Daniel 2:10 - Wuj Pa K'ubultzij

¹⁰ —Lik mijun o chwach i jyub' ta'aj —xkila' uwach i o kinojb'al —chi kuriq ub'ixkil wach kawaj kawetamaj yet, Nim laj Winaq. Xaq keje ile, mijun chke taq ajawinelab' tupu lik nim u'ij xaq nim ktiki che, utz'onom ti b'iroxik xaqjunam pacha iri chke taq aj-ij, aj-itz xaq chke jub'an chi o kinojb'al.

Daniel 2:10 Referans Kwoze

Daniel 2:27

A Daniel xula' uwach: —Lik nti jun o uno'oj, mitene ajnanel, mitene aj-ij xaq mitene jun chi reta'am wach ki'anom i ch'umil re kub'ij taq usuk' chawe wach kawaj retamaxik yet, Nim laj Winaq.

ISAÍAS 47:13

K'iyal taq ajpixb'anel je k'ijinaq awu', lik to' krix chik ak'ux chke. ¡Chek'un uri awinaq chi keilaw ub'e uwa taq kaj, ike chi kenanik ru' uk'amik utaqexik i ch'umil, ike chi kkitzijoj i k-on panoq ik' ik'. Chi lik kkitzukuj wach ato'ik kki'ano.

Daniel 2:2

Are uri xutaq kisik'ixik aj-ij, ajnanel, aj-itz xaq i je ajch'ob'onel, re kkib'ij usuk' i rachik' che. Ike xe'ek i xkik'ut kib' chwach i ajawinel,

Daniel 3:8

Jujun chke aj Caldea lik xkiriq u'anik che i ij le, re xkikoj kimak aj Judío chwach i ajawinel ma Nabucodonosor,

Daniel 4:7

Xek'un konojel ni'pa i aj-ij, ajnanel, ajch'ob'onel aj Babilonia, xaq i jub'an chi keta'am wach ki'anom i ch'umil, yin xinlap i wachik' chke xwiri xetiki ti chub'ixkil chwe wach kraj ub'ixkil i wachik'.