Daniel 2:38 - Wuj Pa K'ubultzij

³⁸ xaq i rajawinik pkiwi konojel i k'ijib'al chi je o winaq chwach, chikop, xaq i tz'ikin; Ire lik uya'om ronojel pa'ab' yet, Nim laj Winaq, chi at are i jolomaj an-o'oj.

Daniel 2:38 Referans Kwoze

JEREMÍAS 34:1

Ma Nabucodonosor, chi ajawinel re i Babilonia, junam ku' i achiyab' chi je yij che i ch'oj, chi je are i winaq ke konojel ni'pa i nimaq taq tinimit re i uwach i jyub' ta'aj chi je o pu'ab' ire, ketijin chu'anik ch'oj chrij i tinimit Jerusalén xaq chkij i tinimit chi je o naqaj chke, i Ajwal xlapan ru' ma Jeremías, xub'ij che:

Daniel 1:2

I Ajwal xuya che i ma Nabucodonosor chi kuchap b'i ma Joacim, chi xaq ktzaq ni pu'ab' k'iyal taq chapb'al re prachoch i Ajwal. Ma Nabucodonosor xeuk'am b'i ajprexil pa Sinar, xaq xuya ni'pa taq i chapb'al chi lik o u'ij chupam i rachoch utiox chi xaril je antalik;

Daniel 2:32

I ujolom i k'exwach le lik re an-o'oj saqil; i uwach uk'ux xaq i uteleb' lik saq-o'oj; i upam xaq uwi taq ra' lik anch'ich';

Daniel 2:39

Chrij i awajawinik yet, o ni tan chik jun ajawinik chi nti qas u'ij chwach i awe yet, te'uri kk'un jun chi are urox ajawinik re anch'ich' chi o ni ucho'ab' puwi ronojel i ulew.

Daniel 5:18

I Nim laj Dios are Ire xuya i ajawinik, xaq i nim laj cho'ab', chomalil xaq i u'ij i ma Nabucodonosor, chi aqajaw yet, Nim laj Winaq.

Daniel 4:18

Iri are i achik' chi yin in ajawinel ma Nabucodonosor, xwachik'aj. Wo'or, a Beltsasar, chab'ij chwe wach ke'eloq, man mijun chke i o kino'oj re inrajawinik utom ti ub'e; xwiri yet kattiki ni chub'ixkil chwe wach ke'eloq, man awu' yet o utewal i lo'laj Dios.

Daniel 7:4

I nab'e keje ktzunik pacha jun koj, xwiri o uxik' keje pacha re kotxik. Tz'aqat yin kintijin chutaqexik, xkimich' uxik', xkiyak pulew i xki'ayb'a puwi i raqan re chrij, xkitak'b'a anoq pacha taq jun winaq, te'uri xya' jun ranima re winaq.