Daniel 11:5 - Wuj Pa K'ubultzij

⁵ I ajawinel re pa wiqab' lik o ni ucho'ab', xwiri jun chke uwi ujolom i rajtaqon lik k-on ni mas nim ucho'ab' chwach ire, xaq lik kunimarsaj b'i ucho'ab' pkiwi k'iyal taq tinimit.

Daniel 11:5 Referans Kwoze

Daniel 11:25

Lik rumal ucho'ab' xaq ukowil uk'ux ku'an ni ch'oj chrij i ajawinel re pa wiqab' ru' ucho'ab' jun nim laj tzob'aj achiyab' chi je yij che i ch'oj. I ajawinel re pa wiqab' lik kula' ni uwach ru' ukowil uk'ux, xaq ke'ok ni pa ch'oj ru' uk'iyal winaq chi je yij che i ch'oj chi xaq ronojel ketiki che; xwiri xa kt'orik man ktiki ti che kicho'ab' i achiyab' chi je yij che i ch'oj chi je ajch'oj chrij ire.

Daniel 11:14

Are k-antaj iri, lik je k'i na kewalij chrij i ajawinel pa wiqab'. Chkixol ike je o ni jujun itzel laj taq achiyab' aj Israel, keje pacha x-iltaj pa wachij, xwiri kech'akan taj.

Daniel 11:11

Are i ch'oj chi xeu'ana i jutzob'aj ajch'oj re i atol tzij pa moxab' lik kupetsaj ni roywal i ajawinel re i k'ijib'al wiqab', ire le kel na li pa ch'oj chkij i nim laj tzob'ajil chi ajch'oj chrij, lik keuch'ak ni konojel.

Daniel 11:40

Are kuriq i k'isb'al ij, i ajawinel re pa wiqab' ku'an ni ch'oj chrij i ajawinel re pa moxab'; xwiri ire kel nu b'i chuk'ulaxik chi pacha taq jun tew jab', ktzaq ni puwi i wiqab', chi lik knoj ni i tinimit che i ch'ich' re i ch'oj, ajch'oj rij taq kaway xaq uk'iyal taq barco.

ZACARÍAS 6:6

I kareta chi jek'tal kumal i kaway eq kij k-e che i tinimit pa moxab'; i kareta chi jek'tal kumal i kaway saq kij, k-e pa tinimit puqajb'al ij; i jun chik kareta chi jek'tal kumal i kaway kaqkoj kij, k-e pa tinimit wiqab'.”