Daniel 11:40 - Wuj Pa K'ubultzij

⁴⁰ Are kuriq i k'isb'al ij, i ajawinel re pa wiqab' ku'an ni ch'oj chrij i ajawinel re pa moxab'; xwiri ire kel nu b'i chuk'ulaxik chi pacha taq jun tew jab', ktzaq ni puwi i wiqab', chi lik knoj ni i tinimit che i ch'ich' re i ch'oj, ajch'oj rij taq kaway xaq uk'iyal taq barco.

Daniel 11:40 Referans Kwoze

Daniel 11:35

Xaq o ni jujun chke i kek'utun pa tinimit ketzukux na, man keje ile kk'am ni kipam, xaq k-an ni ch'am chke xaq kesuk'b'ax na, k'a kuriq ni ij pa k'isb'al re chi ch'ikom chik.

Daniel 11:10

Xwiri i rak'al i ajawinel re i moxab' kkiyijb'a kib' re i ch'oj xaq kkimol kichi' i winaq re kkiyijb'a jun nim laj tzob'aj achiyab' chi je yij che i ch'oj. Jun chke ike junam ku' i rajch'oj ke'e pa ch'oj chkij i je o pa wiqab', lik ronojel kusach ni kiwach pacha ku'an jun raqana are lik knimarik chi lik kel pub'e; te'uri ku'an tan chik ch'oj, k'a kupon ni che i tob'al ib' re i ajawinel re pa wiqab'.

ISAÍAS 5:28

Lik jutzutz utzam i ch'ab' xaq ronojel i k'aqb'al kich'ab' lik ko. I kisapak i kikaway lik ko pacha i ab'aj, xaq lik pacha kaqsut i sotsaq re b'inb'al kich'ich'.

Apocalipsis 16:12

I uwaq ángel xujopij b'i utu'b'al puwi i nim laj raqana Éufrates. Are uri, i ya xchaqijik; i ub'eya xe'eloq jun nim laj kib'e jub'an ajawinelab' chi kek'un prelb'al ij.

ZACARÍAS 9:14

I Ajwal kuk'ut ni rib' puwi utinimit; kuk'aq na li uch'ab' pacha ray. I Ajwal Dios kuch'awsaj ni trompeta xaq k-e b'i chupam i uch'awb'al ray pa wiqab'.

Daniel 12:4

Xwiri yet, ma Daniel, chak'olo i tzij le ani'al xaq chatz'apij i wuj k'a kuriqa ni k'isb'al ij. Je k'i ni winaq kepe jewa xaq ke'e jela, re kkitzukuj uk'iyarsab'al kinojb'al.

Ezequiel 38:4

Kin-an chawe chi kattzalij chaloq, kinkoj xok ch'ich' pachi', katwesaj b'i yet xaq konojel i akaway, junam ku' i ke'an chkij chi chomiq ki'u', i je ajch'oj le chi lik je k'i kiyijb'am kib' ru' kich'ojb'al chi k'ulala o uware xaq i jalajuj taq tob'al kib'.

JEREMÍAS 4:13

Chiwila pe', i ajch'oj chiwij ktijin kitejeb'ik pacha jun sutz', i kich'ich' re anb'al ch'oj lik keje pacha jun nim laj jab' tew upam, xaq i kikaway mas kkich'ij b'e chkiwach i kotxik. ¡To' qawach yoj, man wo'or kqariq i tojb'al re!

ISAÍAS 21:1

Tzijonik re i Ajwal chrij i tz'inilik jyub' chaqij: Pacha jun tew jab' chi kpe pa wiqab'im, kpe pa tz'inilik jyub' chaqij chi are jun k'ijib'al xib'in ib'.

Apocalipsis 9:16

Te'uri xinta ni'pa kik'iyal achiyab' chi je yij che i ch'oj chi je o rij kaway: Je lajujwinaq (200) millón.

Daniel 11:22

Lik kusachsaj ni uwach ronojel i cho'ab' chi ke'atiw ire, xaq kukamsaj ni aj-atzil re i trat.

Daniel 8:17

Are uri ire xtejeb' wu'. Yin lik xinxij wib' xaq xinxuki'ik k'a xinqajsaj inpalaj chwach ulew, xwiri ire xub'ij chwe: Rak'al winaq, chakojo retalil iri chi xawil pa wachij man usuk' ile are i k'isb'al taq ij.

ISAÍAS 66:15

Man i Ajwal kupon chupam i a', i uch'ich' re ub'inb'al kemajaw i kaqsut, re kresb'ej i roywal xaq i ujuluwik uya'ik utojb'alil.

Daniel 11:7

Xwiri, jun chke i ralk'uwal ku'an ni ch'oj chkij achiyab' chi je yij che i ch'oj aj pa moxab' xaq kk'iji ni che i k'ijib'al re tob'al ib' chi re te'eq i ajawinel, xaq i k'iyal taq utzob'ajil ketiki ni chuch'akik i ch'oj.

Daniel 11:11

Are i ch'oj chi xeu'ana i jutzob'aj ajch'oj re i atol tzij pa moxab' lik kupetsaj ni roywal i ajawinel re i k'ijib'al wiqab', ire le kel na li pa ch'oj chkij i nim laj tzob'ajil chi ajch'oj chrij, lik keuch'ak ni konojel.

Daniel 11:13

I ajawinel re pa moxab' kuyijb'a chik jutzob'aj achiyab' chi je yij che i ch'oj, mas nim chwach i nab'e, are kik'aw keb' oxib' junab' ku'an tan chik ch'oj chkij aj pa wiqab' ru' uk'iyal taq tzob'aj chi lik je yij che i ch'oj, lik o kich'ojb'al.

Daniel 11:25

Lik rumal ucho'ab' xaq ukowil uk'ux ku'an ni ch'oj chrij i ajawinel re pa wiqab' ru' ucho'ab' jun nim laj tzob'aj achiyab' chi je yij che i ch'oj. I ajawinel re pa wiqab' lik kula' ni uwach ru' ukowil uk'ux, xaq ke'ok ni pa ch'oj ru' uk'iyal winaq chi je yij che i ch'oj chi xaq ronojel ketiki che; xwiri xa kt'orik man ktiki ti che kicho'ab' i achiyab' chi je yij che i ch'oj chi je ajch'oj chrij ire.

Daniel 11:39

Re kutob'ej i kowil xaq i cho'ab', keuchapb'ej i winaq chi kkikoj u'ij i dios aj naj; i konojel ni'pa kkikoj u'ij i ajawinel le, ire lik kuya ni ki'ij, lik keuya ni che i k'ijib'al chi lik o u'ij xaq kuya ni kulew pacha taq tioxb'al re chke.

Daniel 12:9

Ire xula' uwach chwe: Mamayij ab'e ma Daniel man i tziji lik o ni uchak kuwax uwach k'a kuriq ni k'isb'al ij.

Habacuc 3:14

Lik ru' uch'ab' i aj-atzil xakamsaj, i achiyab' chi je ajrij taq kaway lik je keje pacha jun nim laj jab' tew upam, kejuk'uk'ik xkik'aq li kib' jachb'al re kixol i jub'an chi nti kich'ojb'al kamsab'al ke ani'al.

Ezequiel 38:9

Katupon ni yet pacha jun nim laj sutz' ch'uqb'al re i tinimit, xaq ka'an ni ch'oj chrij pacha jun nim laj jab' junam ku' awajch'oj xaq ni'pa taq uk'iyal i tinimit.