Daniel 2:27 - Wuj Pa K'ubultzij

²⁷ A Daniel xula' uwach: —Lik nti jun o uno'oj, mitene ajnanel, mitene aj-ij xaq mitene jun chi reta'am wach ki'anom i ch'umil re kub'ij taq usuk' chawe wach kawaj retamaxik yet, Nim laj Winaq.

Daniel 2:27 Referans Kwoze

Daniel 2:2

Are uri xutaq kisik'ixik aj-ij, ajnanel, aj-itz xaq i je ajch'ob'onel, re kkib'ij usuk' i rachik' che. Ike xe'ek i xkik'ut kib' chwach i ajawinel,

ISAÍAS 44:25

Yin kinya taj chi k-ani na wach kkib'ij ajt'oronel laj taq profeta; Yin kin-ano chi ni'pa i kenanik ksach kinojb'al. Yin kin-ano chi ni'pa i o kino'oj kuk'ulaj ti rib' i kitzij chi xaq ronojel ni'pa i keta'am ke'eloq chi lik nti uchak.

ISAÍAS 19:3

Kin-an ni chke chi ksach kinojb'al, kin-an ni chke chi ke'el ti utz ru' wach kich'ob'om u'anik. Are uri kkik'ama kino'oj chke kitiox xaq chke aj-itz, chke i anima xaq chke i kenanik.

GÉNESIS 40:8

Ike xkib'ij che: —Chojkeb' xqa'an jun achik', xwiri nti jun kusaqij chqe wach usuk' ke'eloq —xecha. Are uri a José xub'ij chke: —¿Xatab'a are ti Dios ksaqiwik wach usuk' ke'eloq? ¿B'uchak kib'ij ti chwe wach xiwachik'aj? —Xcha.

GÉNESIS 41:8

Are xsaqirik xwalij loq, lik k'achirnaq rumal i rachik' le chi xu'ano, rumali xutaq kisik'ixik konojel aj-ij xaq konojel i o kino'oj chi je o chila pa Egipto. Are uri xulap i keb' rachik' le chke, xwiri mijun xtiki chusaqixik wach ke'el usuk' i keb' rachik' le.

JEREMÍAS 10:7

¿Pachin taq wa kuxij ti rib' chawe yet chi at Ajawinel ke i nimaq taq tinimit? Yet lik kmajaw chawe chi koksax a'ij. Chkixol konojel i o nimaq kino'oj xaq i ajawinelab' chwach i jyub' ta'aj, lik nti jun chik pacha yet.

Daniel 1:20

Che ronojel i b'iroxik chi rajwaxik b'iwil che xaq no'oj, puwi ile i ajawinel xutz'onoj chke, xeuriq lajujmul chi lik mas o kino'oj chkiwach konojel i o kino'oj xaq i je ajnanel chi je o chupam rajawinik.

Daniel 4:7

Xek'un konojel ni'pa i aj-ij, ajnanel, ajch'ob'onel aj Babilonia, xaq i jub'an chi keta'am wach ki'anom i ch'umil, yin xinlap i wachik' chke xwiri xetiki ti chub'ixkil chwe wach kraj ub'ixkil i wachik'.