaq i tz'ikin; Ire lik uya'om ronojel pa'ab' yet, Nim laj Winaq, chi at are i jolomaj an-o'oj.

Daniel 2:40

Te'uri kk'un jun ukaj ajawinik, chi lik ko pacha i ch'ich'; keje pacha i ch'ich' chi lik ku'an mutmut che ronojel xaq lik kusach uwach, keje uri i jun ajawinik le k-on ni k'ax xaq lik kusach ni kiwach i jub'an chik ajawinik.

Daniel 8:21

I me' are i ajawinel re i tinimit Grecia, i nim laj rok'a' chi o chuxol ub'a'wach are i nab'e i ajawinel.