Daniel 2:31 - Wuj Pa K'ubultzij

³¹ Chupam awachik', yet, Nim laj Winaq, xawilo chi chawach kwalij jun k'exwach lik nim xaq lik kwalch'inik chi lik xib'in ib' ktzunik.

Daniel 2:31 Referans Kwoze

Habacuc 1:7

Lik ko kiwach, lik je xib'in ib', lik keta'am ti jun chik atb'al tzij, lik xwi keta'am i ke ike.

Ezequiel 28:7

Kin-an chawe chi kek'un ni aj naj chu'anik ch'oj chawij, chi lik je itzel laj taq winaq, chi kkesaj na li kich'ich' chi k'ulala o uware re kki'anb'ej ch'oj chawij, yet, chi lik at chom chi xaq o anojb'al, xwiri lik kuqajsaj i achomalil k'a pulew.

ISAÍAS 13:11

I Ajwal kub'ij: Kinya ni tojb'alil pkiwi i winaq chwach i jyub' ta'aj rumal kimak, man lik kinya ni utojb'alil chke i utz ti laj taq winaq rumal i utz taj chi kki'ano, kink'is ni kiwach i winaq chi kki'an nim che kib' rumal ukojik ki'ij, kinqajsaj ni ki'ij i winaq chi lik je b'uy, xaq i je k'an laj taq winaq.

Lucas 4:5

Te'uri i Itzel xuk'am b'i che jun nim laj jyub'. Are uri xuk'ut che i Jesús ronojel i nimaq taq tinimit o chwach i jyub' ta'aj.

Mateo 4:8

Te'uri Itzel xuk'am chub'i i Jesús che jun jyub', lik naj uwi. Chila xeuk'utu wi che ronojel i tinimit chi o chwach i jyub' ta'aj, ru' taq i kichomal.

Daniel 3:1

I ajawinel ma Nabucodonosor xutaq u'anik jun nim laj k'exwach re an-o'oj, chi unajtil rij o lajuj juwinaq (30) mejelik ch'uk che, i uwach o oxib' mejelik ch'uk che, i xutaq ub'ixkil chi kya' chila chwa ta'aj chi Dura ub'i, che ulew re Babilonia.

Daniel 4:36

Che i jo'taj tan le xk'un chik innojb'al, i uchomalil i inrajawinik, in-ij xaq innimal. I je inpixb'anel xaq nimaq taq ajpatanib' re i inrajawinik xek'un chintzukuxik, are uri xink'iji chik chwach i rok'axik utzam i nim laj intinimit, chi lik xnimar mas in-ij chwach in o wi te'eq nab'e.

Daniel 2:36

Are achik' iri. Wo'or kinb'ij chawe, Nim laj Winaq, wach kraj ub'ixkil achik' le chawe.

Daniel 2:37

Nim laj Winaq, are yet lik mas at nim chkiwach konojel i ajawinelab', man i Dios aj chikaj uya'om chawe chi kat-ajawinik, uya'om i tikilem pa'ab', acho'ab', i a'ij,