Daniel 2:25 - Wuj Pa K'ubultzij

²⁵ Te'uri i ma Arioc xuk'am b'i a Daniel chwach i ajawinel ma Nabucodonosor, i xub'ij che i ajawinel: —Chkixol i aj Judá chi je elsam li pkitinimit inriqom jun achi chi kub'ij usuk' chawe yet, Nim laj Winaq, wach kraj ub'ixkil i awachik'.

Daniel 2:25 Referans Kwoze

Daniel 6:13

Are uri ike xkijeq chik ub'ixkil: —Xwi a Daniel, jun chke i aj Judá chi je elsam li che kitinimit, lik kkojon ti chawe, Nim laj Winaq, man ku'an ti i taqanik chi elsam ub'ixkil, man qilom ku'an i oxmul ulapanik ru' u-Dios ij ij.

Daniel 5:13

I a Daniel xk'am b'i chwach i ajawinel, i ajawinel xutz'onoj che: —¿Yet at a Daniel, jun chke ajprexil aj Judá chi inqajaw ajawinel ma Nabucodonosor, xuk'am li che i tinimit Judea?

Daniel 1:6

Chkixol alab'om le o i a Daniel, a Ananías, a Misael xaq i a Azarías, chi je re i utzob'ajil ma Judá

ECLESIASTÉS 9:10

Xaq ronojel ni'pa o pa'ab' u'anik, cha'ana ru' ronojel ak'ux; man chila pa jul re i kamik ipa keak'isa wi, lik nti anik kraj, nti uch'ob'ik kraj, xaq nti etamanik mitene i no'oj.

Proverbios 24:11

Cheato ni'pa i ch'iktal tojpen re i kamik chkij; xaq cheawesaj chwach i kamik ni'pa lik kamik chik ke.

NEHEMÍAS 7:6

Iri are kib'i aj Israel, chi je alaxel pa tinimit Judá, chi xe'elsax b'i pa cho'ab' chwach kulew rumal i ajawinel ma Nabucodonosor, chrijil chik ile xetzalij chali pa Jerusalén xaq pa jalajuj taq k'ijib'al pa Judá, lik chkijujunal xe'e pa taq kitinimit: Ma Zorobabel, ma Jesúa, ma Nehemías, ma Azarías, ma Raamías, ma Nahamani, ma Mardoqueo, ma Bilsán, ma Misperet, ma Bigvai, ma Nehum xaq ma Baana.

GÉNESIS 41:14

Are uri ma faraón xutaq usik'ixik a José rumali juntir xkesaj li prexil. I a José le xresaj uwi, xujalwachij li u'u' te'uri xpe chwach ma faraón.