Daniel 11:6 - Wuj Pa K'ubultzij

⁶ Are ik'awnaq chik keb' oxib' junab', chekeb' kki'an ni jun trat: I ajawinel re pa wiqab' kuya ni umi'al chi kk'uli ru' i ajawinel re pa moxab', man keje ile kki'an i chomb'al ib' chkiwach i keb' nimaq taq tinimit. Xwiri i kich'ob'onik kel ti utz, man ire, rak'al, rachijil, xaq i rajtaqon lik kekamsax na.

Daniel 11:6 Referans Kwoze

Daniel 11:13

I ajawinel re pa moxab' kuyijb'a chik jutzob'aj achiyab' chi je yij che i ch'oj, mas nim chwach i nab'e, are kik'aw keb' oxib' junab' ku'an tan chik ch'oj chkij aj pa wiqab' ru' uk'iyal taq tzob'aj chi lik je yij che i ch'oj, lik o kich'ojb'al.

Daniel 11:40

Are kuriq i k'isb'al ij, i ajawinel re pa wiqab' ku'an ni ch'oj chrij i ajawinel re pa moxab'; xwiri ire kel nu b'i chuk'ulaxik chi pacha taq jun tew jab', ktzaq ni puwi i wiqab', chi lik knoj ni i tinimit che i ch'ich' re i ch'oj, ajch'oj rij taq kaway xaq uk'iyal taq barco.

Daniel 11:15

I ajawinel re pa moxab' kk'un chuyakik jun elb'al b'ik chrij chwach jun nim laj tinimit chi sutim rij ru' uwach xan nim uwach, lik kuch'ak na xaq kuk'am na. Mitene i jutzob'aj achiyab' chi lik je yij che i ch'oj chi lik o kicho'ab' re pa wiqab', ketiki ti chu'atixik i je ajch'oj chkij.

Daniel 11:7

Xwiri, jun chke i ralk'uwal ku'an ni ch'oj chkij achiyab' chi je yij che i ch'oj aj pa moxab' xaq kk'iji ni che i k'ijib'al re tob'al ib' chi re te'eq i ajawinel, xaq i k'iyal taq utzob'ajil ketiki ni chuch'akik i ch'oj.

ZACARÍAS 11:16

Man kinya jun ajyu'ul chij puwi i tinimiti chi lik nti kuch'ob' chkilik i chij chi je o pa k'ax, mitene kutzukuj i jun chi sachnaq, mitene kukunaj i jun chi soktajnaq, mitene kutzuq i jun chi nti ucho'ab', xa are i ku'ano xa keutij i chij chi lik je ti'ojab', lik mitene i kixk'aq kuya kanoq.

Ezequiel 30:21

Yin inpatz'om uteleb' i ma faraón, chi ajawinel re i tinimit Egipto, i mijun ukunam che xaq ub'atz'om taq k'ul chrij yab'al tan chik ucho'ab' chi lik ktiki tan chik chumo'exik uch'ich' chi k'ulala o uware.

Salmos 10:5

Arewi kel utz ru' ni'pa i ku'ano; che ire i a'atb'al tzij yet lik k'a naj o wi che; keuyo'ya i je ajch'oj chrij.

Job 38:15

I itzel laj taq winaq kya' ti chke chi kkil uwach i saq re i pa'ij xaq ksachsax uwach i utz taj chi kki'ano.