Daniel 11:33 - Wuj Pa K'ubultzij

³³ I o kino'oj pa tinimit kkik'ut ni chke uk'iyal winaq, xwiri juntir kekamsax ni ike, knak' a' chke xaq kel-ax ni ronojel chke ni'pa o ku', i k-an ni mokom chi je o pki'ab' i kajaw chke chila pa jun tinimit naj. Iri kuch'ij ni keb' oxib' ij.

Daniel 11:33 Referans Kwoze

Juan 16:2

man kixelsax nu b'i pa taq ja re molb'al ib' ke i judío. Xwi ti la ile, kuk'ulmaj na chi xapachin kixkamsawik kuch'ob' na chi ru' i ku'ano le, ku'an jun upatan chwach i Dios.

Mateo 24:9

Yix kixchaptaj na, kixya' ni pa k'ax, xaq kixkamsax na. Konojel i winaq tzel ni kixkilo xa wumal Yin.

MALAQUÍAS 2:7

Lik chkiqul i je ajsujul sipon o wi uk'utik xaq retamaxik inwach, i konojel o uchak keupon ku' ike k'amb'al re utzijol wach kki'ano, man are ike je ajb'il tzij re i Ajwal chi ronojel ktiki che.

Apocalipsis 17:6

Are uri xwilo chi i ixoq lik ab'arel, xwiri ire ab'arel rumal i kikik'el i je re i Dios, xaq rumal i kikik'el ike chi je ajsaqinel tzij chrij i Jesús. Are xwilo, lik xinb'isoj.

Hebreos 11:34

O jujun xemin pa orno, xwiri xekam taj tupu nim ucho'ab' i a'; o jujun laj xekamsax ru' ch'ich' chi k'ulala o uware, xwiri i Dios xeuto chi xekamsax taj; o i nti kicho'ab', xwiri rumal ukub'ib'al kik'ux che i Dios lik xk'iji kicho'ab'; xaq o jujun, are xki'an ch'oj, xekich'ak i achiyab' chi je ajch'oj chkij.

Daniel 12:10

Lik je k'i keik'aw ni che uyej chi b'italik, man lik rajwaxik chi keu'on ni ch'am xaq kesuk'i'ik anb'al chom chke. I je utz ti laj taq winaq kkimayij ti u'anik i kimak, xaq kkita ti ub'e wach kk'ulmaxik, xwiri i winaq chi o kino'oj lik kkita ni ub'e ronojel.

Apocalipsis 7:14

Yin xinb'ij che: “Nim laj winaq, yet aweta'am”. Xinb'ij che. Ire xub'ij chwe: Je are ike chi je elnaq chupam i nim laj uyej chi xik'aw chwach i jyub' ta'aj. (Kijachom kib' pu'ab' i Tol ke.) Kich'ajom i ki'u', xaq ki'anom chik saq che ru' ukik'el i Ral Chij.

Apocalipsis 6:9

Te'uri xaq xwil chik i Ral Chij xuraqch'ij i ujo' sello. Are uri xwil chuxe' i sujb'al sipon, chila o wi i kanima ike chi xekamsax ni rumal utzijoxik utzij i Dios; ike xkimayij ti ub'ixkil utzij, tupu xekamsax rumal.

Apocalipsis 2:13

Ire kub'ij: Yin is weta'am wach i kixtijin chu'anik; weta'am chi yix ix jeqel che jun tinimit lik utz taj, man lik uk'ijib'al Itzel. Xwiri yix lik ix teren ni chwij; lik in iwo'tam ti kanoq, tupu xkamsax iwachalal ma Antipas chixol. Ire le, lik xujikb'a uk'ux chwe; xumayij ti ub'ixkil intzij, tupu rumal ile xkamsaxik. Keje x-an ile pa tinimit ipa jeqel wi Itzel.

Apocalipsis 1:9

Yin, chi in ma Wan, lik in iwachalal chwach i Cristo; lik junam iwu' yix qakub'am qak'ux che ire. Rumal ile xaqjunam iwu' yix o qe che i ajawinik re i Dios; Pacha i k'ax chi kitij yix keje kintij yin xwiri o incho'ab' chi i Dios kuya chqe re kqach'ij i k'ax le. In taqtal li che i ulew Patmos ub'i, ulew chi o ya chrij chwach, xa rumal upaxsaxik utzij i Dios, xaq rumal ub'ixkil i saq laj tzij chi u'aljinsam i Jesucristo chqe.

2 Timotéo 4:6

Yin, ya kuriq i ij chi ink'aslemal ya kya' chwach i Dios pacha jun sipon, rumali lik ya kuriq i or re inkamik.

2 Timotéo 1:12

Rumali chi lik kintij ni uyeji. Xwiri kink'ix ti che, man lik weta'am pachin che inya'om wi ink'ux; lik weta'am chi ire o ucho'ab' chinchajixik k'a pa k'isb'al ij, ru' ni'pa uya'om chinqul.

1 Corintios 4:9

Kwil yin, yoj chi oj apostolab', i Dios u'anom chqe chi nti qa'ij. Xa pacha oj ajprex chi kojkamsax ni chkiwach konojel i winaq. Kojkitaqej konojel i winaq pacha kki'an jun ka'ay chqe, xaq chkiwach konojel i ángel.

Hechos 14:21

Chrijil chik utzijoxik i utz laj tzij k'ak' chila pa Derbe ipa k'iyal winaq xkikoj i Dios, xetzalij chub'i pa tinimit Listra, Iconio xaq pa Antioquía.

Hechos 11:26

Are xuriqo, xuk'am b'i ru' pa tinimit Antioquía, chila xek'iji wi jun junab' ku' i jutzob'aj re i Dios, ktijin chuk'utik utzij i Dios chke k'iyal winaq. Chila pa tinimit Antioquía xb'ix wi nab'e mul chke i tijoxelab', “Winaq chi kekojon che i Cristo”.

Mateo 28:20

Chik'utu chke chi o uchak kekojon ni che ronojel ni'pa ink'utum Yin chiwe yix. Misach pik'ux chi Yin in o ni iwu' ronojel ij saq, k'a pa k'isb'al re uwach i jyub' ta'aj.

Mateo 20:23

Are uri i Jesús xub'ij: —Qatzij, yix is kixik'aw ni chupam i k'axi, xaq kitij ni uyej pacha kinik'aw wi Yin. Xwiri, nti pin-ab' Yin kinb'ij pachin kkub'i pinwiqab'im xaq pinmoxim. Xwi Inqajaw o pu'ab'; Ire uyijb'am chik i k'olb'al le, Ire reta'am pachin kek'iji che, —xub'ij i Jesús chke.

Mateo 13:11

I Jesús xula' uwach chke: Yix ut, i Dios uya'om chiwe kita ub'e wach usuk' U'atb'al tzij i Dios aj Chikaj. Xwiri chke ike keje ti ile.

Mateo 10:21

Kiwil na, o i winaq kekijach ni i katz kicha' i je ajch'oj chkij, kamsab'al ni ke; xaq je o ni qajawxelab' keje kki'an ile lik kekijach ni kak'al. Xaq keje i kak'al kekijach ni kiqajaw kichuch pki'ab' ajkamsanel.